Fakamanatu Ako Fakafaifekau Fakateokalatí

Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻo Sune 27, 2011. ʻE fai ʻe he ʻovasia akó ha fakamanatu miniti ʻe 20 ʻo makatuʻunga he fakamatala naʻe kāpui ʻi he ngaahi konga ki he uike ʻo Mē 2 ki Sune 27, 2011.

1. Ko e hā ʻa e lēsoni ʻoku lava ke tau ako mei he fiemaʻu ʻe Sihova ʻa Siope ke lotu maʻá e faʻahinga naʻa nau faiangahala kiate iá? (Siope 42:8) [w98 8/15 p. 30 pal. 5]

2. Ko e hā ʻa e “gaahi feilaulau maonioni” ʻoku foaki atu ʻe he kau Kalisitiane he ʻaho ní? (Sāme 4:5, PM) [w06 5/15 p. 18 pal. 9]

3. Naʻe anga-fēfē hono akoʻi ʻo Tēvita ʻe hono kofuuá? (Sāme 16:7) [w04 12/1 p. 14 pal. 9]

4. ʻOku anga-fēfē ʻa e pehē “ko e ngaahi langi ʻoku nau tala ʻa e nāunauʻia [pe lāngilangi] ʻo e ʻOtua”? (Sāme 19:1) [w04 10/1 p. 10 pal. 8]

5. ʻI he Sāme 27:14 ʻoku fokotuʻu mai ai ʻa e hā fekauʻaki mo e ʻamanakí mo e loto-toʻá? [w06 10/1 p. 26-27 pal. 3, 6]

6. ʻOku totonu ke anga-fēfē hono ueʻi ʻe he Sāme 37:7 (PM) ʻetau ngaahi tōʻonga he lolotonga ʻo e taimi ʻo e ngataʻangá? [w03 12/1 p. 13 pal. 16]

7. Ko e hā ʻa e lēsoni fekauʻaki mo e houngaʻiá ʻe lava ke ako mei he tuʻunga ʻo ha tokotaha Līvai pau naʻe fakaheeʻi? (Sāme 42:1-3) [w06 6/1 p. 9 pal. 3]

8. Ko e hā ʻe lava ke ne tokoniʻi kitautolu ke fakatupulekina ha ʻofa ki he māʻoniʻoní pea fehiʻa ki he angahalá? (Sāme 45:7, PM) [w05 1/1 p. 9 pal. 9, 11]

9. Ko e “laumalie” loto-lelei ʻo hai naʻe kole ʻa Tēvita ke tokoniʻí? (Sāme 51:12) [w06 6/1 p. 9 pal. 10]

10. ʻE lava fēfē ke tau hangē ha fuʻu ʻōlive ʻi he fale ʻo e ʻOtuá? (Sāme 52:8, PM) [w00 5/15 p. 29 pal. 6]