¿Cam ʼéetecoʼ coʼollaxa ra nmariaxac ye nanaxanqaʼ na nanguishe lʼenaxat Edén?

Ñi Jehová qalota so noʼon ỹanem so Adán taq aso Eva (Génesis 1:28).

Ñi Jehová ỹoʼot aso Eva, aso huaʼauchiguiñe ʼalo, nache ỹanem so Adán ra lhua (Génesis 2:21, 22).

Ñi Jehová ỹanema naqʼen so Adán taq aso Eva ra ỹaỹamaqchiguiñe ra lcuennataxac taq ra lʼocguiaxac.

Nache qaỹoʼot ra lmaʼ ye Edén: ỹataqta ʼonaxaic ye ʼalhua, huoʼo aso lacheugue, huoʼo na qoiʼpaxasat taq huoʼo na shiguiỹacpi. So ʼalhua lʼenaxat Edén ỹataqta ʼeesa ra mataxaqui.

Ñi Jehová coʼollaxa naqtaxategueto naxa soo maye taq ỹapaxagueʼn. Nache ra huotaique ra chochaq tatreec ra ncaʼaltrauec ye mataxaqui nache iueʼn ra naxaỹaxaʼn taq ỹalaxagueʼt ñi Dios.

Ñi Dios lʼaqtac ra sa ishet ra cheʼc aso ʼonole ʼepac ala (Génesis 2:16, 17).

Ñi Dios ỹachaxana aso ʼonole ʼepac ala so Adán taq aso Eva nache ʼenapega ra sa ishet ra cheʼc soo maye. Ra cheʼc aso ʼepac ala nache ileʼu.

Huoʼo so ángel npaʼagueneʼ ñi Dios. Seʼeso ángel yiloxoic qaỹamataʼac Satanás qoʼ Diablo.

So Satanás huotaique soua maye ra sa ỹalaxagueʼt ñi Jehová. Nache roʼonataxana so araxanac ra ʼenapega aso Eva, ra chec aso ʼepac ala nache sa ishet ileu. Nache yoqta ʼenaʼam ñi Dios. Qalaxaye se’eso yoqta ¡salaxaic ra natenataxanaxac! (Génesis 3:1-5).