Ñi Jehová mpaxajlec so Jehosafat

So ntaʼa Jehosafat ye Judá, nacheso so nlaxajñe ʼenauac so nqatoxonaxalate so Baal taq na nqolacpi ye huetaña. So maye huotaique ra na shiỹaxauapi ỹauatton na lamaxasoxonaxacpi ñi Jehová. Ỹoqoʼoye ỹamaq so ltauapi taq so levitapi yaqtoʼ ỹapaxaguen ʼenauac na lmaʼ ye Judá na lamaxasoxonaxacpi ñi Jehová.

So nacionpi lauoreuapi ñiʼia ra delogui ye Judá chaʼaye ỹaỹaten ra ñi Jehová itauan so npueblo. Taqaʼen qaỹanem na nachetaqtaxanaxac so ntaʼa Jehosafat. Qalaxaye na shiỹaxauapi lmaʼ ye Ammón, Moab taq na laỹi pueblopi ye Seír taỹa ra delogui ye Judá. So Jehosafat ỹaỹaten ra iuenaique ra ltaunaxanaxac ñi Jehová. Nache laỹonaʼt ye Jerusalén ʼenauac na ỹalleppi, ʼalpi, taq ñaqpiolecpi. Nache ỹoʼot so natamnaxac yaqtoʼ qaỹaqchigui: «Jehová qomiʼ saỹatenaq ra seuenac na artaunaxanaxac ra yaqtoʼ sauegaxanac. Ỹoqoʼoye ishet ra qomiʼ auaqtaxanem ca soʼotaq».

Ñi Jehová huaxaỹa so Jehosafat taq ỹasateguet: «Saishet ra qayiʼiitac, aỹem qamiʼ setauan. Nache qoñitaña ca qarauanaxanaqaʼai taq qaumichiñi ʼeetec ra qamiʼ ñecaʼalaxateguesop». ¿ʼEetec ñi Jehová ra ncaʼalaxateguesop?

So lỹa naʼaq, so Jehosafat lcaʼagui so ʼonaxanaxaicpi taq ʼenapega ra huaʼautaʼague na taỹaʼague so alleppi. So mayepi paʼauec ye Jerusalén taỹaʼa ye huaña ra alaataxac, ye ʼalhua lʼenaxat Tecoa.

So ʼonaxanaxaicpi ỹataqta machiguiñe ỹioʼoxoretac ñi Jehová ỹauotaʼa na nonecpi. Qaq coʼollaq qaỹoʼot reʼera ñi Jehová reloqlec so npueblo. Ỹoʼot ra nsomaxanaʼt so ammonitapi taq moabitapi maiche reloxoỹat. ʼEnauac seʼesopi ileu. Qalaxaye ñi Jehová mpaxajlec so shiỹaxauapi lmaʼ ye Judá, so alleppi taq so ntaxaỹaxanecpi. ʼEnauac so lauoreuapi nacionpi laxaỹaxac so ỹoʼot ñi Jehová taq ilaʼa ra ñi maye quetaʼ ra mpaxajlec so npueblo. ¿ʼEetec ñi Jehová ra ncaʼalaxateguesop na npueblo? Ỹottaʼaʼt ra ỹoʼot, ñi maye saiuenaique ra ltaunaxanaxac na shiỹaxauapi.