PAXAGUENAXAT 53
Ca ʼarashaxac iviraʼa ra ỹaỹamaxareeta ñi Jehová
Ñi Jehová nacheñi «ñi Dios mayi huetoʼot da namaxayic» (1 Timoteo 1:11, TBSNT). Ñimaye huotaique ra samaxasoqchiguiñi taq ra ñitonaqtapeguec ra achaalataxac. Lauela ra ñimataxauec na qarʼonataxanaxac na soʼotaqtacpi taq ñaqataxauec ca nraqaʼ yaqtoʼ ñilagaxanaxauec. Neʼena paxaguenaxat semetenaq ʼeetec ra ñitonaqtapeguec na qaraʼashaxacpi ca nraqaʼ ra qaica ca soʼotaq, qataq ra queʼeca ỹaỹamaxareeta ñi Jehová.
1. ¿Négueʼt ca seuenaq ra secuennataxanaxalec ra llicaʼaxauʼa ca qaraʼashaxacpi?
¿Négueʼt ca ʼarauela ra ʼauʼot yaqtoʼ ʼanlagaxanec? Huoʼo na lcaʼauʼa ra huetaña ye lmaʼ itaxaỹaxan ca nere, nʼaxaỹaxatega na nʼonecpi, imeteetac na película qoʼ internet. Na laỹipi lauela ra huoʼo ca ỹoʼot lỹa na nauochaxauapi, ʼeetaʼam ra quetagueʼ ca nqaʼaic, raloxon qoʼ daʼashe. Camachaqca ca yauelaxa ra soʼotaq, seuenaq ra itchiguiñi ra ca llicaʼaxauʼa «ỹaỹamaxareeta Ñim Loʼonatac ʼEnauacna» (Efesios 5:10). Ỹataqta ʼamaqtaqaic ra saỹatenaqteguet reʼera. ¿Táʼaencoʼ? Chaʼaye qalota na naʼashaxacpi lauela na shiỹaxauapi huetaigui na saq lauela ñi Jehová, ʼeetaʼam na nloquiaxac, nquishiguetaxac qoʼ ocultismo (ʼautaxaỹaxan Salmo 11:5). ¿Négueʼt ca qomiʼ itauan yaqtoʼ noʼon ca llicaʼaxauʼa ra soʼotaq?
Ra llicaʼaxauʼa na noʼon auochaxauapi ỹauotec ñi Jehová, noʼon ca qomiʼ iʼotec taq qomiʼ itauan ra noʼon ca llicaʼaxauʼa qaraʼashaxac. Mashe ñapaxaguenaqtega ye paxaguenaxat 48 ra «ca sa iỹotec na ỹaanaxanaxaicpi [...] nataqaʼen ỹaanaxanaxaic» Qac ca sa iỹotec nam shiỹaxauapi saishet ra huoʼo ra ʼenec ñi Jehová, «taỹaʼa da deqat» (Proverbios 13:20).
2. ¿Táʼaencoʼ ra ʼamaqtaqaic ra ñaloqtenaq ye lcata ra qalraqaʼ ra huoʼo ca qaraʼashaxac?
Naiʼctaxa ra noʼon na qaraʼashaxacpi, seuenaq ra maxatchaxa ra qalota ca qalraqaʼ ra soʼotaqtac. Chaʼaye ra soʼotaq reʼera, nache qaica ca qalraqaʼ ra soʼotaq na ỹataqta ʼamaqtaqaic. Aye la Biblia qomiʼ iʼañaqchet ʼeetaʼ: «qauqopitaxañiỹaʼape naua naʼaxaʼte da qauoʼoche ca ỹaỹamaqchiguiñi» (ʼautaxaỹaxan Efesios 5:15, 16).
ÑIMITAQ RA PAXAGUENAXAT
Semetenaq négueʼt ca ishet ra ʼauʼot yaqtoʼ noʼon na ʼalcaʼauʼapi souaxat na naʼashaxacpi.
3. ʼAvitaʼaguet na qauem naʼashaxacpi
¿Táʼaencoʼ ra iuen ra llicaʼaxagui na qaraʼashaxacpi? Qaumichiñi na VIDEO qataq qaumalligui neʼena:
¿Négueʼt ca nateeteguet so laʼashaxacpi so romanopi coʼollaxa na naʼashaxacpi nagui naua naʼaxaʼte?
Nateeteguet so video, ¿négueʼt so ỹaỹaten so Danny na naʼashaxacpi?
Qautaxaỹaxañi Romanos 12:9 qataq qaumalligui neʼena:
¿ʼEetec ra qomiʼ itauan neʼena versículo ra noʼon ca llicaʼaxauʼa na qaraʼashaxacpi?
