YEREMIYA

1 Yanga ndi mazu ngaku Yeremiya,* mwana waku Hilikiya, yumoza mwa asembi a ku Anatoti+ mucharu cha Benjamini. 2 Mazu ngaku Yehova nganguza kwaku Yeremiya mu mazuŵa ngaku Yosiya,+ mwana waku Amoni,+ fumu ya ku Yuda, mu chaka cha 13 cha ulamuliru waki. 3 Ndipu nganguza so mu mazuŵa ngaku Yehoyakimu,+ mwana waku Yosiya, fumu ya ku Yuda, mpaka kukumaliya kwa chaka cha 11 cha ulamuliru waku Zedekiya,+ mwana waku Yosiya, fumu ya ku Yuda, mpaka po Yerusalemu wangulutiya ku ukapolu mu mwezi wachinkhondi.+

4 Yehova wangulongoro nani ndipu wangukamba kuti:

Ndingukusankha kuti uje mchimi ku mitundu ya ŵanthu.”

 6 Kweni ini ndingukamba kuti: “A Yehova, Ambuya Fumu Yikulu!

Nde mujira kulongoro,+ pakuti nde mwana.”*+

 7 Ndipu Yehova wangundikambiya kuti:

“Leka kukamba kuti, ‘Nde mwana.’

9 Sonu Yehova wangutambasuwa janja laki ndi kukwaska mulomu wangu.+ Ndipu Yehova wangundikambiya kuti: “Ndaŵika mazu ngangu mumulomu mwaku.+ 10 Awona, ndakusankha msanawale kuti uje ndi mazaza pa mitundu ya ŵanthu kweniso pa maufumu, kuti uchesuwi ndi kuwisiya pasi, kuti ubwanganduwi ndi kupapasuwa, ndipuso kuti uzengi ndi kupanda.”+

11 Yehova wangulongoro nani so ndipu wangukamba kuti: “Yeremiya, uwonanji?” Ndingumuka kuti: “Ndiwona mphanda ya chimiti cha alimondi.”*

12 Yehova wangundikambiya kuti: “Vo wawona vauneneska nadi, pakuti nde masu kuti ndifiski mazu ngangu.”

13 Yehova wangulongoro nani kachiŵi, ndipu wangukamba kuti: “Uwonanji?” Sonu ndingumuka kuti: “Ndiwona mumphika* wo uŵira,* ndipu mulomu waki wasendemukiya kutali ndi kunkhondi.”* 14 Pavuli paki, Yehova wangundikambiya kuti:

2 Yehova wangundikambiya kuti: 2 “Luta ndipu ukapharazgi Yerusalemu wachivwa kuti, ‘Yehova wakamba kuti:

 3 Isirayeli wenga wakupaturika kwaku Yehova,+ vipasu vakwamba vo wanguvuna.”’

‘Weyosi yo wakhumbanga kumumeza waŵanga ndi mulandu.

Soka laŵawiyanga,’ Yehova ndiyu wakamba.”+

 5 Yehova wakamba kuti:

 8 Asembi afumbanga cha kuti, ‘We pani Yehova?’+

10 ‘Kweni yambukiyani kuvigaŵa va mumphepeti mwa nyanja* va ku Kitimu+ ndipu mukawoni.

11 Kumbi pe mtundu wa ŵanthu wo ukusinthisapu achiuta ŵaki ndi vinthu vo mbachiuta cha?

Kweni ŵanthu ŵangu asinthisa unkhankhu wangu ndi vinthu vambula ntchitu.+

14 ‘Kumbi Isirayeli ndi mteŵeti pamwenga kapolu yo wakuwiya munyumba?

Sonu ntchifukwa wuli waperekeka kuti waphangiki vinthu?

Zachitiska kuti charu chaki chije chinthu chakuchitiska mantha.

Matawuni ngaki ngawotcheka ndi motu, mwakuti muja munthu weyosi cha.

16 Ŵanthu a ku Nofi*+ kweniso ku Tapanesi+ aturya paliwombu la pamutu waku.

Kweni yiwi ungukamba kuti: “Nditeŵetiyengi cha,”

23 Yiwi ungakamba wuli kuti, ‘Ndajifipiska cha.

Ndalondo achiuta a Bala cha’?

Wona nthowa yaku mudambu.

Ŵanaŵaniya vo wachita.

Ndiyani yo wangamukaniza asani we pa nyengu yo wakhumba kukwereka ndi bulu munthulumi?

Wo atimukhumba azamusuzgika cha kumupenjapenja.

Azakumusaniya mu nyengu yaki.*

Kweni yiwi ungukamba kuti, ‘Vilivi ntchitu!+

27 Yiwu akambiya chimiti kuti, ‘Ndimwi ada,’+

Kweniso akambiya mwa kuti, ‘Yimwi ndimwi mukundibala.’

Kweni ini andilazgiya msana mumalu mwakundilazgiya chisku.+

28 Sonu ŵe pani achiuta ŵaku wo ukujipangiya?+

29 ‘Ntchifukwa wuli mulutirizga kulimbana nani?

Ntchifukwa wuli mosi mwandigarukiya?’+ Yehova ndiyu wakamba.

30 Ndathyapuwa ŵana ŵinu paŵaka.+

31 Yiwi mugonezi, ŵanaŵaniya mazu ngaku Yehova.

Ntchifukwa wuli ŵanthu ŵangu akamba kuti, ‘Titenda po takhumbiya.

Tizengi so cha kwaku yimwi’?+

Kweni ŵanthu ŵangu andiluwa kwa mazuŵa ngambula kuŵerengeka.+

33 Yiwi munthukazi, wanozga nthowa yaku mwalusu kuti upenji chanju!

Wajisambiza nthowa ziheni.+

35 Kweni yiwi ukamba kuti, ‘Ndilivi mulandu.

Chiuta waleka kundikwiyiya.’

36 Ntchifukwa wuli upepuska nthowa yaku yambula kujalikiskika?

3 Ŵanthu afumba kuti: “Asani munthulumi wadikisa muwolu waki ndipu munthukazi yo, wamuleka mulumu waki ndi kutorana ndi munthulumi munyaki, kumbi munthulumi watenere so kuwelerana ndi munthukazi yo?”

Asi charu cho chanangikiya limu?+

 2 “Yunuskiya chisku chaku kumitunthu yambula kanthu ndipu wona.

Kumbi ndi nunkhu ko anthulumi akuleka kukukolere?

6 Mu mazuŵa nga Fumu Yosiya,+ Yehova wangundikambiya kuti: “‘Kumbi wawona vo Isirayeli wambula kugomezgeka wachita? Iyu wakwera pa phiri lelosi litali ndipu waluta pasi pa chimiti chechosi chakubiriŵira kuti wachiti uhuli.+ 7 Chinanga kuti wachitanga vinthu vosi venivi, ndamukambiyanga kuti wawere kwaku ini,+ kweni wanguwere cha kwaku ini; ndipu Yuda wamuwonanga ŵaka mku waki wambula kugomezgeka.+ 8 Ndati ndawona venivi, ndingudikisa Isirayeli wambula kugomezgeka ndipu ndingumupaska kalata yachipata+ chifukwa chakuti wanguchita chigololu.+ Kweni mvurwa waki wambula kugomezgeka, Yuda, wanguchita mantha cha, nayu wangwamba kuchita uhuli.+ 9 Iyu wangupepuska uhuli wo wachitanga, ndipu wangulutirizga kunanga charu kweniso kuchita chigololu ndi mya ndipuso vimiti.+ 10 Chinanga kuti wanguwona vosi ivi, Yuda, mvurwa waki wambula kugomezgeka, wanguwere kwaku ini ndi mtima waki wosi cha, kweni mwakupusikiziya ŵaka,’ Yehova ndiyu wakamba.”

11 Pavuli paki, Yehova wangundikambiya kuti: “Isirayeli wambula kugomezgeka walongo kuti ndi murunji ukongwa kuluska Yuda wambula kugomezgeka.+ 12 Luta kunkhondi*+ ndipu ukapharazgi mazu yanga:

“‘“Were kwaku ini, yiwi Isirayeli wakugaruka,” Yehova ndiyu wakamba.’+ ‘“Ndazakukulereska mwakukwiya cha,*+ pakuti nde wakugomezgeka,” Yehova ndiyu wakamba.’ ‘“Ndijengi wakukwiya mpaka muyaya cha. 13 Zomera ubudi waku, pakuti wagarukiya Yehova Chiuta waku. Ungulutirizga kupereka vinthu vaku vamampha* kwa alendu* pasi pa chimiti chechosi chakubiriŵira, kweni unguvwiya cha mazu ngangu,” Yehova ndiyu wakamba.’”

14 “Weriyani kwaku ini, yimwi ŵana akugaruka,” Yehova ndiyu wakamba. “Pakuti ini ndaja mbuyamwi* chayiyu, ndipu ndazakukutoni, yumoza kutuliya mutawuni yeyosi kweniso ŵaŵi kutuliya mu banja lelosi, ndipu ndazamuluta namwi ku Ziyoni.+ 15 Ndazakukupaskani aliska wo azamuchita vo ndikhumba,+ ndipu azakukuwovyani kuziŵa vinthu kweniso kuwamu. 16 Mu mazuŵa ngo, mwazamuyandana ndi kubala vipasu mucharu cho,” Yehova ndiyu wakamba.+ “Azamukamba so cha kuti, ‘Bokosi la phanganu laku Yehova!’ Bokosi lo, lazamukuza so cha mumtima, azakulikumbuka cha pamwenga kulikhumbira, ndipuso lazamupangika so cha. 17 Pa nyengu yo, azamudana Yerusalemu kuti mpandu waufumu waku Yehova.+ Mitundu yosi ya ŵanthu yazamuwunganisikiya ku zina laku Yehova ku Yerusalemu,+ ndipu azamuchita mtafu so cha, kulondo mitima yawu yiheni.”

18 “Mu mazuŵa ngo, nyumba yaku Yuda yazamuyende limoza ndi nyumba yaku Isirayeli.+ Wosi limoza azamutuliya kucharu cha kunkhondi* ndipu azamusere mucharu cho ndingupaska apapi ŵinu akali nge chihara.+ 19 Ndipu ndinguŵanaŵana kuti, ‘Ndingukuŵika pakati pa ŵana anthulumi ndipuso ndingukupaska charu chamampha, chihara chakutowa ukongwa pakati pa mitundu ya ŵanthu!’*+ Ndinguŵanaŵana so kuti mundidanengi kuti, ‘Ada!’ ndipuso kuti mulekengi cha kundilondo. 20 ‘Nadi, nge mo munthukazi wambula kugomezgeka waleke mulumu waki,* yimwi namwi a munyumba yaku Isirayeli, mwachita vinthu mwambula kugomezgeka kwaku ini,’+ Yehova ndiyu wakamba.”

22 “Weriyani kwaku ini, yimwi ŵana akugaruka.

Ndazamuchizga kugaruka kwinu.”+

23 Nadi, mitunthu kweniso chimtimbaheka cho chivwika pamapiri, ndi vinthu chayivu cha.+

Nadi, utaski waku Isirayeli we mwaku Yehova Chiuta widu.+

3 Pakuti Yehova wakambiya ŵanthu a ku Yuda kweniso ku Yerusalemu kuti:

 5 Pharazgani mu Yuda, ndipu memezani mu Yerusalemu.

Danirizani ndipuso mbani mbata* mucharu chosi.+

 6 Soskani chiziŵisu* chakulongo nthowa ya ku Ziyoni.

Penjani kwakubisama, ndipu mungamanga ŵaka jo cha,”

Pakuti ndituza ndi soka kutuliya kunkhondi,*+ soka likulu.

Watuwaku kumalu ngaki kuti wasambusi charu chaku kuja chinthu chakuchitiska mantha.

Matawuni ngaku ngazamubwangandulika ndipu mwazamuŵavi wakujamu.+

10 Pavuli paki ndingukamba kuti: A Yehova, Ambuya Fumu Yikulu! Mwapusisa ŵanthu yaŵa+ kweniso Yerusalemu, ndipu mwakamba kuti: ‘Mwazamuja mwachimangu,’+ kweni lipanga le pakhosi pidu.”

11 Pa nyengu yo, ŵanthu azamukambiya ŵanthu yaŵa kweniso Yerusalemu kuti:

12 Chimphepu chikulu chituliya kumalu yanga mwakutumika ndi ini.

Sonu ndiperekengi cheruzgu kwaku yiwu.

Mahachi ngaki ngatchimbiya kuphara nombu.+

Soka kwaku isi, pakuti tamala!

14 Yiwi Yerusalemu, towesa mtima waku ndipu tuzgamu vinthu viheni, kuti utaskiki.+

Kumbi ujengi ndi maŵanaŵanu ngaheni mpaka zuŵanji?

18 “Nthowa zaku kweniso vakuchita vaku vikuweriyengi.+

19 Kotu ama ine,* kotu ama!

Ndapwetekeka ukongwa mumtima mwangu.

Mtima wangu ukhung’uska mukati mwangu.

Mbana azereza, ambula kuvwisa vinthu.

23 Ndingulereska charu, ndipu awonani! chenga chambula kanthu kweniso chenga mahami.+

Ndinguwona kuchanya, ndipu kwengavi ukweru waki.+

30 Uchitengenji sonu pakuti wabwangandulika?

Iyu watambasuwa manja ngaki ndipu wakamba kuti:+

“Soka kwaku ini, pakuti ndavuka chifukwa cha ŵanthu akubaya!”

5 Yendaniyendani mumisewu ya ku Yerusalemu.

Lereskani uku ndi uku ndipu wonesesani.

 2 Chinanga angakamba kuti: “Ndilapizga mu zina laku Yehova Chiuta wamoyu!”

Alapizgengi mbwenu vinthu vaboza.+

 3 Yimwi Yehova, asi masu nginu ngakhumba kuwona ŵanthu akugomezgeka?+

Munguŵapuma, kweni angusintha cha.*

Munguŵamala, kweni angukana kulonde chilangu.+

 4 Kweni ini ndingukamba kuti: “Ŵanthu yaŵa mbakumaliyapu nadi.

Weyosi yo waluta kubwalu wapalurika.

 7 Ndingakugowoke wuli chifukwa cha vinthu venivi?

 9 “Kumbi nditenere cha kuŵamba mulandu chifukwa cha vinthu venivi?” Yehova ndiyu wakamba.

“Kumbi nditenere cha kuweze nduzga pa mtundu waviyo?”+

Venivi ndivu viŵachitikiyi!”

14 Mwaviyo, Yehova Chiuta wa mizinda, wakamba kuti:

15 “Awonani! Ndizengi kwaku yimwi ndi mtundu wakutali, yimwi a munyumba yaku Isirayeli,”+ Yehova ndiyu wakamba.

“Mtundu wo waja kwa nyengu yitali.

17 Yiwu azamumeza vinthu vo mwavuna kweniso chiŵandi chinu.+

Azamumeza ŵana ŵinu anthulumi ndi ŵana ŵinu anthukazi.

Azamumeza mbereri zinu, mbuzi zinu ndi ng’ombi zinu.

Azamumeza vimiti vinu va mphereska ndi vimiti vinu va mkuyu.

Matawuni nginu nga mipanda yakukho ngo muthemba, azakungabwanganduwa ndi lipanga.”

18 Yehova wakamba kuti: “Kweni chinanga ndi mu mazuŵa ngeningo, ndazakukumaliyani limu cha.”+ 19 Ndipu asani afumba kuti, ‘Ntchifukwa wuli Yehova Chiuta widu watichitiya vinthu vosi ivi?’ muŵamukengi kuti, ‘Nge mo mungundijowole kuti muteŵete chiuta wachilendu mucharu chinu, ndimu so mwamuteŵete alendu mucharu cho ntchinu cha.’”+

21 “Vwani ivi yimwi ŵanthu akupusa ndipuso ambula zeru:*+

24 Ndipu akamba cha mumtima mwawu kuti:

26 Pakuti pakati pa ŵanthu ŵangu pe ŵanthu aheni.

Yiwu alingiza nge mo achitiya akuthya viyuni wo akwaŵa pasi.

Yiwu atuthya chiŵana chakubaya.

Ndipu awonja ŵanthu.

Ndichu chifukwa chaki aja anthazi kweniso akukhupuka.

29 “Kumbi nditenere cha kuŵamba mulandu chifukwa cha vinthu venivi?” Yehova ndiyu wakamba.

“Kumbi nditenere cha kuweze nduzga pa mtundu waviyo?

30 Mucharu mwachitika chinthu chinyaki chakuziziswa kweniso chakofya:

Ndipu venivi ndivu ŵanthu ŵangu atanja.+

Kweni kumbi mwazamuchitanji asani umaliru waza?”

6 Bisamani kutali ndi Yerusalemu, yimwi ŵana aku Benjamini.

Pakuti soka lituliya kunkhondi,* soka likulu.+

 2 Mwana munthukazi wa ku Ziyoni we nge munthukazi wakutowa kweniso wakulombotoka.+

 3 Aliska azengi ndi miskambu yawu.

 4 “Nozgekiyani kuti muchiti nayu nkhondu!

Sokani, tiyeni timuyukiyi msana pakati!”

 6 Pakuti Yehova wa mizinda wakamba kuti:

“Dumuwani vimiti ndipu jinthani chakukwerapu pakuchita nkhondu ndi Yerusalemu.+

 9 Yehova wa mizinda wakamba kuti:

“Yiwu azamutondo ŵanthu wosi akujaku aku Isirayeli nge mphereska zakumaliya muchimiti cha mphereska.

Tambasuwa so janja laku nge munthu yo wapontho mphereska muvimiti va mphereska.”

10 “Kumbi ndilongoro ndi yani kweniso nditcheŵeski yani?

Ndiyani yo wavwisiyengi?

Awonani! Makutu ngawu ngajalika,* mwakuti atondeka kuvwisiya.+

Pakuti ndazamutambasuwa janja langu kuti ndilimbani ndi ŵanthu akuja mucharu cho.” Yehova ndiyu wakamba.

Penipo kulivi chimangu.+

15 Kumbi achita soni chifukwa cha vinthu vakuseruska vo achita?

Achita soni cha chinanga nkhamanavi!

Yiwu aziŵa cha mo angachitiya soni!+

Mwaviyo, azamukuwa pakati pa ŵanthu wo awa.

Pa nyengu yo ndazakuŵalangiya azamuguŵa,” Yehova ndiyu wakamba.

16 Yehova wakamba kuti:

“Mani pamphatukanu ndipu wonani.

Kweni yiwu akamba kuti: “Tiyendengemu cha.”+

Kweni yiwu angukamba kuti: “Tivwisiyengi cha.”+

18 “Mwaviyo, vwisiyani yimwi mitundu ya ŵanthu!

19 Vwisiya, yiwi charu chapasi!

21 Mwaviyo Yehova wakamba kuti:

22 Yehova wakamba kuti:

23 Yiwu azamuko uta ndi mkondu,

Mbankhaza ndipu azamuŵavi lisungu.

Yiwu andanda kuti achiti nawi nkhondu nge mo munthu wankhondu wachitiya, yiwi mwana munthukazi wa ku Ziyoni.”

24 Tavwa nkhani yeniyi.

29 Mathumba ngakuvukutiya ngakwinyiliya.

Pamotu wawu patuwa mthovu.

