So alaataxaic taq aso nogotole

Ye ʼalhua Siria, huoʼo aso nogotole israelita lashe, aso maye ỹataqta qoỹoqta ye lmaʼ taq so lauolecpi. So alleppi ye sirio ỹaqona aso maye, taq qaỹanem aso lhua so Naamán maye lataxala na alleppi, yaqtoʼ nlata aso maye. Aso nogotole ỹioʼoxoretac ñi Jehová naicʼtaxa na shiỹaxauapi lmaʼ yeʼeye saishet ra ỹoʼot.

So Naamán huoʼo so lalolaxa na loʼoc taq ỹataqta iuet. Aso nogotole huotaique itauan, nache ʼenapega aso lhua so Naamán: «Ye Israel huoʼo ca nʼaqtaxanaxanec lʼenaxat Eliseo. Ca maye ishet ra nataren».

Aso lhua so Naamán iaʼaqtaxanem so maye so lʼaqtac aso nogotole. So maye lyaxa ra noʼoita ỹoqoʼoye taỹa ye Israel maye lmaʼ so Eliseo. So Naamán ipitaxatega so Eliseo ra caʼattaʼaguet so maye ʼenaʼam ca shiỹaxaua ʼamaqtaqaic. So Eliseo saishet ra mpauec ndaʼa namaxauec so lamaxashec taq ỹanem ra lʼaqtac: «Anqoʼonaxaama taq iviʼi siete ra auomñi ye tala Jordán. Nache noʼoita na aroʼoc».

So Naamán saq lauela seʼeso taq ʼenapec: «Aỹem icuennataxac ra neʼena nʼaqtaxanaxanec aỹem nachatoʼot ra ỹaxanot ñim Natamnaxala Dios, ra aỹem nataren ra ỹahuotaʼa qaỹaʼalac. Qalaxaye ndotec aỹem iaʼaqtaxanem ra ñeqoʼona yeʼeye tala ye Israel. Qomiʼ huoʼo na ʼonaxaic talapi huaña ye Siria. ¿Táʼaencoʼ ra saishet ra ñeqoʼona yeʼeye talapi?». So Naamán ỹataqta ralemata taq qaʼai ye lmaʼ so Eliseo.

So lamaxashecpi so Naamán itauan so maye ra iuen ra recuennataxalec. So mayepi ʼenapec: «¿Petaʼa auoʼot ca machaqca yaqtoʼ anoʼoita? Na ʼam ỹaxateqot neʼena nʼaqtaxanaxanec ỹataqta saqalac. ¿Táʼaencoʼ saishet ra auoʼot?». So Naamán naxaỹaxanalo, nache taỹa ye tala Jordán taq iviʼi siete uomñi. So pateʼec ra caʼai so ʼetaxat nache so Naamán ỹataqta noʼoita. So maye ỹataqta machiguiñe taq iguelaxa so huetaña so Eliseo. ʼEnapec: «Nagui saỹateta ra ñi Jehová yoqtaʼ ʼeesa Dios». So Naamán iguelaxa ye lmaʼ noʼoita. ¿Ca ʼeetec ca nanomaxa aso nogotole israelita coʼollaq ilaʼa so maye?