¿Négueʼt so Job?

Coʼollaq huoʼo so ʼalhua lʼenaxat Uz, lmaʼ so shiỹaxaua ỹiʼoxoretac ñi Jehová. So maye lʼenaxat Job, ỹataqta sallaxanec taq qalota so lauolecpi. Taqaʼen ỹataqta soxoraic itauatac na choxoracpi, paʼaipi taq nogotolecpi qaica caua ltaʼal. So Job ỹoʼotaq na ʼonaxaic. ¿Petaʼa souaxat reʼera qaica ca machaqca?

So Job saỹaỹaten, qalaxaye so Diablo ncheʼeta ra ỹalletagui. Ñi Jehová ʼenapega so Satanás: «¿Mashe auauaton ñi ỹamaxashec Job? Qaica ca ʼenaʼam ñi maye. Chaʼaye aỹem ỹalaxaguet taq ʼonaxaic ra lataxac». So Satanás ỹasat: «Aja ʼam ỹalaxaguet, chaʼaye ampaxajlec, auanem na achiquiaxac, ʼalhuapi taq animalpi... Auacona ʼenauac na huetoʼotpi nache saishet ra ʼam ỹioʼoxoren». Ñi Jehová ʼenapega: «Maiche ca ʼauoʼotec ñi maye qalaxaye saishet ra aualauat». ¿Táʼaencoʼ ra nasaxauec ñi Jehová reʼera? Chaʼaye ñi maye ỹaỹaten so Job queʼeta ra ỹalaxaguet.

So Satanás qalota na ỹoʼotec saỹaỹamaxañi so Job. Huaʼauñe roxogona so shiỹaxauapi lʼenaxat sabeopi ra yaqtoʼ iqachiaʼa so lalopi, huaacapi taq ashena. Lcopaʼague huoʼo ltaʼaraic norec nache ỹalauat so qaguetapi. Taqaʼen huoʼo so laỹi shiỹaxauapi caldeopi iqachiaʼa so camellopi. Taqaʼen ileu so shiỹaxauapi ilotegue so animalpi. Qalaxaye nvireuo so ỹataqta qauem, ʼenauac so llalacpi so Job ñaq requetacpi nache so noỹic ipaxañe, nache ileu ʼenauac. So Job ỹataqta itoxoñe qalaxaye saishet ra ỹaxanec ra ỹioʼoxoren ñi Jehová.

So Satanás huotaique ra nquiguec ra nquiʼic so Job nache ỹoʼot ra qalota na lquemaxa ʼenauac na loʼoc. Seʼeso lalolaxa ỹataqta iuet. So maye saỹaỹaten táʼaencoʼ ra huagui ʼenauac reʼera, qalaxaye queʼeta ra ỹiʼoxoretac ñi Jehová. Ñi Dios ỹalletaʼa na ỹoʼot so Job nache ỹataqta machiguiñe.

So Satanás ỹamaq soua tres shiỹaxauʼ ra yaqtoʼ nmaxalec so Job. Soua maye ʼenapec: «Yoqta ra huoʼo ca ʼauoʼot saỹaỹamaxañi nache ʼauotaique oxojñe. Ỹoqoʼoye ñi Dios ỹoʼot na anquejnaxac». So Job ỹasat: «Qaica ca soʼot saỹaỹamaxañe». Qalaxaye lcopaʼague so Job ipetaʼa ñi Jehová ra lasouaxashet ʼenauac seʼeso huagui so maye taq nasaxauec ra ñi Dios saishet ra ỹoʼot ca ỹaỹamaxañisat.

Huoʼo so nsoqolec lʼenaxat Elihú naxaỹaxatexalo soua maye qalaxaye qaica ca lʼaqtac. Qalaxaye remalle so maye nache nasaxauec: «ʼEnauac na qarcuennataxacpi qamiʼ saỹaỹamaxañi. Ñi Jehová ỹataqta ltaʼaraic, napaqalec na qarcuennataxac, saishet ra ỹoʼot ca saỹaỹamaxañi. Ñi maye ilaʼa ʼenauacna taq itauan na shiỹaxauapi ra huoʼo na lqalaiguesat».

Ñi Jehová remalle so Job. Nache ʼenapec: «¿Ca qonetague coʼollaq soʼot na piguem taq ana ʼalhua? ¿Táʼaencoʼ ra arcuennataxac ra ʼam soʼoteque ca saỹaỹamaxañisat? Chochaq amaltac qalaxaye sa auaỹaten ʼenauacna». So Job nanomtaʼa nache ʼenapec: «Ỹataqta semalqauec aỹem achoxoren souaxat so ñasaxauec. Aỹem ʼam saqteguelec qalaxaye nagui ỹataqta ʼeesa ra ʼam sauatton taqaʼen aỹem auapaxaguenec ra qaica ca aqalanapec».

So ime reʼera, ñi Jehová nataren so Job taq qalota so ỹanem napacalec so lalamaxatpi coʼollaq. So Job machiguiñe taq logoraic so nachaalataxac. Ñi Jehová ỹanem ra nachiquiaxac souaxat ra saxaỹet ỹalac so maye naiʼctaxa saishet ra saqalac. Ñaq ʼam, ¿qonaʼam so Job nache saxaỹet avioxoren ñi Jehová naiʼctaxa huoʼo ca lqalaic?