7 Yehova wangukambiya Yeremiya kuti: 2 “Ima pageti la nyumba yaku Yehova ndipu pharazga uthenga wakuti, ‘Vwiyani mazu ngaku Yehova yimwi ŵanthu wosi a ku Yuda, yimwi musere pamageti yanga kuti musindamiyi Yehova. 3 Yehova wa mizinda, Chiuta waku Isirayeli wakamba kuti: “Sinthani nthowa zinu kweniso vakuchita vinu, ndipu ndikuzomerezeningi kuti mulutirizgi kuja mucharu ichi.+ 4 Lekani kuthemba mazu nginu ngaboza ndi kukamba kuti, ‘Iyi ndi nyumba yakusopiyamu yaku Yehova, nyumba yakusopiyamu yaku Yehova, nyumba yakusopiyamu yaku Yehova!’+ 5 Pakuti asani musinthengi nadi nthowa zinu ndi vakuchita vinu; asani muyeruzgengi nadi mwaurunji mulandu wa pakati pa munthu ndi yo waja nayu pafupi;+ 6 asani mukandirizgengi cha alendu, ŵana alanda* ndi vyoko;+ asani mudirengi cha ndopa za munthu wambula kunanga mucharu ichi; ndipuso asani mulekengi kulondo achiuta anyaki, vo vingachitiska kuti mupwetekeki;+ 7 mbwenu ndikuzomerezeningi kuti mulutirizgi kuja mucharu ichi, charu cho ndikuchipereka kwa apapi ŵinu akali kuti chije chawu mpaka muyaya.”’”

8 “Kweni muthemba mazu ngaboza+ ngo ngangakuwovyani cha chinanga nkhamanavi. 9 Kumbi mungaba,+ kubaya ŵanthu, kuchita chigololu, kulapizga vinthu vaboza,+ kupereka sembi* kwaku Bala,+ ndi kulondo achiuta wo mukuŵaziŵapu cha, 10 pavuli paki mbwenu mutuza ndi kuma pa masu pangu munyumba iyi yo yidanika ndi zina langu ndi kukamba kuti, ‘Titaskikengi,’ chinanga kuti muchita vinthu vaukazuzi vosi ivi? 11 Kumbi nyumba iyi, yo yidanika ndi zina langu yasambuka mphanji ya ankhungu mu masu mwinu?+ Ndajiwone ndija,” Yehova ndiyu wakamba.

12 “‘Chinanga kuti vingaŵa viyo, lutani kumalu ngangu ku Shilo,+ ko pakwamba ndinguchitiska kuti kuje zina langu,+ ndipu kawoneni vo ndinguchita nangu chifukwa cha uheni wa ŵanthu ŵangu Ayisirayeli.+ 13 Kweni mungulutirizga kuchita vinthu vosi venivi,’ Yehova ndiyu wakamba, ‘ndipu chinanga kuti ndalongoronga namwi mwakuwerezawereza,* mwavwanga cha.+ Ndakudananingi, kweni mwamukanga cha.+ 14 Mwaviyo, nge mo ndinguchitiya ndi Shilo,+ ndimu so ndichitiyengi ndi nyumba yo yidanika ndi zina langu,+ yo muthemba+ ndipuso ndimu ndichitiyengi ndi malu yanga ngo ndikupereka kwaku yimwi kweniso kwa apapi ŵinu akali. 15 Ndikutuzgeningipu pa masu pangu nge mo ndingutuzgiyapu abali ŵinu wosi, ŵana wosi aku Efurayemu.’+

16 “Kweni yiwi, ungaŵapempheriyanga cha ŵanthu yaŵa. Ungaŵaliriyanga cha, ungaŵapempheriyanga cha ndipuso ungaŵaŵeyeriyanga cha kwaku ini,+ pakuti ndikuvwisiyengi cha.+ 17 Kumbi uwona cha vo yiwu achita mumatawuni nga ku Yuda kweniso mumisewu ya mu Yerusalemu? 18 Ŵana adeŵa nkhuni, ada apemba motu, ama akasa fulawu kuti apangi makeki kuti angapereki nge sembi ku Fumukazi ya Kuchanya,*+ ndipu apunguliya achiuta anyaki sembi za chakumwa kuti andikwiyisi.+ 19 ‘Kumbi yiwu apweteka ini?’* Yehova ndiyu wakamba. ‘Asi atijipweteka ŵija, ndi kujilengesa?’+ 20 Mwaviyo, Yehova Ambuya Fumu Yikulu wakamba kuti, ‘Awonani! Ukali wangu kweniso kukwiya kwangu vipungulikiyengi pacharu ichi,+ paŵanthu ndi panyama, pavimiti va mumunda kweniso pavipasu va pacharu chapasi; ukali wangu ukoliyengi ndipu wazamuzimwika cha.’+

21 “Yehova wa mizinda, Chiuta waku Isirayeli wakamba kuti, ‘Lutirizgani, pa sembi zinu zinyaki, sazganipu sembi zinu zakupiriza zamphumphu, ndipu ryani nyama yaki.+ 22 Pakuti pa zuŵa lo ndingutuzgiya apapi ŵinu akali mucharu cha Ijipiti, ndinguŵakambiya cha pamwenga kuŵalamula vakukwaskana ndi sembi zakupiriza zamphumphu kweniso sembi zinyaki.+ 23 Kweni ndinguŵalamula kuti: “Muvwiyengi mazu ngangu ndipu ndijengi Chiuta winu, ndipu yimwi mujengi ŵanthu ŵangu.+ Muyendengi munthowa zosi zo nditikulamulani kuti vinthu vikuyendiyeni umampha.”’+ 24 Kweni yiwu anguvwisiya cha pamwenga kukhazaku gutu lawu;+ mumalu mwaki, angwenda mwakukoliyana ndi maŵanaŵanu ngawu,+ anguchita mtafu ndi kulondo mtima wawu uheni, ndipu anguwere vuli, anguluta kunthazi cha, 25 kutuliya pa zuŵa lo apapi ŵinu akali angutuliya mucharu cha Ijipiti mpaka msanawale.+ Mwaviyo, ndakutumiyaningi ateŵeti ŵangu wosi achimi, ndaŵatumanga zuŵa lelosi, mwakuwerezawereza.*+ 26 Kweni ŵanthu ŵangu angukana kundivwisiya ndipu angukhazaku cha gutu lawu.+ Mumalu mwaki anguchita mtafu,* ndipu anguchita vinthu viheni ukongwa kuluska vo apapi ŵawu akali anguchita!

27 “Wazakuŵakambiya mazu ngosi ngenanga,+ kweni azakukuvwisiya cha; wazakuŵadana, kweni azakukumuka cha. 28 Ndipu wazakuŵakambiya kuti, ‘Uwu ndi mtundu wo unguvwisiya cha mazu ngaku Yehova Chiuta wawu ndipuso ungukana kulonde chilangu. Kugomezgeka kwamala, ndipu kuzumbulika ndi kuzumbulika so cha pakati pawu.’*+

29 “Meta sisi laku lambula kumeta* ndi kulitaya ndipu pamitunthu yambula kanthu umbi mwakukweza sumu yakumba pakuliya, pakuti Yehova wakana ndipuso wajowongi mugonezi uwu chifukwa chakuti wamukwiyisa. 30 ‘Pakuti ŵanthu a ku Yuda achita vinthu viheni pa masu pangu,’ Yehova ndiyu wakamba. ‘Yiwu amika angoza ŵawu akuseruska munyumba yo yidanika ndi zina langu kuti ayifipiski.+ 31 Yiwu azenga malu ngapachanya nga Tofeti, mu Dambu la Mwana Waku Hinomu*+ kuti awotchengi ŵana ŵawu anthulumi kweniso ŵana ŵawu anthukazi pamotu,+ chinthu cho ndikuŵalamulapu cha kweniso cho ndikuchiŵanaŵanapu cha mumtima mwangu.’+

32 “‘Mwaviyo, awonani! mazuŵa ngatuza,’ Yehova ndiyu wakamba, ‘penipo malu ngo ngazamudanika so kuti Tofeti cha pamwenga Dambu la Mwana Waku Hinomu,* kweni ngazamudanika kuti Dambu Lakubayiyaku Ŵanthu. Yiwu azamuŵika ŵanthu akufwa ku Tofeti mpaka po malu ngosi ngamaliya.+ 33 Ndipu mathupi nga ŵanthu yaŵa ngazamuja chakurya cha viyuni vamude kweniso vinyama va pacharu chapasi ndipu palivi munthu yo wazakuvidikisa.+ 34 Mumatawuni nga ku Yuda kweniso mumisewu ya mu Yerusalemu, ndazamumalisa chiwawa cha kuzaya, chiwawa cha likondwa, mazu nga munthulumi mweneku wa nthengwa kweniso mazu nga mwali,+ pakuti charu cho chazamubwangandulika ndi kusambuka mahami.’”+

8 Yehova wakamba kuti: “Pa nyengu yo, viwanga va mafumu nga ku Yuda, viwanga va alongozgi ŵaki akuzirwa, viwanga va asembi, viwanga va achimi ndipuso viwanga va ŵanthu a mu Yerusalemu vazamutoleka mumadindi ngawu. 2 Vazamunikika pa lumwi, pa mwezi kweniso pa mzinda wosi wakuchanya, vinthu vo aviyanjanga, kuviteŵete, kuvilondo, kuvipenja kweniso kuvisindamiya.+ Vazamuwunjikika cha ndipuso vazamuŵikika mudindi cha. Vazamukuŵa nge manyowa pacharu chapasi.”+

3 “Ndipu akujaku abanja liheni ili wo azamupona, azamusankha nyifwa mumalu mwa umoyu, kumalu ngosi ngo ndazakuŵambininiskiyaku,” Yehova wa mizinda ndiyu wakamba.

4 “Ndipu utenere kuŵakambiya kuti, ‘Yehova wakamba kuti:

“Kumbi awengi pasi kwambula kuyuka so?

Asani yumoza wangawelere, kumbi munyaki nayu wangawelere cha?

 5 Ntchifukwa wuli ŵanthu yaŵa, akuja mu Yerusalemu alutirizga kuja ambula kugomezgeka?

 6 Ndenga masu ndipu ndavwisiyanga, kweni alongoronga umampha cha.

Pengavi munthu yo wangulapa uheni waki pamwenga kufumba kuti, ‘Ntchinthu wuli cho ndachita?’+

Weyosi wawere ku vinthu vo ŵanthu anandi atanja, nge hachi yo yitchimbiriya ku nkhondu.

Kweni ŵanthu ŵangu chayiwu avwisa cha cheruzgu chaku Yehova.”’+

 8 ‘Mungakamba wuli kuti: “Te ndi zeru, ndipuso te ndi dangu laku* Yehova”?

Pakuti kukamba uneneska, alembi agwiriskiya ntchitu vakulembe vawu+ pakulemba maboza.

 9 Ŵanthu azeru alengeseka.+

Yiwu ŵe ndi mantha ndipu akolekengi.

Penipo kulivi chimangu.+

12 Kumbi achita soni chifukwa cha vinthu vakuseruska vo achita?

Achita soni cha chinanga nkhamanavi!

Yiwu aziŵa cha mo angachitiya soni!+

Mwaviyo, azamukuwa pakati pa ŵanthu wo awa.

Pa nyengu yo ndazakuŵalangiya azamuguŵa,’+ Yehova ndiyu wakamba.

13 ‘Pa nyengu yo ndazakuŵawunganisa, ndazakuŵamala,’ Yehova ndiyu wakamba.

‘Muchimiti cha mphereska mwazamujaliya mphereska cha, muchimiti cha mkuyu mwazamujaliya vipasu va mkuyu cha, ndipu mani ngaki ngazamufota.

Vinthu vo ndinguŵapaska vazamusoŵa.’”

14 “Ntchifukwa wuli taja panu?

Tiyeni tiwungani pamoza, tikasere mumatawuni nga mipanda yakukho+ ndipu tikamaliyi mwenimo.

16 Kufwenkhuwa kwa mahachi kuvwika kutuliya ku Dani.

“Kumbi Yehova we mu Ziyoni cha?

Kumbi fumu yaki ye mwaku iyu cha?”

Ndipuso nde ndi mantha ukongwa.

22 Kumbi mu Giliyadi mulivi basamu?*+

Kumbi mulivi munthu wakuchizga?*+

Ntchifukwa wuli mwana munthukazi wa ŵanthu ŵangu wachizgika cha?+

 2 Mphanyi ndenga ndi malu ngakugonaku ŵanthu apaulendu muchipululu!

Asambiza lilimi lawu kukamba boza.+

Atijivukisa ndi vinthu viheni.

 6 Yiwi uja pakati pa boza.

Chifukwa cha boza lawu akana kundiziŵa,” Yehova ndiyu wakamba.

 7 Mwaviyo, Yehova wa mizinda wakamba kuti:

 8 Lilimi lawu ndi muvu wakubaya, lilongoro vinthu vaboza.

 9 “Kumbi nditenere cha kuŵamba mulandu chifukwa cha vinthu venivi?” Yehova ndiyu wakamba.

“Kumbi nditenere cha kuweze nduzga pa mtundu waviyo?+

Viyuni vamude kweniso vinyama vathaŵa; vosi valuta.+

12 Ndiyani yo we ndi zeru kuti wavwisi vinthu venivi?

Kumbi mulomu waku Yehova walongoro kwaku yani, kuti wapharazgi venivi?

Ntchifukwa wuli charu chabwangandulika?

13 Yehova wangumuka kuti: “Ntchifukwa chakuti angukana dangu langu lo* ndinguŵapaska, angulilondo cha ndipuso anguvwiya cha mazu ngangu. 14 Mumalu mwaki, anguchita mtafu ndi kulondo mitima yawu,+ ndipu angulondo vikozgu vaku Bala nge mo awusewu anguŵasambiziya.+ 15 Mwaviyo, Yehova wa mizinda, Chiuta waku Isirayeli wakamba kuti, ‘Awonani, ndichitiskengi kuti ŵanthu yaŵa aryi kamiti kakuŵaŵa, ndipuso kuti amwi maji ngapoyizoni.+ 16 Ndazakuŵambininiskiya mu mitundu ya ŵanthu yo yiwu ndi awusewu ayiziŵanga cha,+ ndipu ndazakuŵatumiya lipanga mpaka po ndaziŵamaliya limu.’+

19 Pakuti chitenje chavwika mu Ziyoni:+

“Tabwangandulika!

Talengeseka ukongwa!

Pakuti taleka malu ngidu, ndipu awisiya pasi nyumba zidu.”+

20 Yimwi anthukazi, vwani mazu ngaku Yehova.

Makutu nginu ngalonde mazu nga mumulomu mwaki.

22 Ukambi kuti, ‘Yehova wakamba kuti:

23 Yehova wakamba kuti:

24 “Kweni yo wamalika, wamalikengi chifukwa cha vinthu ivi:

25 “Awonani! Mazuŵa ngatuza,” Yehova ndiyu wakamba, “ndipu ndazamukumba mulandu weyosi yo wakudumulika kweni wakudumulika ku liŵavu pe.+ 26 Ndazamukumba mulandu Ijipiti,+ Yuda,+ Edomu,+ Amoni,+ Mowabu+ ndipuso ŵanthu wosi wo akucheketereza mwembi wawu wa mumbulukutu wo aja muchipululu;+ pakuti mitundu yosi ya ŵanthu yikudumulika cha, ndipu nyumba yosi yaku Isirayeli njambula kudumulika mumtima.”+

10 Yimwi a munyumba yaku Isirayeli, vwani mazu ngo Yehova wakamba ngakususkana namwi. 2 Yehova wakamba kuti:

 3 Pakuti midawuku ya ŵanthu njambula ntchitu.

 6 Palivi yo wayanana ndi yimwi, yimwi Yehova.+

Ndimwi wapachanya ndipu zina linu ndikulu kweniso ndanthazi.

 8 Wosi mbambula zeru kweniso mbazereza.+

Ulongozgi wakutuliya kuvimiti ngwambula ntchitu.+

Ativivwalika vakuvwala va wuzu wabuluu kweniso vaweya wa mbereri wapepo.

Vosi vikupangika ndi ŵanthu alusu.

10 Kweni Yehova ndi Chiuta nadi.

Iyu ndi Chiuta wamoyu+ kweniso Fumu yamuyaya.+

11 * Uŵakambiyi kuti:

14 Munthu weyosi wachita vinthu mwambula zeru kweniso wakulongo kuti waziŵa vinthu cha.

15 Yivu vaŵaka, ndi ntchitu yakwenere kunyozeka.+

Asani zuŵa lawu la chilangu laza, vazamumala.

Zina laki ndi Yehova wa mizinda.+

18 Pakuti Yehova wakamba kuti:

19 Soka kwaku ini chifukwa cha kupwetekeka kwangu!+

Chilonda changu ntchakuti chingapo cha.

Ndingukamba kuti: “Uwu mbutenda wangu nadi, ndipu nditenere kuwuzizipizga.

20 Hema langu labwangandulika, ndipu vingwi vosi va hema langu vadumulika.+

Ŵana ŵangu andileka ndipu kulivi.+

Palivi yo wajaku kuti watambasuwi hema langu pamwenga kusoska salu za hema langu.

22 Avwani! Uthenga! Utuza!

23 Ini ndiziŵa umampha, yimwi Yehova, kuti nthowa ya munthu ye mwaku iyu mweneku cha.

Munthu yo watenda walivi nthazi zakunyoloske maphazi ngaki.+

11 Yehova wangukambiya Yeremiya kuti: 2 “Vwisiyani mazu nga mu phanganu ili, yimwi mwaŵanthu!

“Ungakambi* ku ŵanthu wo aja mu Yuda ndipuso mu Yerusalemu 3 ndipu uŵakambiyi kuti, ‘Yehova, Chiuta waku Isirayeli wakamba kuti: “Ngwakutembeka munthu yo wavwiya cha mazu nga mu phanganu ili,+ 4 ngo ndingulamula apapi ŵinu akali pa zuŵa lo ndinguŵatuzgiya mucharu cha Ijipiti,+ mung’anju yakusongonoliyamu visulu,+ kuti, ‘Vwiyani mazu ngangu ndi kuchita vosi vo nditikulamulani; ndipu mwazamuja ŵanthu ŵangu, ndipu ini ndazamuja Chiuta winu,+ 5 kuti ndifiski vo ndingulapizga kwa apapi ŵinu akali, kuti ndazakuŵapaska charu chakwenda mkaka ndi uchi,+ nge mo viliri msanawale.’”’”

Ndipu ini ndingumuka kuti: “Ame,* yimwi Yehova.”

6 Pavuli paki, Yehova wangundikambiya kuti: “Pharazga mazu ngosi yanga mumatawuni nga ku Yuda kweniso mumisewu ya mu Yerusalemu, ndipu ukambi kuti: ‘Vwiyani mazu nga mu phanganu ili ndi kungachita. 7 Pakuti ndingutcheŵeska apapi ŵinu akali pa zuŵa lo ndinguŵatuzgiya mucharu cha Ijipiti mpaka msanawale, ndaŵatcheŵeskanga mwakuwerezawereza kuti:* “Vwiyani mazu ngangu.”+ 8 Kweni anguvwiya cha pamwenga kukhazaku gutu lawu; mumalu mwaki, weyosi wachitanga mtafu ndi kulondo mtima waki uheni.+ Mwaviyo, ndinguŵalanga mwakukoliyana ndi mazu ngosi nga mu phanganu ili, ngo ndinguŵalamula kuti achiti kweniso ngo angukana kungachita.’”

