Fakamanatu ʻo e Ako Fakafaifekau Fakateokalatí

Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻi Fepueli 22, 2010. ʻE fai ʻe he ʻovasia akó ha fakamanatu miniti ʻe 20 ʻo makatuʻunga he fakamatala naʻe kāpui ʻi he ngaahi konga ki he uike ʻo Sanuali 4 ki Fepueli 22, 2010.

1. Ko e hā nai ʻa e ngaahi meʻa tefito naʻá ne fakatupunga ʻa e kau ʻIsileli ʻe niʻihi ke nau tautoloi ʻi hono maʻu ʻa e Fonua ʻo e Talaʻofá, pea ko e hā ʻa e lēsoni ʻe lava ke tau ako mei hení? (Sios. 18:2, 3) [it-1-E p. 359 pal. 5]

2. Ko e hā naʻá ne ueʻi moʻoni ʻa Siosiua ke ne leaʻaki ʻa e meʻa naʻá ne fai ʻi he Siosiua 24:14, 15, pea ʻoku totonu ke fēfē ʻene kaunga kia kitautolú? [w08 5/15 p. 17-18 pal. 4-6]

3. Ko e hā ʻa e founga ʻe taha naʻe hoko ai ʻa e kau lotu Pēalí mo ʻenau founga lotú ko ha tauhele ki he kau ʻIsilelí? (Fkm. 2:3) [w08 2/15 p. 27 pal. 2-3]

4. Ko e hā ʻa e lēsoni ʻe lava ke tau ako mei hono ngāueʻaki loto-toʻa ʻe ʻĒhuti ʻa e heletaá? (Fkm. 3:16, 21) [w97-E 3/15 p. 31 pal. 4]

5. Ko e hā ʻa e fakalototoʻa ʻoku tau maʻu ʻi heʻetau ako ʻa e founga naʻe fakahaofi ai ʻe Sihova ʻa Kitione mo ʻene kau tangata ʻe toko 300? (Fkm. 7:19-22) [w05 7/15 p. 16 pal. 8]

6. ʻI he founga fē naʻe ‘ʻikai makātaki ai ʻa e finangalo ʻo Sihová koeʻuhi koe mamahi ʻa Isilelí’? (Fkm. 10:16) [cl p. 254-255 pal. 10-11]

7. Naʻe ʻi he fakakaukau ʻa Sēfitá ha feilaulau fakaetangata ʻi hono fai ʻene fuakavá? (Fkm. 11:30, 31) [w05 1/15 p. 26 pal. 1]

8. Ko e mālohi ʻo Samisoní naʻe ʻi hono louʻulú moʻoni? (Fkm. 16:18-20) [w05 3/15 p. 28 pal 5-6]

9. ʻE lava fēfē ke tokoniʻi kitautolu ʻi heʻetau mahinoʻi ʻa e ngāue fakaofo ʻa Samisoni naʻe fakamatalaʻi ʻi he Fakamaau 16:3? [w04 10/15 p. 15-16 pal. 7-8]

10. Kapau “naʻe taki taha fai hono loto,” naʻe pouaki ʻe he meʻá ni ha moveuveu? (Fkm. 17:6) [w05 1/15 27]