So Moisés lcaʼaua ra ỹioʼoxoren ñi Jehová

Ye Egipto so shiỹaxauapi maye lauolecpi so Jacob qaỹaxana israelitapi. Lcopaʼague ileu so Jacob taq José huoʼo so ralaxaic faraón ramaxasoxon. Seʼeso faraón huoʼo ra l-lliaxa chaʼaye so israelitapi nquitauec ra ʼamaqtaqaic napaqalec so egipciopi. Nache ỹoʼot ra esclavopi. Ramaxasoxolec ra ỹoʼot na ladrillopi taq qapaʼatta so lʼonatacpi huaña ye campo. So egipciopi nquictauec ra iuaxatalec qalaxaye so israelitapi nquictauec taqaʼen so mayepi. So faraón salavela ra nache ʼeetec reʼera ỹoqoʼoye ramaxasoxolec qaỹalauat na bebé ỹale chetaʼague niguiñi. ¡Ỹataqta huoʼo ra l-lliaxa ʼenauac so israelitapi! ¿ʼEesa?

Aso ʼalo israelita lashe lʼenaxat Jokébed, huoʼo so llalec ʼonaxaiqolec. Ra yaqtoʼ npaxajlec nache ỹachangui aso canasto ỹoxotoigui so cañapi so loigue so tala Nilo. Miriam aso lqaỹa so bebé, saqaỹaʼa so netaña ra nauatalec so maye.

Aso llale so faraón taxama so tala ra nachel nache ilalec aso canasto. Ilaʼa ra netangui so bebé nguitac nache huoʼo ra lchoxonnataxanaxac. Aso Miriam inat aso maye: «¿Auotaique ra ñimitaique aca ʼalo yaqtoʼ illepaxan na maye?». Aso maye ỹasat, nache aso Miriam ilaique aso yoqta lateʼe. Aso llale so faraón ʼenapega aso Jokébed: «Auache na bebé ishet ʼam samaxalec ra alogue maiche ʼam sisheten».

So mashe nogotolec nache aso Jokébed iroỹa aso llale so faraón. Aso maye ỹanagui ra lʼenaxat Moisés nache ỹaqchet ỹauotaʼa llalec. So Moisés icoʼ ʼenaʼam ra llalec so faraón ishet ca qamachaqca ỹacona ra lalamaxat. Qalaxaye saishet ra icouai ñi Jehová. So Moisés ỹaỹaten ra so maye israelita, saishet ra egipcio, ỹoqoʼoye lcaʼaua ra ỹioʼoxoren ñi Jehová.

So iviʼi so 40 viʼiyel, so Moisés lcaʼaua ra itauan so npueblo. Huoʼo so naʼaq ỹauachigui so egipcio iuaxatalec so lỹa israelita. Nache so Moisés naxanec ra iuaxan so maye iviraʼa ra ileu taq ỹoxotoigui so arena. So faraón laxaỹaxac reʼera nache huotaique ra ỹalauat so Moisés, qalaxaye so maye ratauec taỹa ye Madián. Huaña yeʼeye ñi Jehová ilogue so maye.