9 Pavuli paki, Yehova wangundikambiya kuti: “Ŵanthu wo aja mu Yuda kweniso wo aja mu Yerusalemu anozga chiŵembu. 10 Yiwu awere ku maubudi nga apapi ŵawu akali, wo angukana kuvwiya mazu ngangu.+ Yiwu nawu alondo achiuta anyaki ndi kuŵateŵete.+ A munyumba yaku Isirayeli kweniso a munyumba yaku Yuda, aswa phanganu lo ndinguchita ndi apapi ŵawu akali.+ 11 Mwaviyo, Yehova wakamba kuti, ‘Ndiŵatumiyengi soka+ lo alithaŵengi cha. Asani atindidana kuti ndiŵawovyi, ndiŵavwisiyengi cha.+ 12 Pavuli paki, ŵanthu wo aja mumatawuni nga ku Yuda ndipuso wo aja mu Yerusalemu azamuluta kwa achiuta wo atiŵapaska sembi* ndi kuŵapempha chovyu,+ kweni azakuŵataska cha mu nyengu ya soka lawu. 13 Pakuti achiuta ŵaku mbanandi nge matawuni ngaku, yiwi Yuda, ndipu chinthu chakuchitiska soni,* wachizenge maguŵa nganandi nga sembi nge misewu ya mu Yerusalemu, maguŵa ngakuperekiyapu sembi kwaku Bala.’+

14 “Kweni yiwi,* ungaŵapempheriyanga cha ŵanthu yaŵa. Ungaŵaliriyanga cha pamwenga kuŵapemphere,+ pakuti ndivwisiyengi cha asani atindidana chifukwa cha soka lawu.

Kumbi yiwu angachitiska kuti soka lileki kukuwiya chifukwa cha nyama zawu zakupaturika?*

Kumbi yiwi wazamuzaya pa nyengu yo?

19 Ndenga nge mwana wa mbereri wakufwasa yo aluta nayu kuchimubaya.

Ndinguziŵa cha kuti atindinozge chiŵembu, ndipu akambanga kuti:+

21 Mwaviyo, ivi ndivu Yehova wakamba kususkana ndi ŵanthu aku Anatoti+ wo akhumba kukubaya kweniso wo akamba kuti: “Uleki kukamba mauchimi mu zina laku Yehova,+ asani ukambengi, tikubayengi”; 22 mwaviyo Yehova wa mizinda wakamba kuti: “Ndazakuŵamba mulandu. Anyamata azamubayika ndi lipanga,+ ŵana ŵawu anthulumi ndi anthukazi azamukufwa ndi nja.+ 23 Palivi chinanga njumoza yo wazamujaku pakati pawu, chifukwa ŵanthu aku Anatoti+ ndazakuŵatumiya soka mu chaka cho ndazakuŵambiya mulandu.”

 2 Yimwi mukuŵapanda ndipu ame misisi.

Yiwu akuwa ndi kupasa vipasu.

Atikuzumbuwani kaŵikaŵi, kweni maŵanaŵanu ngawu ngamukati* nge kutali ndi yimwi.+

Pakuti yiwu akamba kuti: “Wawona cha vo vazakutichitikiya.”

Yiwu asuskana nawi mwakudaniriza.

 7 “Ndajowo nyumba yangu;+ ndaleka chihara changu.+

Wakwanjiwa wangu ndamupereka mu manja mwa arwani ŵaki.+

 8 Kwaku ini, chihara changu chaja nge nkharamu mulisuwa.

Iyu wandiwulumiya.

Mwaviyo ndamutinkha.

Asambusa chigaŵa changu chamampha cha charu kuja chipululu.

11 Chasambuka charu chakunangika.

Palivi yo waja mwachimangu.

13 Yiwu apanda tirigu, kweni avuna minga.+

Ajivukisa, kweni palivi phindu lo asaniyapu.

14 Ivi ndivu Yehova wakamba kususkana ndi ŵanthu wosi aheni wo ndikuzengezana nawu, wo akwaska chihara cho ndikuchitiska kuti chije cha ŵanthu ŵangu Ayisirayeli:+ “Awonani, nditiŵachesuwa mucharu chawu,+ ndipu ndazamuchesuwa nyumba yaku Yuda pakati pawu. 15 Kweni asani ndaziŵachesuwa, ndazakuŵachitiya so lisungu ndipu weyosi waku yiwu ndazakumuweze ku chihara chaki kweniso kumalu ngaki.”

16 “Ndipu asani ayesesengi kusambira nthowa za ŵanthu ŵangu ndi kulapizga mu zina langu kuti, ‘Ndilapizga mu zina laku Yehova Chiuta wamoyu!’ nge mo angusambiziya ŵanthu ŵangu kulapizga mu zina laku Bala, mbwenu azamujalikiskika pakati pa ŵanthu ŵangu. 17 Kweni asani akana kuvwiya, mbwenu ndazamuchesuwa mtundu wo, ndazakuwuchesuwa ndi kuwunanga,” Yehova ndiyu wakamba.+

13 Yehova wangundikambiya kuti: “Luta, ukaguli lamba wasalu ndipu ukamumangi muchiwunu chaku, kweni ungachimubizganga mumaji cha.” 2 Mwaviyo, ndingugula lamba mwakukoliyana ndi mazu ngaku Yehova ndipu ndingumumanga muchiwunu changu. 3 Ndipu mazu ngaku Yehova nganguza so kwaku ini kachiŵi, kuti: 4 “Uto lamba yo ukugula, mweniyo wavwala, soka ndi kuluta kumsinji wa Yufureti, ndipu ukamubisi kweniko mumphaku ya jalawi.” 5 Mwaviyo ndinguluta ndipu ndinguchimubisa mumphepeti mwa msinji wa Yufureti, nge mo Yehova wangundilamuliya.

6 Kweni pati pajumpha mazuŵa nganandi, Yehova wangundikambiya kuti: “Soka, luta kumsinji wa Yufureti, ndipu ukato lamba yo ndingukulamula kuti ukamubisi kweniko.” 7 Mwaviyo, ndinguluta kumsinji wa Yufureti, ndingufukuwa lamba yo, ndingumuto po ndingumubisa ndipu ndinguwona kuti wanangika; wenga wakuti wangagwira ntchitu so cha.

8 Pavuli paki, Yehova wangulongoro nani ndipu wangukamba kuti: 9 “Yehova wakamba kuti, ‘Viyo ndimu ndazamunangiya kujikuzga kwa ŵanthu a ku Yuda kweniso kujikuzga kukulu kwa ŵanthu a ku Yerusalemu.+ 10 Ŵanthu aheni ŵenaŵa wo akana kuvwiya mazu ngangu,+ wo achita mtafu ndi kulondo mtima wawu,+ ndipuso wo alondo achiuta anyaki, kuŵateŵete ndi kuŵasindamiya, azamuja nge lamba mwenuyu yo wangagwira ntchitu so cha.’ 11 ‘Pakuti nge mo lamba wakhole muchiwunu cha munthu, ndimu so ndinguchitiskiya kuti a munyumba yosi yaku Isirayeli kweniso a munyumba yosi yaku Yuda ademetere kwaku ini,’ Yehova ndiyu wakamba, ‘kuti aje ŵanthu ŵangu,+ kuti ndiziŵikengi,+ kuti andithamikengi kweniso kuti aje chinthu chakutowa kwaku ini. Kweni anguvwiya cha.’+

12 “Ndipu ukaŵakambiyi so uthenga wakuti, ‘Yehova, Chiuta waku Isirayeli wakamba kuti: “Zazani vinyu mumsuku wewosi ukulu.”’ Ndipu yiwu akukumuka kuti, ‘Kumbi isi tileka kuziŵa kuti titenere kuzaza vinyu mumsuku wewosi ukulu?’ 13 Pavuli paki ukaŵakambiyi kuti, ‘Yehova wakamba kuti: “Ndiloŵeresengi ŵanthu wosi akuja mucharu ichi,+ mafumu ngo ngaja pampandu waufumu waku Davidi, asembi, achimi kweniso ŵanthu wosi wo aja mu Yerusalemu. 14 Ndipu ndazamuchitiska kuti munthu weyosi wabwanyani ndi munyaki, ada ndi ŵana viyo,” Yehova ndiyu wakamba.+ “Ndazakuŵalongo wezi cha, ndazakuŵachitiya chitima cha kweniso ndazakuŵalenge lisungu cha; palivi cho chazamuchitiska kuti ndileki kuŵananga.”’+

15 Vwani ndi kuŵikaku maŵanaŵanu.

Mungajikuzganga cha, pakuti Yehova walongoro.

19 Matawuni nga kumwera ngajalika,* ndipu palivi yo wangangajula.

Ŵanthu wosi a ku Yuda atoleke ku ukapolu, wosi atoleke ku ukapolu.+

20 Kweza masu ngaku, ndipu wona ŵanthu wo atuliya kunkhondi.*+

We pani mskambu wo ungupaskika, mbereri zaku zakutowa?+

Kumbi urwirwi wa pakubala nge wa munthukazi yo wabala, wazakukuwiya cha?+

22 Ndipu asani mumtima mwaku wazikamba kuti, ‘Ntchifukwa wuli vinthu venivi vandiwiya?’+

Akuzuwa vakuvwala chifukwa cha ubudi waku ukulu+

Ndipu viphundulu vaku vapwetekeka ukongwa.

23 Kumbi munthu wa ku Kushi* wangasintha khungu laki, pamwenga kumbi nyalubwi wangasintha maŵanga ngaki?+

24 Mwaviyo, ndazakuŵambininiska nge mapesi ngo ngaputisika ndi mphepu yamuchipalamba.+

Soka kwaku yiwi, Yerusalemu!

Kumbi ulutirizgengi kuja wakufipiskika mpaka zuŵanji?”+

14 Yehova wangukambiya Yeremiya vakukwaskana ndi chilala kuti:+

 2 Yuda waliya,+ ndipu mageti ngaki ngawa.

 3 Ambuyawu atuma ateŵeti ŵawu kuti akaneŵi maji.

Yiwu aluta kuvisimi kweni asaniyaku maji cha.

Aweku ndi viyaŵi vambula maji.

 6 Abulu amudondu ama pamitunthu yambula kanthu.

Kutijowo cha.

10 Ivi ndivu Yehova wakamba vakukwaskana ndi ŵanthu yaŵa: “Yiwu atanja kwendakwenda;+ awezaku cha maphazi ngawu.+ Mwaviyo Yehova wakondwa nawu cha.+ Sonu wakumbukengi kunanga kwawu ndipuso waŵambengi mulandu chifukwa cha maubudi ngawu.”+

11 Pavuli paki, Yehova wangundikambiya kuti: “Ungaŵapempheriyanga cha ŵanthu yaŵa kuti vinthu viŵayende umampha.+ 12 Asani afunga, ndivwisiya cha kuŵeyere kwawu,+ ndipu asani apereka sembi zakupiriza zamphumphu kweniso sembi za mbewu, ndikondwa nazu cha,+ pakuti ndimalanengi nawu ndi lipanga, nja kweniso mulili.”*+

13 Ndati ndavwa venivi ndingukamba kuti: “A Yehova, Ambuya Fumu Yikulu! Awonani, achimi akambiya ŵanthu yaŵa kuti, ‘Muwonengi lipanga cha, ndipu nja yikuwiyeningi cha, kweni ndikupaskeningi chimangu chayichu mucharu ichi.’”+

14 Sonu Yehova wangundikambiya kuti: “Achimi akamba mauchimi ngaboza mu zina langu.+ Ini ndaŵatuma cha pamwenga kuŵalamula pamwenga kulongoro nawu.+ Achimi wo, atikukambiyani viwona vaboza, vinthu vaboza vo vichitikengi kunthazi ndipuso maboza nga mumtima mwawu.+ 15 Mwaviyo, ivi ndivu Yehova wakamba vakukwaskana ndi achimi wo akamba mauchimi mu zina langu chinanga kuti ndikuŵatuma cha, ndipuso wo akamba kuti lipanga pamwenga nja vizengi cha mucharu ichi: ‘Achimi ŵenaŵa azamumala ndi lipanga kweniso nja.+ 16 Ndipu mathupi nga ŵanthu wo atiŵakambiya mauchimi, ngazamuponyeka mumisewu ya mu Yerusalemu chifukwa cha nja kweniso lipanga, mwakuti pazamuŵavi wakuŵaŵika mudindi,+ yiwu, awolu ŵawu, ŵana ŵawu anthulumi ndipuso ŵana ŵawu anthukazi, pakuti ndazakuŵapunguliya soka lo atenere kulonde.’+

Pakuti achimi ndi asembi atendatenda mucharu cho atichiziŵa cha.’”+

19 Kumbi mwamukaniya limu Yuda, pamwenga kumbi mwamutinkha Ziyoni?+

Ntchifukwa wuli mwatipweteka, mwakuti tingachizgika cha?+

Kumbukani, ndipu mungaswanga cha phanganu linu lo munguchita ndi isi.+

Asi ndimwi pe mwija, yimwi Yehova Chiuta widu?+

15 Pavuli paki, Yehova wangundikambiya kuti: “Chinanga Mozesi ndi Samuyeli angama pa masu pangu,+ ndingaŵachitiya lisungu cha ŵanthu yaŵa. Atuzgepu pa masu pangu. Aleki akengi. 2 Ndipu asani atikufumba kuti, ‘Tiluti pani?’ uŵakambiyi kuti, ‘Yehova wakamba kuti:

“Yo watenere kufwa ndi mulili wakubaya, wafwi ndi mulili wakubaya!

Yo watenere kufwa ndi lipanga, wafwi ndi lipanga!+

Yo watenere kufwa ndi nja, wafwi ndi nja!

Ndipu yo watenere kutoleke ku ukapolu, watoleke ku ukapolu!”’+

3 “‘Ndazakuŵatumiya masoka nganayi,’*+ Yehova ndiyu wakamba, ‘lipanga kuti liŵabayi, agalu kuti aŵakwekweti, viyuni vamude kweniso vinyama vamudondu kuti viŵamezi ndi kuŵananga.+ 4 Ndipu ndiŵasambusengi chinthu chakuchitiska mantha ku maufumu ngosi nga pacharu chapasi+ chifukwa cha vinthu vo Manasi, mwana waku Hezekiya, fumu ya ku Yuda, wanguchita mu Yerusalemu.+

 6 ‘Wandileka,’ Yehova ndiyu wakamba.+

‘Ulutirizga kundilazgiya msana.*+

Ndikutambasuliyengi janja langu ndi kukunanga.+

Ndavuka kukuchitiya lisungu.

 7 Ndazakuŵawulusa ndi chifoloku mumageti nga mucharu cho.

Ndazamubaya ŵana ŵawu.+

 8 Vyoko vawu vazamuja vinandi ukongwa pa masu pangu kuluska mchenga wa munyanja.

Ndazamukuza ndi wakubaya yo wazakuŵayukiya msana pakati, wazamuyukiya ama ndi anyamata.

Ndazamuchitiska kuti chimtimbaheka kweniso mantha viŵawiyi mwamabuchibuchi.

Weziyani nduzga ŵanthu wo atinditombozga.+

Mungazomerezanga cha kuti ndimali chifukwa chakuti mukwiya liŵi cha.

Ziŵani kuti ndinyozeka chifukwa chaku yimwi.+

17 Ndija cha pakati pa ŵanthu akuzaya ndi kukondwa nawu.+

18 Ntchifukwa wuli urwirwi wangu ulutiriya ndipuso chilonda changu ntchambula kuchizgika?

Chikana kuchizgika.

19 Mwaviyo, Yehova wakamba kuti:

20 “Ndikuchitiskengi kuti uje mpanda wamkuŵa wakukho ku ŵanthu yaŵa.+

16 Yehova wangulongoro nani so ndipu wangukamba kuti: 2 “Ungatonga munthukazi cha ndipuso ungabalanga ŵana anthulumi pamwenga ŵana anthukazi cha mumalu yanga. 3 Pakuti ivi ndivu Yehova wakamba vakukwaskana ndi ŵana anthulumi kweniso ŵana anthukazi wo abalika mucharu ichi, kweniso vakukwaskana ndi anyinawu ndi awusewu wo akuŵabala: 4 ‘Yiwu azamukufwa ndi matenda ngakubaya,+ kweni palivi yo wazakuŵaliya pamwenga kuŵaŵika mudindi; mathupi ngawu ngazamuja manyowa pacharu.+ Yiwu azamubayika ndi lipanga kweniso nja,+ ndipu mathupi ngawu ngazamuja chakurya cha viyuni vamude kweniso vinyama va pacharu chapasi.’

 6 Ŵanthu akuzirwa kweniso ambula kuzirwa, wosi azamufwiya mucharu ichi.

9 “Pakuti Yehova wa mizinda, Chiuta waku Isirayeli wakamba kuti, ‘Mumalu yanga, mu mazuŵa nginu kweniso yimwi muchilereska, ndazamumalisa chiwawa cha kuzaya, chiwawa cha likondwa, mazu nga munthulumi mweneku wa nthengwa kweniso mazu nga mwali.’+

10 “Asani ŵanthu yaŵa waziŵakambiya mazu ngosi yanga, azakukufumba kuti, ‘Ntchifukwa wuli Yehova wakamba kuti watiwisiyengi soka likulu lenili? Kumbi tananganji kweniso tamubudiyanji Yehova Chiuta widu?’+ 11 Yiwi uziŵamuki kuti, ‘“Ntchifukwa chakuti apapi ŵinu akali angundijowo,”+ Yehova ndiyu wakamba, “ndipu alondonga achiuta anyaki, kuŵateŵete ndi kuŵasindamiya.+ Angundijowo ndipuso angusunga cha dangu langu.+ 12 Ndipu yimwi mwachita vinthu viheni ukongwa kuluska apapi ŵinu akali,+ weyosi waku yimwi wachita mtafu ndi kulondo mtima waki uheni, mumalu mwakundivwiya.+ 13 Mwaviyo, ndazakukutuzganimu mucharu ichi ndi kuluta namwi mucharu cho yimwi ndi apapi ŵinu akali mukuchiziŵapu cha,+ ndipu kweniko mwamuteŵete achiuta anyaki msana ndi usiku,+ chifukwa chakuti ndazakukuchitiyani lisungu cha.”’

14 “‘Kweni mazuŵa ngatuza,’ Yehova ndiyu wakamba, ‘po azamukamba so cha kuti: “Ndilapizga mu zina laku Yehova Chiuta wamoyu, yo wakutuzga Ayisirayeli mucharu cha Ijipiti!”+ 15 kweni azamukamba kuti: “Ndilapizga mu zina laku Yehova Chiuta wamoyu, yo wakutuzga Ayisirayeli mucharu cha kunkhondi* kweniso muvyaru vosi vo wanguŵambininiskiyaku!” ndipu ndazakuŵaweze mucharu chawu cho ndinguchipereka kwa apapi ŵawu akali.’+

17 Pakuti masu ngangu ngawona vosi vo achita.*

17 “Ubudi wa ŵanthu a ku Yuda walembeka ndi chakulembe chachisulu.

 4 Mwakukhumba kwaku, wazamutaya chihara cho ndikukupaska.+

Ndipu ukoliyengi mpaka muyaya.”

