Ñi Jehová lcaʼagui so Josué

So Moisés qalota so viʼiyel ra ỹauectaguet so israelitapi, qalaq nagui mashe yaqtaʼa ra ileu. Ñi Jehová ʼenapega: «ʼAm saishet ra nache auauega na israelitapi ye ʼalhua sachaxanapeguem. Qalaxaye ndotec ishet ra ameten yemaye». Nache so Moisés ʼenapega ñi Jehová ra lcaʼagui ca ralaxaic nataxalaʼ yaqtoʼ ilogue so mayepi. Ñi Jehová ỹasateguet: «Amalle ca Josué nache auaqtaxanem ra icaʼagui ca maye».

So Moisés raʼaqtaxanem so pueblo ra so maye yaqtaʼa ra ileu taq ñi Jehová lcaʼagui so Josué ra yaqtoʼ ỹauectaguet so mayepi. Nache so Moisés ʼenapega so Josué: «Saishet ra añeetac, ñi Jehová ʼam itauan». Lcopague so Moisés tashiguemec aso qasoxonaxa lʼenaxat Nebo. Huaña yeʼye ñi Jehová ỹachaxana seʼeso ʼalhua ỹachaxanapeguem coʼollaxa so Abrahán, Isaac taq so Jacob. So Moisés iviʼ 120 viʼiyel nache ileu.

Ñi Jehová ʼenapega so Josué: «Auasoxolec ye tala Jordán taq anoxoneua ye Canaán. Aỹem ʼam setauan ʼenaʼam coʼollaxa setauan so Moisés. Saishet ra ʼacouai ra ataxaỹaxan na ỹamaxasoxonaxacpi ʼenauac na naʼaxaʼte. Saishet ra añeetac, taq iuen ra anaʼañaxat. Nache auoʼot na ʼam samaxalec».

So Josué ỹamaq soua dos ỹaleʼt yaqtoʼ imeten ye ʼalhua lʼenaxat Jericó. Nache reʼera semetenaq ca lỹa paxaguenaxat. Coʼollaxa ñiguelac ye Jericó, nache soua ỹaleʼt, resoxonataxan ra ishet ra taỹa ye Canaán. Nache so lỹa naʼaq so nteʼetom so Josué ʼenapega so npueblo ra nsoxoñe na npeʼlpi. Huaʼauñe ỹamaq soua ntaxaỹaxanecpi maye ỹachetaq aso arca maye laỹi ra naỹamaxataxac ra ỹasoxolec ye tala Jordán. So tala ỹataqta ipaxalec, qaq naua lapiaʼate soua ntaxaỹaxanaxanec chochaq piguinguilo so ʼetaxat nache viʼiguet taq deqaqaʼ. Nache soua ntaxaỹaxanecpi ỹasoxolec seʼeso llec deqaqtaʼ, iviraʼa na laiñe nache huetaña iuattaʼa so israelitapi ra ỹasoxolec taqaʼen. Coʼollaxa so mayepi ilaʼa seʼeso milagro, ¿petaʼa ra ntouetaʼac so ỹoʼot ñi Jehová huaña so auaxai Rojo?

Lcopague ʼenauac seʼesoua viʼiyel so israelitapi huenoxoneua aso ʼalhua maye qaỹachaxanapeguem. Nagui nache ishet ra nogoxosheguem na lmaʼ, nỹecpi, nanaxanqaʼ taq na laỹipi. Huaña yeʼeye ʼalhua huoʼo na qalota ʼonaxaic nallec ỹoqoʼoye ye maye qaỹamataʼac ra saishet ra imeuo na huaca lcheʼ taq na teʼesaq lliʼi.