LAỸI 5

Coʼolloxoche huoʼo so auot ltaʼa ¿négueʼt ca ỹataqta naxaỹaxana ñi Dios?

Nache so naʼaxaʼte so Noé qalota na shiỹaxauapi ỹoʼot ye qauem (Génesis 6:5).

So angelpi yiloxoicpi ñigui na lʼocguiaxac na shiỹaxauapi nache huaronaʼt na ʼalpi

So Adán taq aso Eva nache huoʼo na llalacpi, lcopataʼague nache qalota na shiỹaxauapi ana ʼalhua. Taqaʼen, coʼollaxa, huoʼo na angelpi iʼenaxat ra lataxac so Satanás nache npaʼagueneʼ ñi Dios.

Na mayepi huenate ana ʼalhua, nache ỹacona ra ñigui ra lʼocguiaxac na shiỹaxauapi, chaʼaye huotaique huaronguet ana ʼalpi. Nache ana mayepi huoʼo na llalacpi ỹataqta yiloxoicpi taq salaxaic ra lʼañaxac.

Aso ʼalo nsoqtauo soʼota so bebé nache anac so nogotolec ra qaiuaxan aso maye, so nogotolec nefilim ỹalec so angelpi yiloxoic, qauem ra lataxac

Ana ʼalhua nache nlaxalec na shiỹaxauapi yiloxoicpi. Aye la Biblia iaʼaxat na shiỹaxauapi «ana ʼalhua ra ỹataqta qauemaicpi qataq ndoteec da iuennatapega da iʼot ca sa ỹaỹamaxañi».

So Noé naxaỹaxana ñi Dios nache ỹoʼot aso arca (Génesis 6:13, 14, 18, 19, 22).

So Noé shiỹaxaua soxoraic. Ñi Jehová ʼenapega ra huotaique nlaxajñe na shiỹaxauapi yiloxoicpi, nache roʼogoxona ca auot ltaʼa.

So Noé taq so lhuelecpi ỹogoñe aso arca coʼollaxa

Taqaʼen ʼenapega so maye ra ỹoʼot aca nnotaxaqui, lʼonataxat na ʼepac. Aso nnotaxaqui qaỹamataʼac arca de Noé. So maye qaỹamaxalec ra inoxonaqcheteuo so llalacpi taq na ỹottaʼaʼt shiguiỹacpi.

So Noé coʼollaxa iqoyiguetac so shiỹaxauapi ra huotaique so auot ltaʼa, qalaxaye raỹalleguetaguipi so mayepi

So Noé iquiyegueetac so shiỹaxauapi ra huoʼo qome ca auot ltaʼa, qalaxaye qaica ca naxaỹaxana, taqaʼen huoʼo na iʼeetac taq huoʼo na ralemataʼia so maye.

So Noé taq so lhuolecpi laỹonat so shiguiỹacpi yaqto taigui aso arca

Coʼollaxa imat aso arca nache so Noé inoxonaqcheteuo so shiguiỹacpi.