 5 Yehova wakamba kuti:

 6 Iyu wajengi nge chimiti cho che pakuchija muchipalamba.

 9 Mtima ngwakunyenga ukongwa kuluska chinthu chechosi ndipuso ngwakofya.*+

Ndiyani yo wangawuziŵa?

14 Yimwi Yehova, ndichizgeni, ndipu ndichizgikengi.

15 Awonani! Pe ŵanthu anyaki wo atindikambiya kuti:

“Nge pani mazu ngaku Yehova?+

Ngafiskiki, sonu viyo!”

17 Mungajanga chinthu chakofya cha kwaku ini.

Yimwi ndimwi malu ngangu ngakuthaŵiyaku mu zuŵa la soka.

19 Yehova wangundikambiya kuti: “Luta ndipu ukami pageti la ŵana a ŵanthu yaŵa, lo mafumu nga ku Yuda ngaseleriyapu ndi kutuliyapu, kweniso pamageti ngosi nga ku Yerusalemu.+ 20 Ukaŵakambiyi kuti, ‘Vwani mazu ngaku Yehova, yimwi mafumu nga ku Yuda, ŵanthu wosi a ku Yuda ndipuso ŵanthu wosi a mu Yerusalemu, wo asere pamageti yanga. 21 Yehova wakamba kuti: “Phweriyani, munganyamuwanga cha katundu weyosi pa zuŵa la Sabata pamwenga kuza nayu mu Yerusalemu kuziya pamageti ngaki.+ 22 Mungazanga ndi katundu weyosi cha kutuliya kunyumba zinu pa zuŵa la Sabata, ndipu mungagwiranga ntchitu yeyosi cha.+ Zuŵa la Sabata muliwonengi kuti ndakupaturika nge mo ndingulamuliya apapi ŵinu akali.+ 23 Kweni anguvwisiya cha pamwenga kukhazaku gutu lawu. Yiwu anguchita mtafu* ndipu angukana kundivwiya kweniso kulonde chilangu.”’+

24 “‘Yehova wakamba kuti: “Asani mundivwiyengi pa chechosi, ndipuso asani muserengi ndi katundu weyosi cha pamageti nga tawuni iyi pa zuŵa la Sabata, kweniso asani muwonengi kuti zuŵa la Sabata ndakupaturika mwa kuleka kugwira ntchitu yeyosi pa zuŵa ili,+ 25 mbwenu mafumu kweniso alongozgi akuzirwa wo aja pampandu waufumu waku Davidi+ azamusere mutawuni iyi kuziya pamageti ngaki. Azamusere akwera magaleta kweniso mahachi, yiwu ndi alongozgi ŵawu akuzirwa, ŵanthu a ku Yuda kweniso ŵanthu a mu Yerusalemu;+ ndipu mutawuni iyi mwazamuja ŵanthu mpaka muyaya. 26 Ndipu ŵanthu azamukuza kutuliya mumatawuni nga ku Yuda, kutuliya mumalu ngapafupi ndi Yerusalemu, kutuliya mucharu cha Benjamini,+ kutuliya muchidika,+ kutuliya muchigaŵa cha mapiri kweniso kutuliya muchigaŵa cha Negebu,* ndipu azamukuza ndi sembi zakupiriza zamphumphu,+ sembi zinyaki,+ sembi za mbewu,+ libani ndipuso sembi zakuwonga kunyumba yaku Yehova.+

27 “‘“Kweni asani mundivwiyengi cha ndipu mulekengi kuwona kuti zuŵa la Sabata ndakupaturika, kweniso asani munyamuwengi katundu ndi kusere nayu mu Yerusalemu kuziya pamageti ngaki pa zuŵa la Sabata, ndazamubuska mageti ngaki ndi motu. Motu wo wazamupiriza tinyumba takuthopoka takukho ta mu Yerusalemu+ ndipu wazamuzimwika cha.”’”+

18 Yehova wangukambiya Yeremiya kuti: 2 “Soka, sikiya kunyumba ya wakuwumba viŵiya+ ndipu ndamulongoro nawi kweniko.”

3 Mwaviyo, ndingusikiya kunyumba ya wakuwumba viŵiya ndipu iyu wawumbanga viŵiya pachakuwumbiyapu viŵiya. 4 Kweni chiŵiya cho wawumbanga chingunangika mu manja mwaki. Mwaviyo, wanguwumba chiŵiya chinyaki ndi dongu leniliya, nge mo mweneku wangukhumbiya.

5 Pavuli paki, Yehova wangundikambiya kuti: 6 “‘Nge mo wakuwumba viŵiya uyu wanguchitiya, kumbi ini ndingachita namwi viyo cha, yimwi a munyumba yaku Isirayeli?’ Yehova ndiyu wakamba. ‘Awonani! Nge dongu mu manja mwa wakuwumba, ndimu so yimwi muliri mu manja ngangu, yimwi a munyumba yaku Isirayeli.+ 7 Asani ndakamba kuti ndichesuwengi, ndiwisiyengi pasi ndipuso ndinangengi mtundu wa ŵanthu pamwenga ufumu,+ 8 ndipu mtundu wo waleka uheni waki wo ndinguwuchenya nawu, mbwenu ndisinthengi maŵanaŵanu ngangu pa soka lo ndakhumbanga kuwuwisiya.+ 9 Kweni asani ndakamba kuti ndizengengi kweniso kupanda mtundu wa ŵanthu pamwenga ufumu, 10 ndipu mtundu wo uchita vinthu viheni pa masu pangu, kweniso uvwiya cha mazu ngangu, mbwenu ndisinthengi maŵanaŵanu ngangu pa vinthu vamampha vo ndakhumbanga kuwuchitiya.’

11 “Sonu kambiya ŵanthu a ku Yuda kweniso ŵanthu a mu Yerusalemu kuti, ‘Yehova wakamba kuti: “Nditikunozgiyani* soka kweniso chiŵembu. Chondi, tuwaniku ku nthowa zinu ziheni ndipu sinthani nthowa zinu kweniso vo muchita.”’”+

12 Kweni yiwu angukamba kuti: “Vilivi kanthu!+ Pakuti tiyendiyengi maŵanaŵanu ngidu, ndipu weyosi waku isi, wachitengi vinthu mwakukoliyana ndi mtima waki unononu kweniso uheni.”+

13 Mwaviyo, Yehova wakamba kuti:

“Fumbani pakati pa mitundu ya ŵanthu.

Ndiyani yo wakuvwapu vinthu va nge venivi?

Mwali waku Isirayeli wachita chinthu chiheni ukongwa.+

14 Kumbi sinoo* wa ku Lebanoni wasongonoka mumajalawi nga mumapiri ngaki?

Pamwenga kumbi maji ngakuzizira ngakutuliya kutali ngamira?

15 Kweni ŵanthu ŵangu andiluwa.+

Munthu weyosi yo wazamujumpha pafupi wazakuchilereseska mwamantha ndi kupukunya mutu waki.+

17 Ndiŵambininiskengi pa masu pa arwani ŵawu nge mphepu ya kuvuma,*

Mu zuŵa la soka lawu, ndiŵalazgiyengi msana mumalu mwakuŵalazgiya chisku.”+

18 Ndipu yiwu angukamba kuti: “Zani, tiyeni timunozge chiŵembu Yeremiya,+ pakuti asembi ŵidu alutirizgengi kusambiza dangu, ŵanthu azeru alutirizgengi kupereka ulongozgi ndipuso achimi alutirizgengi kupereka uthenga waku Chiuta. Sonu zani, tiyeni tisuskani nayu* ndipu tingaŵikangaku maŵanaŵanu cha ku vo wakamba.”

20 Kumbi mbumampha kuweze chiheni pa chamampha?

Pakuti umoyu wangu awukumbiya mbuna.+

Awolu ŵawu aje vyoko ndipu ŵana ŵawu afwi.+

19 Yehova wangukamba kuti: “Luta ku wakuwumba viŵiya ndipu ukaguli msuku.+ Uto anyaki mwa ŵara a ŵanthu kweniso anyaki mwa ŵara ŵa asembi, 2 ndipu muluti ku Dambu la Mwana Waku Hinomu,+ pakhomu la Geti la Madinga. Ndipu penipo ukapharazgi mazu ngo nditikukambiya. 3 Ukakambi kuti, ‘Vwani mazu ngaku Yehova, yimwi mafumu nga mu Yuda ndipuso ŵanthu wo aja mu Yerusalemu. Yehova wa mizinda, Chiuta waku Isirayeli wakamba kuti:

“‘“Kwaja kamanavi kuti ndiwisi soka pamalu yanga, ndipu makutu nga munthu weyosi yo wavwengi vakukwaskana ndi soka lo, nganyenyengi. 4 Ndichitengi venivi chifukwa chakuti andijowo+ kweniso achitiska kuti malu yanga ngaleki kuziŵika.+ Mumalu ngenanga yiwu apereka sembi kwa achiuta anyaki, wo yiwu, apapi ŵawu akali kweniso mafumu nga ku Yuda akuŵaziŵapu cha, ndipu azaza malu ngenanga ndi ndopa za ŵanthu ambula kunanga.+ 5 Yiwu azenge Bala malu ngapachanya kuti awotchengi ŵana ŵawu pamotu nge sembi zakupiriza zamphumphu kwaku Bala,+ chinthu cho ndikuŵalamulapu cha pamwenga kuŵakambiya kweniso cho ndikuchiŵanaŵanapu cha mumtima mwangu.”’+

6 “‘“Mwaviyo, awonani! mazuŵa ngatuza,” Yehova ndiyu wakamba, “penipo malu yanga ngazamudanika so kuti Tofeti cha pamwenga Dambu la Mwana Waku Hinomu, kweni ngazamudanika kuti Dambu Lakubayiyaku Ŵanthu.+ 7 Ndazamutimbanyizga vo ŵanthu a ku Yuda kweniso ku Yerusalemu akhumba kuchita mumalu yanga, ndipu ndazakuŵabaya ndi lipanga pa masu pa arwani ŵawu kweniso azamubayika ndi ŵanthu wo akhumba kuŵabaya. Mathupi ngawu ndazakungapereka nge chakurya ku viyuni vamude kweniso ku vinyama va pacharu chapasi.+ 8 Ndipu ndazamusambusa tawuni iyi kuja chinthu chakuchitiska mantha kweniso cho ŵanthu azakuchimbiya khwelu. Munthu weyosi yo wazamujumpha pafupi wazakuyilereseska mwamantha ndipu wazakuyimbiya khwelu chifukwa cha milili yaki yosi.+ 9 Ndipu ndazamuchitiska kuti aryi ŵana ŵawu anthulumi kweniso ŵana ŵawu anthukazi, ndipu weyosi wazamukurya mnofu wa munyaki, chifukwa cha kuzingilizika kweniso kusoŵa chakuchita pa nyengu yo arwani ŵawu kweniso ŵanthu wo akhumba kuŵabaya azakuŵazingiliza.”’+

10 “Pavuli paki ukaswi msuku wo, pa masu pa anthulumi wo alutengi nawi, 11 ndipu ukaŵakambiyi kuti, ‘Yehova wa mizinda wakamba kuti: “Ndimu so ndiswiyengi ŵanthu yaŵa kweniso tawuni iyi, nge munthu yo watuswa chiyaŵi cha wakuwumba kuti chileki kunozgeka so; ndipu azamuŵika ŵanthu akufwa ku Tofeti mpaka po malu ngosi ngakuti aŵikeku ŵanthu ngamaliya.”’+

12 “Yehova wakamba kuti: ‘Venivi ndivu ndichitiyengi malu yanga kweniso ŵanthu wo ajamu, kuti tawuni iyi yije nge Tofeti. 13 Ndipu nyumba za mu Yerusalemu kweniso nyumba za mafumu nga ku Yuda zazamuja zakufipiskika nge malu yanga, nga Tofeti.+ Nyumba zosi zo pachanya paki aperekiyangapu sembi ku mzinda wakuchanya+ kweniso po apunguliyanga sembi za chakumwa kwa achiuta anyaki, zazamuja zakufipiskika.’”+

14 Yeremiya wati waweku ku Tofeti ko Yehova wangumutuma kuti wakakambi uchimi, wanguma mubalaza la nyumba yaku Yehova ndipu wangukambiya ŵanthu wosi kuti: 15 “Yehova wa mizinda, Chiuta waku Isirayeli wakamba kuti, ‘Ndiwisengi masoka patawuni iyi kweniso pamatawuni ngosi ngapafupi. Ndiwisengi masoka ngosi ngo ndingukamba kuti ndiŵawisiyengi chifukwa chakuti anguchita mtafu ndipu angukana* kuvwiya mazu ngangu.’”+

20 Sonu Pasuri mwana waku Ima, wasembi, yo so wenga wakuwonere mura wa nyumba yaku Yehova, wavwisiyanga Yeremiya wachikamba mauchimi ngenanga. 2 Pavuli paki, Pasuri wangupuma mchimi Yeremiya ndipu wangumumanga mumatangaza+ ngo ngenga ku Geti la Kunena Laku Benjamini, lo lenga pafupi ndi nyumba yaku Yehova. 3 Kweni mawa laki, Pasuri wati wafwatuwa Yeremiya mumatangaza, Yeremiya wangumukambiya kuti:

“Yehova wasintha zina laku, mumalu mwakukudana kuti Pasuri, wakudana zina lakuti, Chakuchitiska Mantha Peposi.+ 4 Pakuti Yehova wakamba kuti, ‘Ndikusambusengi chinthu chakofya kwaku wamweni, kweniso kwa abwezi ŵaku wosi, ndipu azamubayika ndi lipanga la arwani ŵawu yiwi uchilereska;+ ndazamupereka ŵanthu wosi a ku Yuda mu manja mwa fumu ya ku Babiloni, ndipu yazakuŵatole ku ukapolu ku Babiloni ndi kuŵabaya ndi lipanga.+ 5 Ndazamupereka chuma chosi cha tawuni iyi, katundu waki yosi, vinthu vaki vosi vakuzirwa ndipuso chuma chosi cha mafumu nga ku Yuda, mu manja mwa arwani ŵawu.+ Ndipu yiwu azamuphanga vinthu vo ndi kuvito kuluta navu ku Babiloni.+ 6 Kweni yiwi Pasuri ndi wosi wo aja munyumba yaku, mwazamutoleke ku ukapolu. Wazamuluta ku Babiloni ndi kuchifwiya kweniko ndipu wamuŵikika kweniko limoza ndi abwezi ŵaku, chifukwa chakuti waŵakambiya mauchimi ngaboza.’”+

 7 Mwandiziziswa, yimwi Yehova, ndipu ndazizwa.

Mwagwiriskiya ntchitu nthazi zinu paku ini ndipu mwaphara.+

Pakuti mazu ngaku Yehova ngachitiska kuti ndinyozekengi ndi kuchomboleka zuŵa losi lamphumphu.+

Yiwu akambanga kuti: “Muchenyeni; tiyeni timuchenyi!”

Munthu weyosi yo wandikhumbiyanga chimangu, wandilereskanga ŵaka ndichiwa, ndipu akambanga kuti:+

11 Kweni Yehova wenga ndi ini nge chinkhara chakofya.+

Ndichu chifukwa chaki wo atinditombozga azamuguŵa kweniso azakundithereska cha.+

Yiwu azamulengeseka ukongwa, pakuti vinthu vazakuŵayende umampha cha.

Kulengeseka kwawu kwamuyaya kwazamuluwika cha.+

13 Mbiyani Yehova! Thamikani Yehova!

Pakuti wataska munthu mukavu mu manja mwa ŵanthu wo achita vinthu viheni.

14 Litembeki zuŵa lo ndingubalikiya!

Zuŵa lo ama angundibala lingatumbikikanga cha!+

15 Watembeki munthu yo wanguza ndi uthenga wamampha kwa ada wakuti:

“Muwolu winu wakubaliyani mwana munthulumi, mnyamata!”

Vo vinguchitiska kuti yiwu akondwi ukongwa.

16 Munthu mwenuyu, waje nge matawuni ngo Yehova wangungabwanganduwa kwambula kungachitiya lisungu.

Iyu wavwi kuliya ndi mlenji kweniso chiwawa chakutcheŵeska msana pakati.

21 Yehova wangulongoro ndi Yeremiya pa nyengu yo Fumu Zedekiya,+ yingutuma Pasuri+ mwana waku Malikiya ndipuso Zefaniya+ mwana waku Maseya, wasembi kwaku Yeremiya kuti akamupemphi kuti: 2 “Tifumbiyi kwaku Yehova, chifukwa Fumu Nebukadinezara* ya ku Babiloni yikhumba kuchita nasi nkhondu.+ Panyaki Yehova watichitiyengi chakuziziswa, kuti Nebukadinezara watileki.”+

3 Yeremiya wanguŵakambiya kuti: “Zedekiya mukamukambiyi kuti, 4 ‘Yehova, Chiuta waku Isirayeli wakamba kuti: “Awonani! Ndichitiskengi kuti vidya vankhondu vo ve mu manja mwinu, vikung’anamukiyeni, vidya vo muchitiyengi nkhondu ndi fumu ya ku Babiloni+ ndi Akadiya wo akuzingilizani kubwalu kwa mpanda. Ndipu ndiŵawunganisiyengi pakati pa tawuni iyi. 5 Ini ndichitengi namwi nkhondu+ ndi janja langu lakutambasuka, janja lanthazi, ndi kukwiya, kufya mtima kweniso ndi ukali ukulu.+ 6 Ndipumengi ŵanthu wo aja mutawuni iyi, ŵanthu kweniso nyama. Yiwu afwengi ndi mulili wakofya.”’*+

7 “‘Yehova wakamba kuti: “Pavuli paki, Fumu Zedekiya ya ku Yuda, ateŵeti ŵaki wosi ndipuso ŵanthu a mutawuni iyi, wo apona ku mulili, lipanga ndipuso nja, ndazakuŵapereka mu manja mwa Fumu Nebukadinezara ya ku Babiloni, mu manja mwa arwani ŵawu, kweniso mu manja mwa ŵanthu wo akhumba kuŵabaya.+ Iyu wazakuŵabaya ndi lipanga. Wazakuŵachitiya chitima cha, wazakuŵalongo wezi cha ndipuso wazakuŵalenge lisungu cha.”’+

8 “Ndipu ŵanthu yaŵa ukaŵakambiyi kuti, ‘Yehova wakamba kuti: “Awonani ndiŵika nthowa ya umoyu kweniso nthowa ya nyifwa pa masu pinu. 9 Yo walutirizgengi kuja mu tawuni iyi, wafwengi ndi lipanga, nja kweniso mulili. Kweni yo watuwengi ndi kujipereka kwa Akadiya wo akuzingilizani walutirizgengi kuja ndi umoyu, ndipu walondiyengi umoyu waki nge vinthu vakuphangika ku nkhondu.”’*+

10 “‘“Pakuti ndasimikiza mtima kuti tawuni iyi ndiyiwisiyengi soka, vinthu vamampha cha,”+ Yehova ndiyu wakamba. “Yiperekekengi mu manja mwa fumu ya ku Babiloni,+ ndipu wayiwotchengi ndi motu.”+

11 “‘Ukambiyi a munyumba ya fumu ya ku Yuda kuti: Vwisiyani mazu ngaku Yehova. 12 Yimwi a munyumba yaku Davidi, Yehova wakamba kuti:

‘Kweni yimwi mukamba kuti: “Ndiyani yo wasikengi kuti wazitilangi?

