Masalimo
Kwaku yo walongozga sumu. Salimo laku Davidi. Sumu.
2 Yimwi Wakuvwa pempheru, ŵanthu amitundu yosi azengi kwaku yimwi.+
4 Ngwakukondwa munthu yo mwasankha ndi kuza nayu pafupi
Kuti wazije mumabalaza nginu.+
5 Mutimukengi ndi ntchitu zakuchitiska mantha+ zaurunji,
Yimwi Chiuta wa utaski widu;
Ŵanthu a kuvigoti vosi va charu chapasi athemba yimwi+
Kweniso wo aja kutali kusirya kwa nyanja.
6 Yimwi mukujalikiska* mwakukho mapiri mwakugwiriskiya ntchitu nthazi zinu;
7 Yimwi muchetamisa* nyanja zo zayuka,+
Kweniso kuwuluma kwa mayiŵa ngaki ndipuso chimtimbaheka cha mitundu.+
8 Ŵanthu wo aja kutali ukongwa achitengi mantha chifukwa cha visimikizu vinu;+
Muchitiskengi kuti ŵanthu a ko kutuliya lumwi mpaka ko liselere adanirizi mwalikondwa.
9 Yimwi muphwere charu chapasi,
Mutichichitiska kuti chije ndi vipasu vinandi* kweniso chije chakukhupuka.+
Msinji wakutuliya kwaku Chiuta ngwakuzaza ndi maji;
Mutiŵapaska chakurya,+
Pakuti viyo ndimu mukupangiya charu chapasi.
10 Muzumbwisa mizeri yaki, kweniso mutuswa mabuma ngaki;
Mutichiwombesa ndi vuwa; mutumbika vinthu vo vamemu.+
12 Malu ngakuliskaku viŵetu nga muchipululu ngalutirizga kuja ndi vinthu vinandi,*+
Ndipu mapiri ngavwalikika likondwa.+
13 Mumalu ngakuliskaku viŵetu mwazaza miskambu ya viŵetu,
Ivu vidaniriza mwalikondwa, hinya vitumba.+