Aso arca so Noé

Lcopague huoʼo so qalota shiỹaxauapi ana ʼalhua. Qalota so mayepi ỹataqta yiloxoicpi. Taqaʼen huoʼo so angelpi iviraʼa ra yiloxoic. Ỹalat ye lmaʼ piguem nache naỹa ana ʼalhua. ¿Auaỹaten táʼaencoʼ ra ỹoʼot reʼera? Na mayepi ỹacona ra lʼocguiaxac na shiỹaxauapi yaqtoʼ huaronguet ana ʼalpi.

So angelpi taq aso ʼalpi huoʼo na llalaqpi. So mashe ỹe so llalaqpi ỹataqta ltaʼaraic ra lañaxac taq yiloxoicpi, ỹoʼoteque na qauem so shiỹaxauapi. Ñi Jehová saỹashen ra so mayepi queʼeta ỹoʼotaq reʼera. Ỹoqoʼoye namaq so auot ltaʼaraic ra ipaxalec ana ʼalhua nache nlaxajñe so shiỹaxauapi qauemaic.

Qalaxaye huoʼo so shiyaxaua ỹauotec ñi Jehová saishet ra ʼenaʼam so mayepi. So maye lʼenaxat Noé. Huoʼo aso lhua taq tres soua llalqaʼ: so Sem, so Cam taq so Jafet. So ʼoonolec soua maye huoʼo aso lhua. Ñi Jehová ỹamaxalec so Noé ra ỹaʼaraʼt aso arca, aso nnotaxaqui ʼepaq ỹataqta laterai yaqtoʼ ishet huaỹoxootapiguiʼ so ʼetaxat. Yaqtoʼ so Noé taq so lauolecpi saishet ra ileu souaxat so auot ltaʼaraic. Taqaʼen ñi Jehová ramaxasoxolec inoxonaqcheteuo so ỹoottaʼaʼt animalpi yaqtoʼ ncaʼalec.

Nache so Noé ỹoʼot aso arca. So maye taq so lauolecpi petaʼa iviraʼa 50 viʼiyel ra noxosheguem aso arca ipaxaqchichigui so ỹamaxalec ñi Jehová. Chigoqchigui seʼesoua viʼiyel so Noé isoxotac so shiỹaxauapi ra huoʼo ca auot ltaraʼaic qalaxaye qaica ca ỹalaxaguet so maye.

Nviʼ so laloxoqui ra pauo aso arca. ¿Auotaique auỹaten ca huaigui soua maye?