Ndipu ndiyani yo waserengi munyumba zidu?”

22 Yehova wakamba kuti: “Sikiya kunyumba* ya fumu ya ku Yuda, ndipu ukakambi uthenga uwu. 2 Ukakambi kuti, ‘Vwani mazu ngaku Yehova, yimwi fumu ya ku Yuda yo ye pampandu waufumu waku Davidi, yimwi, ateŵeti ŵinu kweniso ŵanthu ŵinu, wo asere pamageti yanga. 3 Yehova wakamba kuti: “Muperekengi cheruzgu chakunyoloka kweniso muchitengi vinthu mwaurunji. Taskani munthu yo ŵanthu akuba mwachinyengu akhumba kumubiya. Alendu mungaŵachitiyanga nkhaza cha, ŵana alanda kweniso vyoko mungaŵapwetekanga cha.+ Mungadiranga cha ndopa zambula kunanga mumalu yanga.+ 4 Pakuti asani muyesesengi kuvwiya mazu yanga, mafumu ngo ngaja pampandu waufumu waku Davidi+ ngaserengi pamageti nga nyumba iyi ngakwera magaleta kweniso mahachi, limoza ndi ateŵeti ŵawu kweniso ŵanthu ŵawu.”’+

5 “‘Kweni asani muvwiyengi cha mazu yanga, ndilapizga mu zina langu,’ Yehova ndiyu wakamba, ‘kuti nyumba iyi yibwangandulikengi.’+

8 “‘Mitundu yinandi ya ŵanthu yazamujumpha pafupi ndi tawuni iyi ndipu azamufumbana kuti: “Ntchifukwa wuli Yehova wachitiya tawuni yikulu iyi vinthu venivi?”+ 9 Ndipu yiwu azamumukana kuti: “Chifukwa chakuti angujowo phanganu laku Yehova Chiuta wawu ndipu angusindamiya achiuta anyaki ndi kuŵateŵete.”’+

11 “Pakuti ivi ndivu Yehova wakamba vakukwaskana ndi Shalumu*+ mwana waku Yosiya, fumu ya ku Yuda, yo walamuliya mumalu mwa awisi a Yosiya+ ndipuso yo watuwamu mumalu yanga kuti: ‘Iyu wazamuweriyamu so cha. 12 Pakuti wamufwiya ku ukapolu, ndipu wazakuchiwona so cha charu ichi.’+

15 Kumbi ulutirizgengi kulamuliya chifukwa chakuti ugwiriskiya ntchitu ukongwa vimiti va sidara kuluska ŵanthu anyaki?

‘Asi kwenuku ndiku kundiziŵa?’ Yehova ndiyu wakamba.

“Kotu mubali wangu! Kotu mzichi wangu!”

Azakumuliya cha kuti:

“Kotu ambuya! Kotu wakutumbikika!”

21 Ndingulongoro nawi pa nyengu yo wawonanga kuti we wakuvikilirika.

Kweni ungukamba kuti, ‘Ndivwiyengi cha.’+

Pavuli paki, vazamuchita soni ndi kulengeseka chifukwa cha soka laku losi.

24 “‘Nge mo ini ndiliri wamoyu,’ Yehova ndiyu wakamba, ‘chinanga yiwi Koniya,*+ mwana waku Yehoyakimu,+ fumu ya ku Yuda, ungaŵa mpheti yakudindiya kujanja langu lamaryi, ndikutuzgengeku mbwenu! 25 Ndazakukupereka mu manja mwa ŵanthu wo akhumba kukubaya, mu manja mwa ŵanthu wo utopa, mu manja mwa fumu Nebukadinezara* ya ku Babiloni ndipuso mu manja mwa Akadiya.+ 26 Ndipu yiwi ndi anyoku wo akukubala ndazakukuponyani mucharu chinyaki cho mukuwiyamu cha, ndipu mwamufwiya mwenimo. 27 Ndipu azamuweriyaku cha kucharu cho akhumbira kuweriyaku.+

29 Yiwi charu chapasi, charu chapasi, charu chapasi, yivwa mazu ngaku Yehova.

30 Yehova wakamba kuti:

23 “Soka aliska wo ananga ndi kumbininiska mbereri zo ndiphwere!” Yehova ndiyu wakamba.+

2 Mwaviyo, ivi ndivu Yehova Chiuta waku Isirayeli wakambiya aliska wo aphwere ŵanthu ŵangu: “Mwambininiska mbereri zangu; mulutirizga kuziparanya, ndipuso mutiziphwere cha.”+

“Mwaviyo, ndikulangeningi chifukwa cha vinthu viheni vo muchita,” Yehova ndiyu wakamba.

3 “Pavuli paki, ndazamuwunganisa mbereri zangu zakujaku kutuliya kuvyaru vosi vo ndinguzimbininiskiyaku,+ ndazakuziweze kumalu ngaki ngakuryiyaku,+ ndipu zazamubalana ndi kuyandana.+ 4 Ndipu ndazakuziyuskiya aliska wo azakuziphwere nadi.+ Zazamuwopa so cha pamwenga kuchita mantha ndipu palivi yo yazamusoŵa,” Yehova ndiyu wakamba.

5 “Awonani! Mazuŵa ngatuza,” Yehova ndiyu wakamba, “po ndazamuyuskiya Davidi mphukira yaurunji.*+ Ndipu fumu yazamulamuliya,+ yazamulongo kuti yivwisa vinthu, yazamupereka cheruzgu chakunyoloka kweniso yazamuchita vinthu mwaurunji mucharu.+ 6 Mu mazuŵa nga fumu yo, Yuda wazamutaskika+ ndipu Isirayeli wazamuja mwakuvikilirika.+ Ndipu yazamudanika zina lakuti: Yehova Mburunji Widu.”+

7 “Kweni mazuŵa ngatuza,” Yehova ndiyu wakamba, “po azamukamba so cha kuti, ‘Ndilapizga mu zina laku Yehova Chiuta wamoyu, yo wakutuzga Ayisirayeli mucharu cha Ijipiti!’+ 8 kweni azamukamba kuti, ‘Ndilapizga mu zina laku Yehova Chiuta wamoyu, yo wakutuzga ŵana ŵa Ayisirayeli mucharu cha kunkhondi* kweniso muvyaru vosi vo ndinguŵambininiskiyamu,’ ndi kuŵaweze mucharu chawu, ndipu azamuja mwenimo.”+

9 Ukambi vakukwaskana ndi achimi, kuti:

Mtima wangu wasweka mukati mwangu.

Viwanga vangu vosi visukunyika.

Yiwu achita vinthu viheni ndipuso mazaza ngawu atingagwiriskiya ntchitu uheni.

11 “Achimi kweniso asembi anangika.*+

Uheni wawu ndawusaniya chinanga ndi munyumba yangu,”+ Yehova ndiyu wakamba.

13 “Ndipu mwa achimi a ku Samariya+ ndawonamu vinthu vakuseruska.

14 Mwa achimi a ku Yerusalemu ndawonamu vinthu vaukazuzi.

15 Mwaviyo, ivi ndivu Yehova wa mizinda wakamba vakukwaskana ndi achimi:

Chifukwa achimi a mu Yerusalemu achitiska kuti kugaruka kusapaliyi mucharu chosi.”

16 Yehova wa mizinda wakamba kuti:

“Kuvwiya cha mazu ngo achimi atikukambiyani.+

Yiwu atikupusikani.*

Ndiyani yo wakhazaku gutu kuti wavwi mazu ngaki?

Mwazamuvwisa umampha vinthu venivi mu mazuŵa ngakumaliya.

21 Achimi ndinguŵatumapu cha, kweni angutchimbiya.

Ndingulongoro nawu cha kweni angukamba mauchimi.+

23 “Kumbi nde Chiuta asani nde pafupi pe,” Yehova ndiyu wakamba, “asi nde so Chiuta asani nde patali?”

24 “Kumbi munthu wangabisama pamalu ngakubisika po ndingaleka kumuwona?”+ Yehova ndiyu wakamba.

“Asi ndizaza kuchanya kweniso charu chapasi?”+ Yehova ndiyu wakamba.

25 “Ndavwa achimi wo akamba mauchimi ngaboza mu zina langu achikamba kuti, ‘Ndalota malotu! Ndalota malotu!’+ 26 Kumbi venivi vilutiriyengi mpaka zuŵanji mumitima ya achimi kuti akambengi mauchimi ngaboza? Yiwu mbachimi wo akamba mauchimi ngaboza nga mumtima mwawu.+ 27 Yiwu akhumba kuti ŵanthu ŵangu aluwi zina langu chifukwa cha malotu ngo akonkhoskiyana, nge mo apapi ŵawu anguluwiya zina langu chifukwa chaku Bala.+ 28 Mchimi yo walota malotu wakambi malotu ngaki, kweni yo we ndi mazu ngangu wakambi mazu ngangu mwauneneska.”

“Kumbi phesi liyanana ndi tirigu?” Yehova ndiyu wakamba.

29 “Asi mazu ngangu nge nge motu,”+ Yehova ndiyu wakamba, “kweniso nge nge nyundu yo yituswa jalawi?”+

30 Mwaviyo, Yehova wakamba kuti: “Ndisuskengi achimi wo abiyana mazu ngangu.”+

31 Yehova wakamba kuti: “Ndisuskengi achimi wo ndi lilimi lawu akamba kuti, ‘Iyu wakamba!’”+

32 Yehova wakamba kuti: “Ndisuskengi achimi wo akamba malotu ngaboza, wo atingakonkhoska ndi kulandizga ŵanthu ŵangu chifukwa cha maboza ngawu kweniso kujikuzga kwawu.”+

“Kweni ndinguŵatuma cha pamwenga kuŵalamula. Mwaviyo aŵawovyengi cha ŵanthu yaŵa chinanga nkhamanavi,”+ Yehova ndiyu wakamba.

33 “Asani ŵanthu yaŵa, mchimi pamwenga wasembi, atikufumba kuti, ‘Kumbi mphingu yaku* Yehova ntchinthu wuli?’ uŵamuki kuti, ‘“Yimwi ndimwi mphingu! Ndipu ndikutayeningi,”+ Yehova ndiyu wakamba.’ 34 Kweni asani mchimi, wasembi pamwenga munthu munyaki wakamba kuti, ‘Iyi ndi mphingu yaku* Yehova!’ Nding’anamukiyengi munthu yo kweniso a munyumba yaki. 35 Weyosi waku yimwi wafumba munyaki ndipuso mubali waki kuti, ‘Yehova wamukanji? Kweniso Yehova wakambanji?’ 36 Kweni mungazumbuwanga so mphingu yaku Yehova cha pakuti mazu nga munthu weyosi ndi mphingu, ndipu mwasintha mazu ngaku Chiuta wamoyu, Yehova wa mizinda, Chiuta widu.

37 “Achimi uŵakambiyi kuti, ‘Kumbi Yehova wakumukani kuti wuli? Ndipuso kumbi Yehova wakambanji? 38 Ndipu asani mulutirizga kukamba kuti, “Mphingu yaku Yehova!” Yehova wakamba kuti: “Chifukwa chakuti mukamba kuti, ‘Mazu yanga ndi mphingu yaku Yehova,’ chinanga kuti ndakukambiyani kali kuti, ‘Mungakambanga cha kuti: “Mphingu yaku Yehova!”’ 39 awonani! ndazakukunyamuliyani muchanya ndi kukuponyani kutali kuti mutuwepu pa masu pangu, yimwi ndipuso tawuni yo ndikuyipereka kwaku yimwi kweniso kwa apapi ŵinu akali. 40 Ndipu ndazakukupaskani chilengesu chambula kumala kweniso soni zambula kumala, vo vazamuluwika cha.”’”+

24 Pavuli paki, Yehova wangundilongo sokola ziŵi za vipasu va mkuyu zo zenga panthazi pa nyumba yakusopiyamu yaku Yehova, Fumu Nebukadinezara* ya ku Babiloni yati yatole ku ukapolu Yekoniya,*+ mwana waku Yehoyakimu,+ fumu ya ku Yuda, limoza ndi alongozgi akuzirwa a ku Yuda, ŵanthu alusu ndipuso akusula visulu.* Yinguŵato ku Yerusalemu ndi kuluta nawu ku Babiloni.+ 2 Musokola yimoza mwenga vipasu va mkuyu vamampha ukongwa, nge vipasu vakwamba kucha, kweni musokola yinyaki mwenga vipasu va mkuyu viheni ukongwa, venga viheni ukongwa vakuti vingaryika cha.

3 Pavuli paki, Yehova wangundifumba kuti: “Yeremiya, kumbi uwonanji?” Ini ndingumuka kuti: “Ndiwona vipasu va mkuyu. Vipasu vamampha va mkuyu, vamampha ukongwa. Kweni vipasu viheni va mkuyu, viheni ukongwa. Viheni ukongwa ndipu vingaryika cha.”+

4 Pavuli paki, Yehova wangundikambiya kuti: 5 “Yehova, Chiuta waku Isirayeli wakamba kuti, ‘Ŵanthu a ku Yuda wo atoleke ku ukapolu, wo ndaŵatuzgamu mucharu ichi ndi kuluta nawu mucharu cha Akadiya, ndiŵawonengi nge vipasu vamampha va mkuyu. 6 Masu ngangu ngaŵengi paku yiwu kuti ndiŵachitiyi vinthu vamampha ndipu ndazakuŵaweze mucharu ichi.+ Ndazakuŵazenga, ndazakuŵapapasuwa cha; ndazakuŵapanda, ndazakuŵachesuwa cha.+ 7 Ndipu ndazakuŵapaska mtima wakuti andiziŵi, kuti ndini Yehova.+ Azamuja ŵanthu ŵangu ndipu ini ndazamuja Chiuta wawu,+ pakuti azamuwere kwaku ini ndi mtima wawu wosi.+

8 “‘Pa nkhani ya vipasu va mkuyu vo viheni ukongwa vakuti vingaryika cha,+ Yehova wakamba kuti: “Ndimu so ndiwoniyengi Fumu Zedekiya+ ya ku Yuda, alongozgi ŵaki akuzirwa, ŵanthu a mu Yerusalemu wo apona, wo ŵeche mucharu ichi ndipuso wo aja mucharu cha Ijipiti.+ 9 Ndazakuŵasambusa chinthu chakuchitiska mantha kweniso soka ku maufumu ngosi nga pacharu chapasi.+ Mumalu ngosi ngo ndaŵambininiskiyamu, ŵanthu azakuŵanyoza,+ azakuŵazumbuwa mu nthanthi zawu, azakuŵanena ndipuso azamuja akutembeka.+ 10 Ndipu ndazakuŵatumiya lipanga,+ nja kweniso milili*+ mpaka po amaliya limu mucharu cho ndikuchipereka kwaku yiwu kweniso kwa apapi ŵawu akali.”’”

25 Yanga ndi mazu ngakukwaskana ndi ŵanthu wosi a ku Yuda, ngo nganguza kwaku Yeremiya mu chaka chachinayi cha ulamuliru waku Yehoyakimu+ mwana waku Yosiya, fumu ya ku Yuda, cho chenga chaka chakwamba cha ulamuliru waku Nebukadinezara,* fumu ya ku Babiloni. 2 Ivi ndivu Yeremiya mchimi wangukamba vakukwaskana ndi* ŵanthu wosi a ku Yuda kweniso ŵanthu wosi wo aja ku Yerusalemu:

3 “Kwambiya mu chaka cha 13 cha ulamuliru waku Yosiya+ mwana waku Amoni, fumu ya ku Yuda mpaka msanawale, kwa vyaka 23 venivi, Yehova waja wachilongoro nani, ndipu ndakukambiyaningi mwakuwerezawereza* kweni mwavwisiyanga cha.+ 4 Ndipu Yehova wakutumiyaningi ateŵeti ŵaki wosi achimi, waŵatumanga mwakuwerezawereza,* kweni mwavwisiyanga cha pamwenga kukhazaku gutu linu kuti muvwi.+ 5 Yiwu akambanga kuti, ‘Chondi, tuwaniku ku nthowa zinu ziheni ndipuso ku vinthu viheni vo muchita;+ asani muchitengi viyo mujengi kwa nyengu yitali mucharu cho Yehova wakuchipereka kali ukongwa kwaku yimwi kweniso kwa apapi ŵinu akali. 6 Mungalondonga achiuta anyaki cha, kuŵateŵete ndi kuŵasindamiya, ndipuso mungandikwiyisanga cha ndi ntchitu za manja nginu; asani muchitengi viyo, ndikuwisiyeningi soka.’

7 “‘Kweni mwandivwiyanga cha,’ Yehova ndiyu wakamba. ‘Mumalu mwaki, mwandikwiyisanga ndi ntchitu za manja nginu ndi kujidaniya soka.’+

8 “Mwaviyo, Yehova wa mizinda wakamba kuti: ‘“Chifukwa chakuti munguvwiya cha mazu ngangu, 9 ndidana mabanja ngosi nga kunkhondi,”*+ Yehova ndiyu wakamba, “ndidana Nebukadinezara fumu ya ku Babiloni, mteŵeti wangu,+ ndipu ndiŵatumengi kuti ayukiyi charu ichi,+ ŵanthu wo ajamu kweniso mitundu yosi yapafupi.+ Ndikunangeningi limoza ndi mitundu yeniyi ndipu ndikusambuseningi chinthu chakuchitiska mantha, chinthu chakuchimbiya khwelu kweniso mahami ngamuyaya. 10 Ndazamumalisa chiwawa cha kuzaya, chiwawa cha likondwa pakati pawu,+ mazu nga munthulumi mweneku wa nthengwa, mazu nga mwali,+ chiwawa cha pachakuperiyapu kweniso ndazamuzimwa ukweru wa nyali. 11 Charu chosi ichi chazamusambuka mahami kweniso chinthu chakuchitiska mantha, ndipu mitundu iyi yazamuteŵete fumu ya ku Babiloni kwa vyaka 70.”’+

12 “‘Kweni asani vyaka 70 vazikwana,+ ndazamukumba mulandu* fumu ya ku Babiloni ndipuso charu chaki chifukwa cha kunanga kwawu,’+ Yehova ndiyu wakamba, ‘ndazamuchitiska kuti charu cha Akadiya chije mahami mpaka muyaya.+ 13 Ndifiskengi mazu ngangu ngosi ngo ndingukamba ngakukwaskana ndi charu chenichi, vosi vo vikulembeka mubuku ili vo Yeremiya wangukambiya limu kuti vichitikiyengi mitundu yosi. 14 Pakuti mitundu yinandi ndipuso mafumu nganthazi+ ngazakuŵasambusa akapolu+ ndipu ndazakuŵaweze mwakukoliyana ndi vakuchita vawu kweniso ntchitu za manja ngawu.’”+

15 Pakuti Yehova Chiuta waku Isirayeli wangundikambiya kuti: “Uto kapu iyi ya vinyu wa ukali ku janja langu, ndipu ukamwisi mitundu yosi yo ndikutumengeku. 16 Yiwu amukumwa ndi kumbendyambendya kweniso kuchita vinthu nge ŵanthu akufuntha chifukwa cha lipanga lo nditiŵatumiya.”+

17 Mwaviyo, ndinguto kapu ku janja laku Yehova ndipu ndingumwisa mitundu yosi yo Yehova wangunditumaku:+ 18 kwambiya Yerusalemu kweniso matawuni nga Yuda,+ mafumu ngaki ndi alongozgi ŵaki akuzirwa kuti visambuki mahami, chinthu chakuchitiska mantha, chinthu chakuchimbiya khwelu kweniso kuti vitembeki+ nge mo viliri msanawale; 19 pavuli paki, Farawo fumu ya ku Ijipiti ndi ateŵeti ŵaki, alongozgi ŵaki akuzirwa ndi ŵanthu ŵaki wosi,+ 20 kweniso ŵanthu akupambanapambana; mafumu ngosi nga mucharu cha Uzi; mafumu ngosi nga mucharu cha Afilisiti,+ Ashikeloni,+ Gaza, Ekironi kweniso ŵanthu a ku Ashidodi wo akujaku; 21 Edomu,+ Mowabu+ ndipuso Aamoni;+ 22 mafumu ngosi nga ku Turo, mafumu ngosi nga ku Sidoni+ ndipuso mafumu nga muvirwa* va munyanja; 23 Dedani,+ Tema, Bazi kweniso ŵanthu wosi wo akucheketereza mwembi wawu wa mumbulukutu;+ 24 mafumu ngosi nga ŵanthu a ku Arebiya+ ndipuso mafumu ngosi nga ŵanthu akupambanapambana wo aja muchipululu; 25 mafumu ngosi nga ku Zimuri, mafumu ngosi nga ku Elamu+ ndi mafumu ngosi nga Amedi;+ 26 kweniso mafumu ngosi nga kunkhondi,* ngakutali ndipuso ngapafupi, yumozayumoza, kweniso maufumu ngosi nga pacharu chapasi; ndipu fumu ya ku Sheshaki*+ yazamukumwa pavuli pa mafumu ngosi ngenanga.