¿Négueʼt caua nataxaco nquiỹa ñi Jehová? Qautaxaỹaxañi Proverbios 6:16, 17 taq Gálatas 5:19-21. Ime ra qautaxaỹaxañi ñi ʼoonolec texto, nache qaumalligui neʼena:
Na nataxacpi iʼaxat neʼenaua texto, ¿négueʼt ca ʼauʼamaqten ʼam ra huetaigui na naʼashaxacpi nagui?
ʼEetec ra noʼon ra ʼalcaʼauʼa na naʼashaxac
ʼAnnajlaʼt:
¿ʼEetec ca? ¿Huetaigui na nataxacpi nquiỹa ñi Jehová?
¿Lágui? ¿Nateeteguet ra qaỹoʼot na ʼamaqtaqaicpi?
¿Négueʼt ca iỹa? ¿Ỹoʼot neʼena naʼashaxac ra soʼotaguet na shiỹaxauapi saishet ra ỹauotec ñi Jehová?
Yaqtoʼ ñicaʼalaxauec seuenaq ra ñiquigaqauec ca chaqaic. Ỹoqoʼoye seuenaq ra saishet ra saconaxauaʼa ca naʼashaxac maye sepetaqaʼa ra ishet ra qomiʼ naʼaqchet.
4. Noʼon ra ʼauqopitaxanape na ʼalraqaʼ
Qaumichiñi na VIDEO, qataq qaumalligui neʼena:
Naiʼctaxa ra so qarqaỹa so video saishet ra ỹoʼottac na qauem, ¿ʼeetec ra naʼaqchettac ra lataxac ra roʼogoxona na lraqaʼ ra qaica ca ỹoʼot?
Qautaxaỹaxañi Filipenses 1:10 qataq qaumalligui neʼena:
¿ʼEetec ra qomiʼ itauan neʼena versículo ra llicaʼaxauʼa ye lcata ca qalraqaʼ ra soʼotaq ca qaraʼashaxacpi?
5. ʼAlcaʼauʼa na noʼon naʼashaxacpi
ʼEesa ra ñi Jehová huoʼo na naʼashaxacpi saq ỹaỹamaxaren, qalaxaye qalota na ỹaỹamaxareeta qaq qomiʼ ishet ra ñitonaqtapeguec namayepi. Qautaxaỹaxañi Eclesiastés 8:15 taq Filipenses 4:8 qataq qaumalligui neʼena:
¿Négueʼt na noʼon naʼashaxacpi ʼarauela ʼam?
Ishet ra noʼon ra llicaxauaʼa na qaraʼashaxacpi taq qanlagaxanaxac.
HUOʼO NA NASAXAUEC RA: «¿Ỹataqta qauem na naʼashaxacpi huetaigui na ocultismo, nloquiaxac qoʼ auogaxac? Aỹem saishet ra soʼot reʼera».
¿ʼEetec ca ʼanasaxauec ʼam?
NA ʼAMAQTAQAIC
Ñi Jehová huotaique ra qomiʼ llicaʼaxauʼa na noʼon naʼashaxacpi taq ra ñitonaqtapeguec namayepi.
ʼAntoueetaʼac
¿Négueʼt ca naʼashaxacpi sevitaqaʼaguet qomiʼ na cristianopi?
¿Táʼaencoʼ ra seuenaq ra ñaloqtenaq ye lcata ca qalraqaʼ na naʼashaxacpi?
¿ʼAuotaique ʼam ra ʼalcaʼauʼa ca naʼashaxacpi ỹaỹamaxareeta ñi Jehová? ¿Táʼaencoʼ?
ʼAUANATA CA LỸA
ʼAnapaxaguena négueʼt ca qaipataxalec ra lcaʼauʼa na ʼaraʼashaxac.
ʼAutaxaỹaxan ʼeetec ra noʼon ra ʼalcaʼauʼa na naʼashaxacpi.
«¿Petaʼa noʼon na qaraʼashaxacpi?» (La Atalaya, 15 de octubre de 2011)
ʼAuanata táʼaencoʼ so ỹale lcaʼauʼa ra ỹalat so naʼashaxacpi ye nʼaqtaguec «Ñapacalec na ñiquiỹaqtaxanaxacpi».
«Aye la Biblia naralaxat ra achaalataxac» (La Atalaya, 1 de febrero de 2010)
ʼAmeten ʼeetec ra ỹajnaxanaxaic so lcaʼauʼa aso ʼalo souaxat so naʼashaxac ỹachaxan na saq yoʼoqpi.
Saq ʼanashenguet na naʼashaxac huetaigui na ocultismo (2:02)