“Ko e Hā e Lahi ʻo e Taimi ʻOku Totonu Ke U Laú?”
Kuó ke ʻeke tuʻo taha ʻa e fehuʻi ko iá? ʻOku ʻi ai ʻa e ʻū fakahinohino tefito ʻi he peesi 86-87 ʻo e tohi Fokotuʻutuʻu Maau. ʻOku ʻi ai ʻa e toe fakahinohino ʻoku ʻomai ʻi he taimi ki he taimi, hangē ko ia ʻi he Puha Fehuʻi ʻo e Ko ʻEtau Ngāue Fakafaifekau ʻo Sepitema 2008. Koeʻuhi ʻoku kehekehe ʻa e ʻū tuʻungá, kuo ʻikai ke ʻomai ai ha lisi lōloa ʻo ha ʻū tuʻutuʻuni. Ko ia ai, ʻe ʻikai totonu ki he kau mātuʻá pe niʻihi kehé ke fokotuʻutuʻu atu ha toe ngaahi fakahinohino.
Kapau ʻoku malanga hake ha fehuʻi pea ʻoku ʻikai ha fakahinohino kuo pulusi fekauʻaki mo ia, ʻe lava ke fakakaukau ʻa e tokotaha malanga taki taha: Naʻe fakamoleki ʻa e taimí ʻi he ngāue fakafaifekaú? Pe naʻe fakamoleki ia ʻi hono fai ha meʻa kehe ʻa ia ʻoku ʻikai ko ha konga moʻoni ia ʻo e ngāue ko iá? Ko e meʻa ʻoku tau hiki ʻi heʻetau līpooti ngāue fakafoʻituituí ʻi he māhina taki taha ʻoku totonu ke ne ʻomi kia kitautolu ʻa e fiefia ʻo ʻikai ko e mahuhuhuhu ʻo e konisēnisí. (Ng. 23:1) Ko e moʻoni, ko ʻetau tokanga tefitó, ʻoku ʻikai ko e anga hono lau ʻo e taimí, ka ko e anga hono ʻai hotau taimí ke laú ʻaki e hoko ʻo faʻa fakakukafi ʻi he ngāue fakafaifekaú.—Hep. 6:11, PM.