27 “Ndipu uŵakambiyi kuti, ‘Yehova wa mizinda, Chiuta waku Isirayeli wakamba kuti: “Mwani ndi kuloŵe, wukuwani ndi kuwa pasi kuti muleki kuyuka+ chifukwa cha lipanga lo nditikutumiyani.”’ 28 Ndipu asani akana kuto kapu ku janja laku, uŵakambiyi kuti, ‘Yehova wa mizinda wakamba kuti: “Mutenere kumwa! 29 Pakuti awonani! Asani ndiyambengi kuwisiya soka pa tawuni yo yidanika ndi zina langu,+ kumbi yimwi mutenere cha kulangika?”’+

“‘Mulekengi cha kulangika pakuti ndidana lipanga kuti liyukiyi ŵanthu wosi wo aja pacharu chapasi,’ Yehova wa mizinda ndiyu wakamba.

Iyu wabanguliyengi malu ngaki ngakujaku.

Iyu wayeruzgengi ŵanthu wosi.+

Ndipu ŵanthu aheni waŵabayengi ndi lipanga,’ Yehova ndiyu wakamba.

32 Yehova wa mizinda wakamba kuti:

33 “‘Ndipu mu zuŵa lo, mathupi nga ŵanthu wo azamubayika ndi Yehova ngazamutuwa kuchigoti chinyaki kufika kuchigoti chinyaki cha charu chapasi. Ŵanthu azakuŵaliya cha ndipu mathupi ngawu ngazamuwunjikika cha pamwenga kuŵikika mudindi. Ngazamuja nge manyowa pacharu chapasi.’

34 Liyani, yimwi aliska, liyani ukongwa!

26 Kukwamba kwa ulamuliru waku Yehoyakimu+ mwana waku Yosiya, fumu yaku Yuda, Yehova wangukamba mazu ngakuti: 2 “Yehova wakamba kuti, ‘Umi mubalaza la nyumba yaku Yehova ndipu ukambi vakukwaskana ndi* ŵanthu wosi a mumatawuni nga ku Yuda wo atuza kuzisopa* pa nyumba yaku Yehova. Uŵakambiyi chechosi cho ndikulamulengi, ungalekangaku chinanga ndi mazu ngamoza cha. 3 Panyaki amuvwisiya ndi kutuwaku ku nthowa zawu ziheni, ndipu ndisinthengi maŵanaŵanu ngangu pa* soka lo ndakhumbanga kuŵawisiya chifukwa cha vinthu viheni vo achita.+ 4 Uŵakambiyi kuti: “Yehova wakamba kuti, ‘Asani mundivwiyengi cha ndi kuleka kulondo dangu lo ndaŵika pa masu pinu, 5 ndipuso asani mulekengi kuvwiya mazu nga ateŵeti ŵangu achimi, wo nditikutumiyani mwakuwerezawereza,* wo mutiŵavwiya cha,+ 6 mbwenu ndichitiskengi kuti nyumba iyi yije nge Shilo,+ ndipu tawuni iyi ndiyisambusengi chinthu chakutembe ku mitundu yosi ya pacharu chapasi.’”’”+

7 Asembi, achimi kweniso ŵanthu wosi anguvwa Yeremiya wachikamba mazu ngenanga munyumba yaku Yehova.+ 8 Yeremiya wati wamaliza kukamba mazu ngosi ngo Yehova wangumulamula kuti wakambiyi ŵanthu wosi, pavuli paki asembi, achimi kweniso ŵanthu wosi angumuko ndipu angukamba kuti: “Ufwengi kwambula kutondeka. 9 Ntchifukwa wuli wakamba uchimi mu zina laku Yehova kuti, ‘Nyumba iyi yijengi nge Shilo, ndipuso kuti tawuni iyi yibwangandulikengi ndipu yijengi yambula ŵanthu’?” Ŵanthu wosi angumuwumbiriya Yeremiya munyumba yaku Yehova.

10 Alongozgi a ku Yuda ŵati avwa mazu ngenanga, angukwere kunyumba yaku Yehova kutuliya kunyumba ya fumu ndipu anguja pasi pakhomu la geti lifya laku Yehova.+ 11 Asembi kweniso achimi angukambiya alongozgi kweniso ŵanthu wosi kuti: “Munthu uyu watenere kupaskika chilangu cha nyifwa,+ chifukwa chakuti wakamba vinthu viheni vo vichitikiyengi tawuni iyi nge mo namwi mwavwiya ndi makutu nginu.”+

12 Pavuli paki, Yeremiya wangukambiya alongozgi wosi kweniso ŵanthu wosi kuti: “Yehova ndiyu wandituma kuti ndikambi mazu ngosi ngo mwavwa ngakukwaskana ndi vinthu vo vichitikiyengi nyumba iyi kweniso tawuni iyi.+ 13 Mwaviyo, sinthani nthowa zinu kweniso vakuchita vinu ndipu vwiyani mazu ngaku Yehova Chiuta winu, ndipu Yehova wasinthengi maŵanaŵanu ngaki pa* soka lo wakhumbanga kukuwisiyani.+ 14 Kweni ini nde mu manja mwinu. Chitani nani chechosi cho muwona kuti ntchamampha kweniso ntchakwenere mu masu mwinu. 15 Kweni ziŵani kuti asani mwandibaya, yimwi, tawuni iyi ndipuso ŵanthu wo ajamu, muŵengi ndi mulandu wakudira ndopa zambula kunanga, pakuti ndineneska kuti Yehova ndiyu wandituma kuti ndikukambiyeni mazu ngosi ngo mwavwa.”

16 Pavuli paki, alongozgi ndipuso ŵanthu wosi angukambiya asembi ndipuso achimi kuti: “Munthu uyu watenere kupaskika chilangu cha nyifwa cha, pakuti wakamba nasi mu zina laku Yehova Chiuta widu.”

17 Kweniso, ŵara ŵa mucharu cho angusoka ndi kwamba kukambiya mpingu wosi kuti: 18 “Mika+ wa ku Moresheti wakambanga mauchimi mu mazuŵa nga Fumu Hezekiya+ ya ku Yuda, ndipu wangukambiya ŵanthu wosi a ku Yuda kuti, ‘Yehova wa mizinda wakamba kuti:

19 “Kumbi Fumu Hezekiya ya ku Yuda ndipuso ŵanthu wosi a ku Yuda, angumubaya? Asi wangopa Yehova ndi kupempha kuti Yehova waŵachitiyi lisungu,* mwakuti Yehova wangusintha maŵanaŵanu ngaki pa* soka lo wangukamba kuti waŵawisiyengi?+ Mwaviyo, tijidaniyengi soka likulu.

20 “Ndipuso kwenga munthu munyaki yo wakambanga mauchimi mu zina laku Yehova, zina laki lenga Uriya mwana waku Shemaya wa ku Kiriyati-yearimu.+ Iyu wangukamba mazu ngakuyanana ndi ngaku Yeremiya, nga vinthu vo vichitikiyengi tawuni iyi kweniso charu ichi. 21 Fumu Yehoyakimu,+ ŵanthu ŵaki wosi anthazi kweniso alongozgi wosi, anguvwa mazu ngo wangukamba, ndipu fumu yapenjanga kumubaya.+ Uriya wati wavwa venivi, wanguchita mantha ndipu wanguthaŵiya ku Ijipiti. 22 Pavuli paki, Fumu Yehoyakimu, yingutuma Elinatani+ mwana waku Akibori ndi ŵanthu anyaki kuti aluti ku Ijipiti. 23 Yiwu anguto Uriya ku Ijipiti ndi kuchimupereka kwa Fumu Yehoyakimu, ndipu yingumubaya ndi lipanga+ ndi kutaya thupi laki mumasanu nga ŵanthu bweka.”

24 Kweni Ahikamu+ mwana waku Shafani+ wanguvikiliya Yeremiya, mwakuti wanguperekeka cha mu manja mwa ŵanthu kuti amubayi.+

27 Kukwamba kwa ulamuliru waku Yehoyakimu mwana waku Yosiya, fumu ya ku Yuda, Yehova wangulongoro ndi Yeremiya. 2 Pavuli paki, Yeremiya wangukambiya ŵanthu kuti: “Yehova wandikambiya kuti, ‘Upangi vingwi kweniso magoli, ndipu ujivwaliki mukhosi. 3 Pavuli paki ungatumizi kwa fumu ya ku Edomu,+ fumu ya ku Mowabu,+ fumu ya Aamoni,+ fumu ya ku Turo+ kweniso kwa fumu ya ku Sidoni.+ Upaski mathenga ngo ngaza ku Yerusalemu kwaku Zedekiya fumu ya ku Yuda. 4 Uŵalamuli kuti akakambiyi ambuyawu kuti:

“‘“Yehova wa mizinda, Chiuta waku Isirayeli wakamba kuti mukakambiyi ambuyamwi kuti, 5 ‘Ini ndini ndikupanga charu chapasi, ŵanthu ndi vinyama va pacharu chapasi mwakugwiriskiya ntchitu nthazi zangu zikulu kweniso janja langu lakutambasuka; ndipu charu cho, nditichipereka kwaku weyosi yo ndakhumba.*+ 6 Mwaviyo, ndapereka vyaru vosi ivi kwa mteŵeti wangu Nebukadinezara,+ fumu ya ku Babiloni; ndamupaska chinanga ndi vinyama vamudondu kuti vimuteŵetiyengi. 7 Mitundu yosi ya ŵanthu yazamuteŵete iyu, mwana waki kweniso mzuku waki mpaka po nyengu yakuti ufumu waki umaliyi yazikwaniya,+ po mitundu yinandi ya ŵanthu ndipuso mafumu nganthazi, azakumusambusa kapolu.’+

8 “‘“‘Asani mtundu pamwenga ufumu ukana kuteŵete Nebukadinezara fumu ya ku Babiloni ndipuso ukana kusereza khosi laki mu goli la fumu ya ku Babiloni, ndazamulanga mtundu weniwo ndi lipanga,+ nja kweniso mulili,’* Yehova ndiyu wakamba, ‘mpaka po ndawumaliya limu ndi janja laki.’

9 “‘“‘Mwaviyo, mungavwiyanga achimi ŵinu cha, akuloska vamunthazi, akulota malotu, akuchita masenga kweniso akuwombeza, wo atikukambiyani kuti: “Mwamuteŵete fumu ya ku Babiloni cha.” 10 Pakuti atikukambiyani mauchimi ngaboza, ndipu asani muŵavwiyengi, mutolekiyengi kutali ndi charu chinu, ndikumbininiskeningi ndipu mumalengi.

11 “‘“‘Kweni mtundu wo userezengi khosi laki mugoli la fumu ya ku Babiloni ndi kuyiteŵete, ndiwuzomerezengi kuja* mucharu chaki,’ Yehova ndiyu wakamba, ‘kuti achilimengi ndi kujamu.’”’”

12 Kweniso Zedekiya fumu+ ya ku Yuda ndingumukambiya so mazu ngenanga kuti: “Sereza khosi laku mugoli la fumu ya ku Babiloni, uteŵete iyu ndi ŵanthu ŵaki, ndipu ulutirizgengi kuja ndi umoyu.+ 13 Kumbi yiwi ndi ŵanthu ŵaku mufwiyenji ndi lipanga,+ nja+ ndi mulili+ nge mo Yehova wakambiya vakukwaskana ndi mtundu wo wazamukana kuteŵete fumu ya ku Babiloni? 14 Mungavwiyanga cha mazu nga achimi wo atikukambiyani kuti, ‘Mwamuteŵete fumu ya ku Babiloni cha,’+ chifukwa atikukambiyani mauchimi ngaboza.+

15 “‘Pakuti ini ndaŵatumapu cha,’ Yehova ndiyu wakamba, ‘kweni atikukambiyani mauchimi ngaboza mu zina langu, ndipu asani muŵavwiyengi ndazakukumbininiskani ndi kukumalani, yimwi limoza ndi achimi wo atikukambiyani mauchimi.’”+

16 Ndipu asembi kweniso ŵanthu wosi ndinguŵakambiya kuti: “Yehova wakamba kuti, ‘Mungavwiyanga cha mazu nga achimi wo atikukambiyani mauchimi kuti: “Awonani! Pambula kuswera yapa, viyaŵi va munyumba yaku Yehova aviweziyengi kunu kutuliya ku Babiloni!”+ pakuti atikukambiyani mauchimi ngaboza.+ 17 Mungaŵavwiyanga cha. Teŵetiyani fumu ya ku Babiloni ndipu mulutirizgengi kuja ndi umoyu.+ Tawuni iyi yisambukiyenji mahami? 18 Kweni asani mbachimi nadi kweniso alongoro nadi mazu ngaku Yehova, mbwenu apemphi Yehova wa mizinda, kuti viyaŵi vo vajaku munyumba yaku Yehova, munyumba ya fumu ya ku Yuda ndipuso mu Yerusalemu vileki kutoleke ku Babiloni.’

19 “Pakuti ivi ndivu Yehova wa mizinda wakamba vakukwaskana ndi vipilala,+ Nyanja,*+ vakupingapu+ ndipuso viyaŵi vo vajaku mutawuni iyi, 20 vo Nebukadinezara fumu ya ku Babiloni yinguto cha pa nyengu yo yingutole ku ukapolu Yekoniya mwana waku Yehoyakimu fumu ya ku Yuda, kutuliya ku Yerusalemu kuluta ku Babiloni, limoza ndi ŵanthu wosi akuzirwa a ku Yuda ndi ku Yerusalemu;+ 21 ivi ndivu Yehova wa mizinda, Chiuta waku Isirayeli wakamba vakukwaskana ndi viyaŵi vo vajaku munyumba yaku Yehova, munyumba ya fumu ya ku Yuda ndipuso mu Yerusalemu: 22 ‘“Vitolekiyengi ku Babiloni,+ ndipu vamuja kweniko mpaka pa zuŵa lo ndazakuvikumbuka,” Yehova ndiyu wakamba. “Pavuli paki, ndakuvito ndi kuviweze mumalu yanga.”’”+

28 Mu chaka chenicho, kukwamba kwa ulamuliru waku Zedekiya fumu+ ya ku Yuda, mu chaka chachinayi, mu mwezi wachinkhondi, mchimi Hananiya mwana waku Azuri wa ku Gibiyoni,+ wangulongoro nani munyumba yaku Yehova, pa masu pa asembi kweniso ŵanthu wosi, ndipu wangundikambiya kuti: 2 “Yehova wa mizinda, Chiuta waku Isirayeli wakamba kuti, ‘Ndifyongi goli la fumu ya ku Babiloni.+ 3 Mu vyaka viŵi pe, ndiweziyengi mumalu yanga viyaŵi vosi va munyumba yaku Yehova, vo fumu Nebukadinezara ya ku Babiloni yinguvito mumalu yanga ndi kuluta navu ku Babiloni.’”+ 4 “‘Ndipu ndiweziyengi mumalu yanga Yekoniya+ mwana waku Yehoyakimu,+ fumu ya ku Yuda kweniso ŵanthu wosi a ku Yuda wo akutoleke ku ukapolu ku Babiloni,’+ Yehova ndiyu wakamba, ‘pakuti ndifyongi goli la fumu ya ku Babiloni.’”

5 Pavuli paki mchimi Yeremiya wangulongoro ndi mchimi Hananiya pa masu pa asembi kweniso ŵanthu wosi wo anguma munyumba yaku Yehova. 6 Mchimi Yeremiya wangukamba kuti: “Ame!* Yehova wachiti venivi! Yehova wafiski mazu ngo wakamba. Iyu waweze mumalu yanga viyaŵi va munyumba yaku Yehova kutuliya ku Babiloni kweniso ŵanthu wosi wo ŵe ku ukapolu! 7 Kweni vwisiya uthenga uwu, wo ndilongoro mumakutu mwaku kweniso mumakutu mwa ŵanthu wosi. 8 Achimi wo ŵengaku kali, yiwi ndi ini techendaŵeku, akambanga mauchimi ngakukwaskana ndi vyaru vinandi kweniso maufumu nganthazi, vakukwaskana ndi nkhondu, masoka ndipuso milili.* 9 Asani mchimi wakamba uchimi wakukwaskana ndi chimangu ndipu mazu nga mchimi yo ngafiskika nadi, mbwenu viziŵikengi kuti mchimi yo watumika nadi ndi Yehova.”

10 Mchimi Hananiya wati wavwa mazu ngenanga, wanguto goli lo lenga mukhosi la mchimi Yeremiya ndipu wangulifyo.+ 11 Pavuli paki, pa masu pa ŵanthu wosi, Hananiya wangukamba kuti: “Yehova wakamba kuti, ‘Nge mo ndachitiya yapa, ndimu so ndazamufyole goli laku Nebukadinezara fumu ya ku Babiloni kutuliya mumakhosi nga mitundu yosi ya ŵanthu mu vyaka viŵi pe.’”+ Ndipu mchimi Yeremiya wangutuwapu.

