LAỸI 4

¿Cam ʼéetecoʼ ra lmariaxac soua maye coʼollaxa ime ra ỹalaxagueta so Satanás?

So Adán taq aso Eva sanaxaỹaxanalo ñi Dios nache ileʼu (Génesis 3:6, 23).

Aso Eva chec aso ʼepac ala mashe sa ishet ra qaỹashen saỹalaxat lqopague ỹanem so Adán

Aso Eva ỹalaxaguet so araxanac nache chec aso ʼepac ala. Ime nache ỹanem so Adán, nache taqaʼen chec aso ʼepac ala.

So Adán taq aso Eva huenoxore so lmaʼ ye Paraíso coʼollaxa

So ỹoʼoʼt soua maye ỹataqta sa ỹaỹamaxañe, nache huoʼo ra lasouaxasheʼt. Ỹoqoʼoye ñi Dios nache ỹolrauec ra huetraña ye mataxaqui.

So Adán taq aso Eva ivitaʼa ra ỹaxaiqolqa taq ileu

Ime nache huoʼo ra nquejnaxac soua maye taq na llalacpi. So lcopaʼague nache ivitra ra lqueroxoʼ, nache ileʼu. Sa ishet ra taregue ra piguem, qoʼ ra huoʼo ca huetraʼague nache ñaq ncaʼaltrauec, soua maye chochaq imeuo ra lcaʼalaxa.

Na leuaxaicpi chochaq nlaguiñe, ʼenaʼam na ʼalhua lsoche, ỹoqoʼoye sa ishet ra huoʼo ca ỹoʼot (Génesis 3:19).

Na shiỹaxauapi ỹoʼottaʼat naua lʼaqtaqa taq ỹoʼottaʼat na huetoigui na historia

ʼEnauac qomiʼ llalacpi so Adán taq aso Eva, ỹoqoʼoye qomiʼ taqaʼen seleuac. Na leuaxaicpi sa ishet ra huoʼo ca ilaʼa, qaica ca noma, qoʼ ra huoʼo ca ỹoʼot (Eclesiastés 9:5, 10).

Ileu aso qañole taq so lhuolecpi ñetaiguipi coʼollaxa soua ra nleuaxa aso maye

Ñi Jehová sa ishet coʼolloxoche ra lcuennataxac ra ileu na shiỹaxauapi. Yactaʼa ra ncaʼalaxatecpi na leuaxaicpi. Qaq ra ỹataqta ỹalaxaguet ñi Dios nache tateec ra lcaʼalaxa.