Soua huaʼauchiguiñe tres nhuaxanaguec

So egipciopi ỹamaqtalec so israelitapi ra ỹataqta qapata na lʼonatacpi ʼenaʼam na esclavopi. Ñi Jehová ỹamaq so Moisés taq Aarón ra iaʼaxatem so faraón: «Axanec ra auasheta ra caʼai neʼena nache taỹa ye tojlec ʼalhua ra aỹem ỹiʼoxoren». So faraón ỹataqta ñoʼoxonnaxaic nache ỹasateguet: «Saishet ra salaxaguet ca lʼaqtac ñi Jehová. Saishet ra saxanic ra jec na israelitapi». Lcopague reʼera so faraón nquiguec ra lʼonatacpi qapata. Qalaxaye ñi Jehová huoʼo ca ỹapaxaguenec. ¿Négueʼt ca ỹoʼot? Ỹasaxalec soua 10 nhuaxanaguec ye Egipto. Ñi Jehová ʼenapega so Moisés: «Ñi faraón saishet ra aỹem ỹalaxaguet. Ca nteʼeta so maye netaña ye tala Nilo. Nache qojec auaqtaxanem ra ʼenauac na ʼetaxat ñigui ntagoʼq chaʼaye saishet ra ỹaxanec ra jec na ỹalamaxatpi». So Moisés ỹalaxaguet nache nauane so faraón. So faraón ỹauachigui so Aarón iuaxangui so Nilo nache so ʼetaxat ñigui ra ntagoʼq. Nache so tala qauem na laita, saishet ra qanỹomgui na leʼec taq na nỹaqpi netangui ileu. Qalaxaye so faraón qaramchigui ñaq ʼeetalec ra saishet ra ỹaxanec ra jec taỹa ye ʼalhua tojlec.

Lcopague soua siete naʼaxaʼte ñi Jehová ltaxa ỹamaq so Moises ra iaʼaxatem ra lʼaqtac so faraón: «Ra saishet ra axanec ra jec na ỹalamaxatpi, nache na Egipto nlaxalec na ranapi». So faraón ñaq ʼeetalec saq ỹalaq nache so Aarón nauguishiguem so lashelte nache ʼenauac so Egipto nlaxalec na ranapi, netaña na lma na shiỹaxauapi na lmalaʼ, na lquiaxaqui ra reque... ¡Qamachaqca ca netaña! So faraón ʼenapega so Moises: «Qonapega ñi Jehová ra nache tachiguiña na nhuaxanaguec lcopague nache saxanec ra jec na israelitapi». Nache ñi Jehová ỹaxanguet so nhuaxanaguec. So egipciopi laỹonat na qalota ranapi mashe ileu ỹoqoʼoye ana ʼalhua ỹaguec na laita. Qalaxaye so faraón ñaq ʼeetalec ra saỹashen ra jec so israelitapi.

Ñi Jehová ʼenapega so Moisés: «Ca Aarón iuaxanec na ʼalhua aso lashelte. Ra ỹoʼot reʼera nache na lamoxoỹaxa ñigui ra aỹat. Nache ipacchigui reʼera qalota aỹat inaqtalec na shiỹaxauapi. Nache huoʼo so egipciopi ʼenapega so faraón: «¡Neʼena nhuaxanaguec chegoqoʼot ni Dios!». Naicʼtaxa reʼera so faraón saỹashen so israelitapi ra jec.