12 Mchimi Hananiya wati wafyo goli lo lenga mukhosi la mchimi Yeremiya, Yehova wangukambiya Yeremiya kuti: 13 “Luta kwaku Hananiya ndipu ukamukambiyi kuti, ‘Yehova wakamba kuti: “Yiwi wafyo magoli ngachimiti,+ kweni mumalu mwaki papangikengi magoli ngavisulu.” 14 Pakuti Yehova wa mizinda, Chiuta waku Isirayeli wakamba kuti: “Ndiŵikengi goli lachisulu mukhosi la mitundu yosi iyi, kuti yiteŵete Nebukadinezara fumu ya ku Babiloni, ndipu yazakumuteŵete nadi.+ Ndazakumupaska chinanga ndi vinyama vamudondu.”’”+

15 Pavuli paki, mchimi Yeremiya wangukambiya mchimi Hananiya+ kuti: “Vwisiya, yiwi Hananiya! Yehova wakutuma cha, kweni yiwi wachitiska kuti ŵanthu yaŵa agomezgi vinthu vaboza.+ 16 Mwaviyo, Yehova wakamba kuti, ‘Awona! ndikutuzgengepu pacharu, pakuti wachiska ŵanthu kuti agarukiyi Yehova.’”+

17 Mwaviyo, mchimi Hananiya wangufwa chaka chenichi, mu mwezi wa 7.

29 Yanga ndi mazu nga mukalata yo mchimi Yeremiya wangutumiza kutuwa ku Yerusalemu kuluta ku ŵara wosi pakati pa ŵanthu wo angutoleke ku ukapolu, asembi, achimi kweniso ŵanthu wosi wo Nebukadinezara wanguŵato ku Yerusalemu ndi kuluta nawu ku ukapolu ku Babiloni. 2 Yeremiya wangutumiza kalata yeniyi, Fumu Yekoniya,+ anyina a fumu,+ nduna, alongozgi akuzirwa a ku Yuda ndi ku Yerusalemu, ŵanthu alusu kweniso akusula visulu* ŵati atuwaku ku Yerusalemu.+ 3 Iyu wangutumiza kalata yeniyi kuziya mwaku Elasa mwana waku Shafani+ kweniso Gemariya mwana waku Hilikiya, wo Zedekiya+ fumu ya ku Yuda, wanguŵatuma kwaku Nebukadinezara fumu ya ku Babiloni. Kalata yo yenga ndi mazu ngakuti:

4 “Ivi ndivu Yehova wa mizinda, Chiuta waku Isirayeli, wakambiya akapolu wosi, wo ndaŵatumiza ku ukapolu ku Babiloni kutuliya ku Yerusalemu, 5 ‘Zengani nyumba ndi kujamu. Limani minda ndi kurya vipasu vaki. 6 Toni anthukazi ndipu balani ŵana anthulumi ndi anthukazi; ŵana ŵinu anthulumi muŵasaniriyi anthukazi kuti atorani nawu, ndipu ŵana ŵinu anthukazi muŵasaniriyi anthulumi kuti atorani nawu, kuti nawu abali ŵana anthulumi ndi anthukazi. Muyandani kweniko ndipu mungajanga amana cha. 7 Muyikhumbiyengi chimangu tawuni yo ndakutumaniku kuti muje akapolu, ndipu muyipempheriyengi kwaku Yehova, pakuti asani mutawuni yo mwe chimangu, namwi mujengi mwachimangu.+ 8 Pakuti Yehova wa mizinda, Chiuta waku Isirayeli wakamba kuti: “Mungazomerezanga cha kuti achimi ŵinu kweniso akuloska vamunthazi wo ŵe pakati pinu akupusikeni,+ ndipu mungavwisiyanga cha malotu ngo alota. 9 Pakuti ‘akamba mauchimi ngaboza mu zina langu. Ini ndaŵatumapu cha,’+ Yehova ndiyu wakamba.”’”

10 “Pakuti Yehova wakamba kuti, ‘Asani vyaka 70 vo mujaliyengi ku Babiloni vakwana, ndazakukukumbukani,+ ndazamufiska vo ndikulayizga ndipu ndazakukuweziyani mumalu yanga.’+

11 “‘Pakuti ndiziŵa umampha vo nditikuŵanaŵaniyani,’ Yehova ndiyu wakamba, ‘ndiŵanaŵana kuti ndikupaskeni chimangu, soka cha,+ kuti vinthu vizikuyendiyeni umampha kunthazi kweniso kuti muje ndi chilindizga chamampha.+ 12 Mwazakundidana, mwazamukuza kwaku ini kweniso, mwazamupemphera kwaku ini ndipu ndazakukuvwisiyani.’+

13 “‘Mwazakundipenja ndipu mwazakundisaniya,+ pakuti mwazakundipenja ndi mtima winu wosi.+ 14 Ndazakukuzomerezani kuti mundisaniyi,’+ Yehova ndiyu wakamba. ‘Ndazakukutuzganiku ku ukapolu ndipu ndazakukuwunganisani pamoza kutuliya mu mitundu yosi kweniso kumalu ngosi ngo ndakumbininiskiyaniku,’+ Yehova ndiyu wakamba. ‘Ndipu ndazakukuweziyani kumalu ko mungutuwa muchiluta ku ukapolu.’+

15 “Kweni yimwi mwakamba kuti, ‘Yehova watiyuskiya achimi ku Babiloni.’

16 “Pakuti ivi ndivu Yehova wakambiya fumu yo ye pampandu waufumu waku Davidi+ ndipuso ŵanthu wosi wo aja mutawuni iyi, abali ŵinu wo aza namwi cha ku ukapolu, 17 ‘Yehova wa mizinda wakamba kuti: “Ndiŵatumiyengi lipanga, nja kweniso mulili,*+ ndipu ndiŵasambusengi vipasu va mkuyu vakuvunda* vo viheni ukongwa vakuti vingaryika cha.”’+

18 “‘Ndazakuŵaskera ndi lipanga,+ nja kweniso mulili ndipuso ndazakuŵasambusa chinthu chakuchitiska mantha ku maufumu ngosi nga pacharu chapasi,+ chinthu chakutembeka, chinthu chakuziziswa kweniso chinthu cho ŵanthu azakuchimbiya khwelu,+ ndipu ŵanthu azakuŵanyoza mu mitundu yosi yo ndazakuŵambininiskiyamu,+ 19 chifukwa chakuti avwiya cha mazu ngangu ngo ndinguŵatumiya kuziya mwa ateŵeti ŵangu achimi,’ Yehova ndiyu wakamba, ‘ndaŵatumanga mwakuwerezawereza.’*+

“‘Kweni munguŵavwiya cha,’+ Yehova ndiyu wakamba.

20 “Mwaviyo, vwiyani mazu ngaku Yehova, yimwi mosi mwe ku ukapolu, yimwi ndakutumizani ku Babiloni kutuwa ku Yerusalemu. 21 Ivi ndivu Yehova wa mizinda, Chiuta waku Isirayeli wakamba vakukwaskana ndi Ahabu mwana waku Kolaya kweniso Zedekiya mwana waku Maseya, wo akamba mauchimi ngaboza mu zina langu,+ ‘Ndiŵaperekengi mu janja laku Nebukadinezara* fumu ya ku Babiloni ndipu waŵabayengi pa masu pinu. 22 Ndipu vo viŵachitikiyengi vijengi thembu lo ŵanthu wosi a ku Yuda wo ŵe ku ukapolu ku Babiloni alikambengi, kuti: “Yehova wakuchitiskeni kuti muje nge Zedekiya ndipuso nge Ahabu, wo fumu ya ku Babiloni yinguŵawotcha pamotu!” 23 pakuti achita vinthu vakulengesa mu Isirayeli,+ yiwu achita chigololu ndi anthukazi a ŵanthu wo akuzengezana nawu, kweniso akamba vinthu vaboza mu zina langu, vo ndikuŵalamulapu cha.+

“‘“Ini ndini ndiziŵa, ndipu nde kaboni.”+ Yehova ndiyu wakamba.’”

24 “Ndipu Shemaya+ wa ku Nehelamu, ukamukambiyi kuti, 25 ‘Yehova wa mizinda, Chiuta waku Isirayeli wakamba kuti: “Chifukwa chakuti ungutumiza makalata mu zina laku ku ŵanthu wosi wo ŵe mu Yerusalemu, kwaku Zefaniya+ mwana waku Maseya wasembi, kweniso kwa asembi wosi, ndipu makalata ngo nge ndi mazu ngakuti, 26 ‘Yehova wasankha yiwi kuti uje wasembi mumalu mwaku Yehoyiyada wasembi, kuti uje wakuwonere nyumba yaku Yehova kweniso kuti uje ndi mazaza pa munthu weyosi wakufuntha yo wachita vinthu nge mchimi ndi kumuŵika mumatangaza kweniso kumuvwalika goli;+ 27 sonu walekiyanji kuchenya Yeremiya wa ku Anatoti+ yo wachita vinthu nge mchimi pakati pinu?+ 28 Pakuti wangutitumiya uthenga kunu ku Babiloni wakuti: “Mujengeku nyengu yitali! Zengani nyumba ndi kujamu. Pandani minda ndi kurya vipasu vaki,+—”’”’”

29 Zefaniya+ wasembi wati waŵerenga kalata iyi mchimi Yeremiya wachivwa, 30 Yehova wangukambiya Yeremiya kuti: 31 “Tumiza uthenga ku ŵanthu wosi wo ŵe ku ukapolu wakuti, ‘Ivi ndivu Yehova wakamba vakukwaskana ndi Shemaya wa ku Nehelamu: “Chifukwa chakuti Shemaya wakukambiyani mauchimi, chinanga kuti ndingumutuma cha ndipu wakhumbanga kukuchitiskani kuti mugomezgi vinthu vaboza,+ 32 mwaviyo, Yehova wakamba kuti, ‘Ndilangengi Shemaya wa ku Nehelamu ndipuso ŵana ŵaki. Palivi munthu weyosi wa mubanja laki yo waponengi pakati pa ŵanthu yaŵa, ndipu wazakuviwona cha vinthu vamampha vo ndazamuchitiya ŵanthu ŵangu,’ Yehova ndiyu wakamba, ‘pakuti wachiska ŵanthu kuti agarukiyi Yehova.’”’”

30 Yehova wangukambiya Yeremiya kuti: 2 “Yehova, Chiuta waku Isirayeli wakamba kuti, ‘Lemba mubuku mazu ngosi ngo nditikukambiya. 3 Pakuti “awona! mazuŵa ngatuza,” Yehova ndiyu wakamba, “po ndazamuwunganisa ŵanthu ŵangu wo akutoleke ku ukapolu, Isirayeli kweniso Yuda,”+ Yehova ndiyu wakamba, “ndazakuŵaweze mucharu cho ndinguchipereka kwa apapi ŵawu akali, ndipu chazamuja so chawu.”’”+

4 Yanga ndi mazu ngo Yehova wangukambiya Isirayeli kweniso Yuda.

 5 Yehova wakamba kuti:

 6 Fumba asani munthulumi wangabala mwana.

Ntchifukwa wuli chisku cha munthu weyosi chabwanthuka?

 7 Nkhondu ama! Pakuti zuŵa lo ndakofya.*+

Kweni wazamutaskika.”

8 “Ndipu mu zuŵa lo,” Yehova wa mizinda ndiyu wakamba, “ndazamufyo goli lo le mukhosi mwaku, ndipuso ndazamudumuwa paŵi vingwi vaku; ndipu alendu azakumusambusa so kapolu wawu cha.* 9 Yiwu azamuteŵete Yehova Chiuta wawu kweniso Davidi fumu yawu, yo ndazakuŵayuskiya.”+

11 “Pakuti nde nawi,” Yehova ndiyu wakamba, “kuti ndikutaski.

12 Pakuti Yehova wakamba kuti:

“Kupwetekeka kwaku kulivi munkhwala.+

Chilonda chaku chingachizgika cha.

Palivi munkhwala wo ungakuchizga.

14 Vibwezi vaku vosi vakuluwa.+

Vitikupenja so cha.

15 Ntchifukwa wuli uliya chifukwa cha kupwetekeka kwaku?

Urwirwi waku ungachizgika cha!

‘Ziyoni, yo palivi yo watimupenja.’”+

18 Yehova wakamba kuti:

19 Yiwu azamuwonga ndi kusekere.+

Ŵanthu wosi wo atikukandirizga ndazamumalana nawu.+

Ndazakumuchitiska kuti wazi pafupi, ndipu wazamundere kwaku ini.”

“Asani venga viyo cha, ndiyani yo watingi wayesengi kundere kwaku ini?”* Yehova ndiyu wakamba.

22 “Yimwi mwazamuja ŵanthu ŵangu,+ ndipu ini ndazamuja Chiuta winu.”+

24 Ukali wakukole waku Yehova wazamuwelere cha

Mpaka po wachitiya ndi kufiska vosi vo mtima waki ukhumba.+

Mwazamuvwisa vinthu venivi mu mazuŵa ngakumaliya.+

31 “Pa nyengu yeniyo, ndazamuja Chiuta ku mabanja ngosi ngaku Isirayeli, ndipu yiwu azamuja ŵanthu ŵangu.”+ Yehova ndiyu wakamba.

 2 Yehova wakamba kuti:

 3 Yehova wanguwoneke kwaku ini kutuliya kutali ndipu wangukamba kuti:

“Ndakuyanja ndi chanju chamuyaya.

Lekani ndakundereze kwaku ini chifukwa cha chanju chambula kumala.*+

 4 Ndazakukuzenga so ndipu wazamuzengeka nadi.+

 6 Pakuti zuŵa lizengi penipo alonda a mumapiri nga ku Efurayemu azamudaniriza kuti:

‘Yukani, tiyeni tikwere ku Ziyoni, kwaku Yehova Chiuta widu.’”+

 7 Pakuti Yehova wakamba kuti:

“Daniriziyani Yakobe mwakukondwa.

Danirizani mwakukondwa chifukwa chakuti mwe panthazi pa mitundu.+

 8 Ndizengi nawu kutuliya kucharu cha kunkhondi.*+

Ndazakuŵawunganisa pamoza kutuliya kuvigaŵa vakutali ukongwa va charu chapasi.+

Azamuja anandi ukongwa achiwere kunu.+

 9 Yiwu azamukuza achiliya.+

Ndazakuŵalongozga achipempha kuti ndiŵachitiyi lisungu.

Pakuti ini nde Wisi waku Isirayeli, ndipu Efurayemu ndi mwana wangu wakwamba.”+

“Mweniyo wangumbininiska Isirayeli wamuwunganisa so pamoza.

Iyu wazakumuwonere nge mo mliska wachitiya ndi mskambu waki.+

Mumalu mwa kuliya ndazamuchitiska kuti azayi.+

Ndazakuŵapembuzga ndi kuŵapaska likondwa mumalu mwa chitima.+

15 “Yehova wakamba kuti:

‘Mazu ngavwika mu Rama,+ kutenje ndi kuliya kukulu:

Pakuti yiwu kulivi.’”+

16 Yehova wakamba kuti:

‘Yiwu azamuweku kucharu cha murwani.’+

17 ‘Ndipu vinthu vazakukuyende umampha kunthazi,’+ Yehova ndiyu wakamba.

‘Ŵana ŵaku azamuwere kuchigaŵa chawu.’”+

20 “Asi Efurayemu ndi mwana wangu wakuzirwa kweniso mwana wangu wakwanjiwa?+

Pakuti nyengu yeyosi yo ndamuchenya nditimukumbuka mbwenu.

Ndichu chifukwa chaki mtima wangu ukwaskika ukongwa chifukwa chaku iyu.+

Ndipu ndimuchitiyengi chitima,” Yehova ndiyu wakamba.+

Ŵika mtima waku pa msewu ukulu, msewu wo utenere kwendamu.+

Welere, yiwi mwali waku Isirayeli, were kumatawuni ngaku yanga.

22 Kumbi uyingengiyingengi mpaka zuŵanji, yiwi mwana munthukazi wambula kugomezgeka?

Pakuti Yehova walenga chinthu chifya pacharu chapasi, chinthu cho ntchakuti:

Munthukazi wazamupenja munthulumi.”

23 Yehova wa mizinda, Chiuta waku Isirayeli, wakamba kuti: “Asani ŵanthu wo angutoleke ku ukapolu ndaziŵawunganisa so mucharu cha Yuda kweniso mumatawuni ngaki, azamukamba so kuti: ‘Yehova wakutumbiki, yiwi malu ngakujamu ngaurunji,+ yiwi phiri lakupaturika.’+ 24 Ndipu Yuda ndi matawuni ngaki ngosi, azamuja mwenimo wosi limoza, mwazamuja so alimi ndi ŵanthu wo alongozga miskambu.+ 25 Pakuti ndazamukhorwesa munthu wakuvuka kweniso ndazamugutisa munthu weyosi yo walakatuka.”+

26 Vati vaŵa viyo ndinguyuka ndi kujula masu, ndipu tulu to ndingugona tenga tamampha ukongwa.

27 “Awonani! Mazuŵa ngatuza,” Yehova ndiyu wakamba, “po ndazamupanda mbewu* ya munthu kweniso mbewu ya viŵetu munyumba yaku Isirayeli ndipuso munyumba yaku Yuda.”+

28 “Ndipu nge mo ndingujaliya masu kuti ndichesuwi, ndibwanganduwi, ndipapasuwi, ndinangi ndi kupweteka,+ ndimu so ndazamujaliya masu kuti ndizengi ndi kupanda.”+ Yehova ndiyu wakamba. 29 “Mu mazuŵa ngo, azamukamba so cha kuti, ‘Ada angurya mphereska zakunthyanthyama, kweni ŵana ndiwu anguyeyera* minyu.’+ 30 Kweni munthu weyosi wazamukufwa chifukwa cha kunanga kwaki. Weyosi yo warya mphereska zakunthyanthyama wazamuyeyera minyu.”

31 “Awonani! Mazuŵa ngatuza,” Yehova ndiyu wakamba, “penipo ndazamuchita phanganu lifya ndi nyumba yaku Isirayeli kweniso nyumba yaku Yuda.+ 32 Kweni lazamuyanana cha ndi phanganu lo ndinguchita ndi apapi ŵawu akali pa zuŵa lo ndinguko janja lawu kuti ndiŵatuzgi mucharu cha Ijipiti,+ ‘phanganu langu lo anguswa,+ chinanga kuti ndenga mbuyawu chayiyu,’* Yehova ndiyu wakamba.”

33 “Pakuti phanganu lo ndazamuchita ndi nyumba yaku Isirayeli asani mazuŵa ngo ngajumphapu ndi ili,” Yehova ndiyu wakamba. “Ndazamuŵika dangu langu mwaku yiwu,+ ndipu ndazakulilemba mumitima yawu.+ Ndipu ini ndazamukuŵa Chiuta wawu, yiwu azamukuŵa ŵanthu ŵangu.”+

34 “Ndipu palivi yo wazamusambiza so munyaki pamwenga mubali waki kuti, ‘Ziŵa Yehova!’+ pakuti wosi azakundiziŵa, kwambiya mumana ukongwa mpaka mura ukongwa,”+ Yehova ndiyu wakamba. “Pakuti ndazakuŵagowoke mphulupulu zawu ndipu ndazamukumbuka so cha ubudi wawu.”+

37 Yehova wakamba kuti: “‘Asani kuchanya kungapimika ndipuso asani mafawundeshoni nga charu chapasi ngangafufuzika, mbwenu ndikanengi mphapu yosi yaku Isirayeli chifukwa cha vosi vo yachita,’ Yehova ndiyu wakamba.”+

38 “Awonani! Mazuŵa ngatuza,” Yehova ndiyu wakamba, “penipo tawuni yaku Yehova yazamuzengeka+ kutuliya ku Kanyumba Kakuthopoka ka Hananeli+ mpaka pa Geti la Pakona.+ 39 Ndipu chingwi chakupimiya+ chazamufika mpaka ku mtunthu wa Garebu, ndipu chazamulazgiya ku Gowa. 40 Ndipu dambu losi la mathupi kweniso la vyotu* ndi minda yosi mpaka kufika ku Dambu la* Kidironi,+ kweniso mpaka pakona la Geti la Mahachi,+ chakuvuma,* vazamuja vakupaturika kwaku Yehova.+ Tawuni yo, yazamuchesulika so cha pamwenga kupapasulika.”

