Maʻá e Toʻutupú
Founga ke Talitekeʻi Ai ʻa e ʻAhiʻahí
SIOSIFA—KONGA 1
Fakahinohino: Fai ʻa e lautohí ni ʻi ha ngaahi feituʻu lōngonoa. ʻI hoʻo lau ʻa e ngaahi konga Tohi Tapú, sioloto atu ʻokú ke kau ʻi he meʻa ʻoku hokó. Sioloto atu ki he meʻa ʻoku hokó. Fanongo ki he ngaahi leʻó. ʻAi ke ke ongoʻi ʻa e ngaahi ongo ʻo e faʻahinga ʻoku hā ʻi he talanoá. ʻAi e fakamatalá ke hangē pē ha meʻa moʻoní.
Faʻahinga tefitó: Siosifa mo e uaifi ʻo Pōtifá
Fakanounou: ʻOku talitekeʻi ʻe Siosifa ʻa e ʻahiʻahi ke ne fehokotaki fakasino mo e uaifi ʻo Pōtifá.
1 ʻANALAISO ʻA E TUʻUNGÁ.—LAU ʻA E SĒNESI 39:1-12.
Fakamatalaʻi ʻa e fuʻu fale fakaʻofoʻofa ʻo Pōtifá ʻi hoʻo sioloto atu ki ai.
․․․․․
ʻOku anga-fēfē hoʻo sioloto atu ki he fōtunga ʻo Siosifá? (Tokoni: Toe lau ʻa e veesi 6.)
․․․․․
Ko e hā ʻa e ongoʻi ʻokú ke ʻiloʻi naʻe ʻi he leʻo ʻo Siosifá ʻi heʻene lea ki he uaifi ʻo Pōtifá he veesi 8 mo e 9?
․․․․․
2 FEKUMI LAHI ANGE.
Ko e hā nai naʻá ne ʻai ke ʻahiʻahiʻi ʻa Siosifa ke ne fakangaloku ʻa hono tuʻunga fakaeʻulungāngá? (Tokoni: Lau ʻa e Filipai 2:12, pea fakakaukau fekauʻaki mo e ngaahi tuʻunga ʻo Siosifá. Ko e fakatātaá, ʻi he taimi ko iá, naʻe ʻi fē ʻa e ngaahi mēmipa ʻo e fāmili ʻo Siosifá mo e kaungā lotu kia Sihová?)
․․․․․
ʻOkú ke pehē ko e hā naʻe ongoʻi ai ʻe Siosifa ko hono fai ʻo e tonó ʻe hoko ko ha angahala ki he ʻOtuá lolotonga ia ʻi he taimi ko iá, naʻe teʻeki ai ha lao mei he ʻOtuá ʻo kau ki he tonó? (Tokoni: Lau pea fakalaulauloto ki he ngaahi konga Tohi Tapu ko ení: Sēnesi 2:24; 12:17, 18; Loma 2:14, 15; mo e Hepelū 5:14.)
․․․․․
3 NGĀUEʻAKI ʻA E MEʻA KUÓ KE AKÓ. TOHIʻI ʻA E MEʻA KUÓ KE AKO FEKAUʻAKI MO E . . .
Fehokotaki ʻi he mapuleʻi-kitá mo e ngeiá.
․․․․․
Ngaahi ʻaonga ʻoku hoko ki he faʻahinga ko ia ʻoku nau pipiki ki he ngaahi tuʻunga fakaeʻulungaanga ʻa e ʻOtuá.
․․․․․
Fiemaʻu ke akoʻi ho “ngaahi mafai ʻiloʻiló.” (Hepelū 5:14)
․․․․․
KI HA NGĀUE LAHI ANGE.
Ko e hā e (ngaahi) tafaʻaki ʻi hoʻo moʻuí ʻe lava ke ke loto-pau ange ai ʻi he fekauʻaki mo hono talitekeʻi ʻa e ʻahiʻahi ki he fehokotaki fakasinó? (Tokoni: Lau pea fakalaulauloto ki he Siope 31:1; Saame 119:37; ʻEfesō 5:3, 4.)
․․․․․
4 KO E HĀ ʻA E TAFAʻAKI ʻO E FAKAMATALÁ NI ʻOKU MOHU ʻUHINGA TAHA KIATE KOÉ, PEA KO E HĀ HONO ʻUHINGÁ?
․․․․․
Lau ʻa e fakamatala lahi ange makatuʻunga he tohi tapú ʻi he www.watchtower.org