32 Mazu ngaku Yehova nganguza kwaku Yeremiya mu chaka cha 10 cha ulamuliru waku Zedekiya fumu ya ku Yuda, cho ntchaka cha 18 cha ulamuliru waku Nebukadinezara.*+ 2 Pa nyengu yo, asilikali a fumu ya ku Babiloni anguzingiliza Yerusalemu ndipu mchimi Yeremiya angumujaliya mu Balaza la Alonda,+ munyumba ya fumu ya ku Yuda. 3 Pakuti Fumu Zedekiya ya ku Yuda yingumujaliya+ ndipu yingukamba kuti, “Ntchifukwa wuli ukamba uchimi uwu? Ukamba kuti, ‘Yehova wakamba kuti: “Ndiperekengi tawuni iyi mu manja mwa fumu ya ku Babiloni, ndipu wayilondengi,+ 4 kweniso Zedekiya fumu ya ku Yuda waŵathaŵengi cha Akadiya, pakuti waperekekengi nadi mu manja mwa fumu ya ku Babiloni, ndipu iyu wamulongoro ndi fumu yo masu ndi masu kweniso wakuyiwona masu ndi masu.”’+ 5 ‘Fumu yo, yazamutole Zedekiya ku Babiloni, ndipu wamuja kweniko mpaka po ndazakumukumbukiya,’ Yehova ndiyu wakamba. ‘Chinanga kuti ulutirizga kuchita nkhondu ndi Akadiya, uŵathereskengi cha.’”+

6 Yeremiya wangukamba kuti: “Yehova wandikambiya kuti, 7 ‘Hanamelu mwana wa awusu ara* a Shalumu wazengi kwaku yiwi ndipu wakukambiyengi kuti: “Gula munda wangu wa ku Anatoti,+ chifukwa yiwi ndiwi we ndi wanangwa wakwamba wakuwuwombo.”’”+

8 Nge mo Yehova wangukambiya, Hanamelu mwana wa ada ara* wanguza kwaku ini mu Balaza la Alonda, ndipu wangundikambiya kuti: “Chondi, gula munda wangu wa ku Anatoti, mucharu cha Benjamini, pakuti we ndi wanangwa wakuwuto ndi kuwuwombo. Gula kuti uje waku.” Ndati ndavwa venivi, ndinguziŵa kuti ngenga mazu ngaku Yehova.

9 Mwaviyo ndingugula munda wa ku Anatoti kwaku Hanamelu mwana wa ada ara.* Ndingumupimiya ndalama+ zakukwana masekeli* 7 kweniso ndalama 10 zasiliva. 10 Pavuli paki, ndinguvilemba muchikalata chaukaboni,+ ndingudindapu chidindu, ndingudana akaboni+ ndipuso ndingupima ndalama mumasikelu. 11 Ndinguto chikalata chakuguliya, cho chingudindika chidindu mwakukoliyana ndi marangu ndipuso ndondomeku, kweniso chikalata chambula kudindika chidindu, 12 ndipu ndingupereka chikalata chakuguliya kwaku Baruki+ mwana waku Neriya,+ mwana waku Mahaseya pa masu paku Hanamelu mwana wa ada ara,* pa masu pa akaboni wo angusayina chikalata cho, ndipuso pa masu pa Ayuda wosi wo ŵenga mu Balaza la Alonda.+

13 Sonu ndingukambiya Baruki pa masu pawu kuti: 14 “Yehova wa mizinda, Chiuta waku Isirayeli wakamba kuti, ‘To makalata ngakuguliya yanga, yakudindika chidindu ndipuso yambula kudindika chidindu ndipu ungaŵiki muchiyaŵi chadongu kuti ngasungiki kwa nyengu yitali.’ 15 Pakuti Yehova wa mizinda, Chiuta waku Isirayeli wakamba kuti, ‘Nyumba, minda kweniso minda ya mphereska, vazamugulika so mucharu ichi.’”+

16 Pavuli paki, ndati ndapereka chikalata chakuguliya kwaku Baruki mwana waku Neriya, ndingupemphera kwaku Yehova kuti: 17 “A Yehova, Ambuya Fumu Yikulu! Awonani! Yimwi mukupanga kuchanya ndi charu chapasi ndi nthazi zinu zikulu+ kweniso janja linu lakutambasuka. Palivi chinthu cho chingakutondani, 18 yimwi mulongo chanju chambula kumala ku ŵanthu masawuzandi kweni mulanga ŵana chifukwa cha kunanga kwa awusewu,+ Chiuta wauneneska, mukulu kweniso wanthazi, yo zina laki ndi Yehova wa mizinda. 19 Yimwi mwe ndi vilatu vikulu kweniso muchita ntchitu zanthazi,+ masu nginu ngawona nthowa zosi za ŵanthu,+ kuti mupereki mphotu kwaku weyosi mwakukoliyana ndi nthowa zaki kweniso vo wachita.+ 20 Munguchita visimikizu kweniso vakuziziswa mucharu cha Ijipiti, vo veche kuziŵika mpaka msanawale, ndipu venivi vinguchitiska kuti mujipangiyi zina mu Isirayeli kweniso pakati pa ŵanthu wosi,+ nge mo viliri msanawale. 21 Ndipu mungutuzga ŵanthu ŵinu Ayisirayeli mucharu cha Ijipiti mwakugwiriskiya ntchitu visimikizu, vakuziziswa, janja lanthazi, janja lakutambasuka kweniso ntchitu zakofya.+

22 “Pati pajumpha nyengu, munguŵapaska charu cho mungulapizga kuti muchiperekengi kwa apapi ŵawu akali,+ charu chakwenda mkaka ndi uchi.+ 23 Ndipu yiwu angusere mucharu cho ndi kuchito, kweni anguvwiya cha mazu nginu ndipuso angwenda cha mu dangu linu. Anguchita cha vosi vo munguŵalamula kuti achitengi, ndipu munguchitiska kuti masoka ngosi yanga ngaŵawiyi.+ 24 Awonani! Ŵanthu ŵaza ndipu azenga vimbumira vakuchitiyapu nkhondu kuti alondi tawuni iyi,+ ndipu chifukwa cha lipanga,+ nja kweniso mulili,*+ tawuni iyi yiperekekengi mu manja mwa Akadiya wo achita nayu nkhondu, vosi vo mungukamba vachitika nadi, nge mo muwone sonu. 25 Kweni yimwi Yehova, Ambuya Fumu Yikulu mwandikambiya kuti, ‘Gula munda ndi ndalama ndipu dana akaboni,’ chinanga kuti tawuni iyi yiperekekengi nadi mu manja mwa Akadiya.”

26 Sonu Yehova wangukambiya Yeremiya kuti: 27 “Ini ndini Yehova Chiuta wa ŵanthu wosi. Kumbi pe chinthu cho chinganditonda? 28 Mwaviyo Yehova wakamba kuti, ‘Ndipereka tawuni iyi kwa Akadiya ndipuso mu manja mwaku Nebukadinezara fumu ya ku Babiloni ndipu wayilondengi.+ 29 Akadiya wo achita nkhondu ndi tawuni iyi aserengi ndipu ayibuskengi ndi motu ndi kuyiwotcha,+ limoza ndi nyumba zo pachanya paki ŵanthu aperekiyangapu sembi kwaku Bala ndipuso zo apunguliyangapu sembi za chakumwa kwa achiuta anyaki kuti andikwiyisi.’+

30 “‘Pakuti kutuliya pa unamana wawu, Ayisirayeli kweniso ŵanthu a ku Yuda achita vinthu viheni pe pa masu pangu;+ Ayisirayeli alutirizga kundikwiyisa ndi ntchitu za manja ngawu,’ Yehova ndiyu wakamba. 31 ‘Pakuti kutuliya pa zuŵa lo yinguzengeke mpaka msanawale, tawuni iyi yajaliya ŵaka kundikwiyisa ndi kundifyiska mtima,+ kuti ndiyituzgepu pa masu pangu,+ 32 chifukwa cha vinthu vosi viheni vo Ayisirayeli kweniso ŵanthu a ku Yuda achita kuti andikwiyisi, yiwu, mafumu ngawu,+ alongozgi ŵawu akuzirwa,+ asembi ŵawu, achimi ŵawu+ ndipuso ŵanthu a ku Yuda ndi ku Yerusalemu. 33 Yiwu angulutirizga kundilazgiya msana mumalu mwakundilazgiya chisku;+ chinanga kuti ndaŵasambizanga mwakuwerezawereza,* pengavi yo wanguvwiya kuti wasambiziki.+ 34 Ndipu anguŵika angoza akuseruska munyumba yo yiziŵika ndi zina langu, kuti ayifipiski.+ 35 Kweniso anguzenge Bala malu ngapachanya mu Dambu la Mwana Waku Hinomu,*+ kuti ajumphisengi ŵana ŵawu anthulumi kweniso ŵana ŵawu anthukazi pamotu kuti aŵapereki sembi kwaku Moleki.+ Ndinguŵalamulapu cha+ kweniso ndinguŵanaŵanapu cha mumtima mwangu kuti angachita chinthu chakuseruska chenichi, ndi kuchitiska kuti Yuda wabudi.’

36 “Mwaviyo, Yehova Chiuta waku Isirayeli wakamba vakukwaskana ndi tawuni yo mukamba kuti yiperekekengi mu manja mwa fumu ya ku Babiloni kuti yinangiki ndi lipanga, nja kweniso mulili, iyu wakamba kuti: 37 ‘Ndazakuŵawunganisa kutuliya muvyaru vosi vo ndinguŵambininiskiyamu chifukwa cha kukwiya, kufya mtima kweniso ukali ukulu,+ ndazakuŵaweze mumalu yanga ndipu azamuja mwakuvikilirika.+ 38 Yiwu azamuja ŵanthu ŵangu, ndipu ini ndazamuja Chiuta wawu.+ 39 Ndazakuŵapaska mtima umoza+ kweniso nthowa yimoza kuti azindiwopengi nyengu zosi, kuti yiwu kweniso ŵana ŵawu vinthu viziŵayendiyengi umampha.+ 40 Ndipu ndazamuchita nawu phanganu lamuyaya,+ lakuti ndazamuleka cha kuŵachitiya vinthu vamampha;+ ndipuso ndazakuŵapaska mtima wakuti andiwopengi, mwakuti azamutuwaku cha kwaku ini.+ 41 Ndazamukondwa kuŵachitiya vinthu vamampha,+ ndazakuŵapanda mucharu ichi+ ndi mtima wangu wosi kweniso ndi umoyu wangu wosi.’”

42 “Pakuti Yehova wakamba kuti, ‘Nge mo ndawisiya masoka ngosi yanga pa ŵanthu yaŵa, ndimu so ndazakuŵapaskiya vinthu vosi vamampha vo nditiŵalayizga.+ 43 Minda yazamugulika so mucharu ichi,+ chinanga kuti yimwi mukamba kuti: “Charu ichi chanangika, mulivi ŵanthu kweniso vinyama ndipu chaperekeka mu manja mwa Akadiya.”’

44 “‘Minda yazamugulika ndi ndalama, makalata ngakuguliya ngazamulembeka ndi kudindika chidindu ndipuso azamudaniyapu akaboni. Ivi vazamuchitika mucharu cha Benjamini,+ muvigaŵa vapafupi ndi Yerusalemu, mumatawuni nga ku Yuda,+ mumatawuni nga muchigaŵa cha mapiri, mumatawuni nga muchidika,+ ndipuso mumatawuni nga kumwera, chifukwa chakuti ŵanthu wo atoleke ku ukapolu, ndazakuŵaweze mucharu ichi,’+ Yehova ndiyu wakamba.”

33 Yehova wangulongoro ndi Yeremiya kachiŵi pa nyengu yo angumujaliya mu Balaza la Alonda,+ ndipu wangumukambiya kuti: 2 “Ivi ndivu Yehova yo wakupanga charu chapasi wakamba, Yehova yo wakuchipanga ndi kuchijalikiska mwanthazi; zina laki ndi Yehova, iyu wakamba kuti, 3 ‘Ndidani ndipu ndikumukengi kweniso ndijengi wakunozgeka kukukambiya vinthu vikulu ndipuso vakusuzga kuvivwisa vo ukuviziŵapu cha.’”+

4 “Pakuti ivi ndivu Yehova Chiuta waku Isirayeli wakamba vakukwaskana ndi nyumba za mutawuni iyi ndipuso nyumba za mafumu nga ku Yuda zo zawisikiya pasi kuti ajivikiliyi ku vimbumira vakuchitiyapu nkhondu ndipuso ku lipanga,+ 5 kweniso vakukwaskana ndi ŵanthu wo atuza kuzichita nkhondu ndi Akadiya, ndi kuzaza malu yanga ndi mathupi nga ŵanthu wo ndabaya chifukwa cha kukwiya kweniso ukali wangu, ŵanthu wo vakuchita vawu viheni vachitiska kuti tawuni iyi ndiyibisiyi chisku changu, iyu wakamba kuti: 6 ‘Ŵanthu a mutawuni yo, ndazakuŵaweziyamu nthazi ndi kuŵapaska umoyu wamampha,+ ndipu ndazakuŵachizga ndi kuŵavumbuliya chimangu chikulu ndi uneneska.+ 7 Ŵanthu a ku Yuda kweniso a ku Isirayeli wo akutoleke ku ukapolu ndazakuŵaweze mucharu chawu,+ ndipu ndazakuŵazenga nge mo ndinguchitiya pakwamba.+ 8 Ndazakuŵatowesa ku mulandu wosi wa maubudi ngo akundichitiya,+ ndipu ndazakuŵagowoke mulandu wosi wa maubudi ngawu kweniso mphulupulu zawu.+ 9 Zina la tawuni yo lazakundikondwesa ndipu lazamuchitiska kuti ndithamikiki ndi kukankhuskika pa masu pa mitundu yosi ya ŵanthu ya pacharu chapasi, yo yazamukuvwa va vinthu vosi vamampha vo ndaŵachitiya.+ Ndipu yazamuchita mantha ndi kumbwambwanthiya+ chifukwa cha vinthu vamampha ndipuso chimangu cho ndazamupaska ŵanthu a mutawuni yo.’”+

10 “Yehova wakamba kuti: ‘Mumalu yanga ngo mwazamukamba kuti nganangika, mulivi ŵanthu kweniso viŵetu, mumatawuni nga mu Yuda kweniso mumisewu ya mu Yerusalemu yo yanangika ndipu mulivi ŵanthu, muja weyosi cha kweniso mulivi viŵetu, mwazamuvwika so 11 chiwawa cha kuzaya, chiwawa cha likondwa,+ mazu nga munthulumi mweneku wa nthengwa ndipuso mazu nga mwali, mazu nga ŵanthu wo azamukambanga kuti: “Wongani Yehova wa mizinda, chifukwa Yehova ngwamampha;+ chanju chaki chambula kumala ntchamuyaya!”’+

“‘Yiwu azamukuza ndi sembi zakuwonga munyumba yaku Yehova,+ pakuti ŵanthu a mucharu ichi wo akutoleke ku ukapolu ndazakuŵaweze mucharu chawu, nge mo venge pakwamba.’ Yehova ndiyu wakamba.”

12 “Yehova wa mizinda wakamba kuti: ‘Mumalu ngakunangika yanga, ngo mulivi ŵanthu kweniso viŵetu, ndipuso mumatawuni ngaki ngosi mwazamuja so malu ngakuliskaku viŵetu ngo aliska azamupumuzgiyangaku miskambu yawu.’+

13 “‘Mumatawuni nga muchigaŵa cha mapiri, mumatawuni nga muchidika, mumatawuni nga kumwera, mucharu cha Benjamini, muvigaŵa vapafupi ndi Yerusalemu+ ndipuso mumatawuni nga ku Yuda,+ aliska azamuŵerenganga so mbereri zawu,’* Yehova ndiyu wakamba.”

14 “‘Awonani! Mazuŵa ngatuza,’ Yehova ndiyu wakamba, ‘po ndazamufiska layizgu lamampha lo ndakamba lakukwaskana ndi nyumba yaku Isirayeli ndipuso nyumba yaku Yuda.+ 15 Mu mazuŵa ngeningo kweniso pa nyengu yeniyo ndazamuchitiska kuti mphukira yaurunji yaku Davidi yibuki,*+ ndipu iyu wazamupereka cheruzgu chakunyoloka kweniso wazamuchita vinthu mwaurunji mucharu.+ 16 Mu mazuŵa ngeningo, Yuda wazamutaskika+ ndipu Yerusalemu wazamuja mwakuvikilirika.+ Ndipu Yerusalemu wazamudanika kuti: Yehova Mburunji Widu.’”+

17 “Pakuti Yehova wakamba kuti: ‘Pampandu waufumu waku Isirayeli palekengi cha kuja munthu wakutuliya mumzeri waku Davidi,+ 18 ndipuso vazamuchitikapu cha kuti pakati pa asembi wo Mbalevi paŵevi munthu wakuti wamengi pa masu pangu ndi kupereka sembi zakupiriza zamphumphu, kuti wawotchengi sembi za mbewu ndipuso kuti waperekengi sembi zinyaki.’”

19 Yehova wangukambiya Yeremiya kuti: 20 “Yehova wakamba kuti, ‘Asani mungaswa phanganu langu lakukwaskana ndi msana kweniso phanganu langu lakukwaskana ndi usiku, kuti msana kweniso usiku vileki kuza pa nyengu yaki,+ 21 mbwenu phanganu lo ndinguchita ndi mteŵeti wangu Davidi lingasweka+ kuti waŵevi mwana wakuti walamuliyi nge fumu pampandu waki waufumu,+ kweniso phanganu lo ndikuchita ndi asembi wo Mbalevi, ateŵeti ŵangu lingasweka.+ 22 Nge mo yiliri mizinda yakuchanya yo yingaŵerengeka cha kweniso mchenga wa munyanja wo ungapimika cha, ndimu so ndazamuyandanisiya mphapu* ya mteŵeti wangu Davidi kweniso Alevi wo atinditeŵete.’”

23 Ndipu Yehova wangulongoro so ndi Yeremiya, ndipu wanguti: 24 “Kumbi wavwa cha vo ŵanthu yaŵa akamba kuti, ‘Yehova wazamukana mabanja ngaŵi ngo wakusankha’? Yiwu ayuyuwa ŵanthu ŵangu ndipu atiŵawona so nge mtundu cha.

25 “Yehova wakamba kuti: ‘Nge mo ndajalikiskiya phanganu langu lakukwaskana ndi msana kweniso usiku,+ marangu nga kuchanya ndi charu chapasi,+ 26 ndazakuyikana cha mphapu* yaku Yakobe kweniso ya mteŵeti wangu Davidi ndipu ndazamuleka cha kutopu akulamuliya pa mphapu* yaki kuti alamuliyengi ŵana aku Abrahamu, Isaki ndi Yakobe. Pakuti ŵana ŵawu* wo angutoleke ku ukapolu,+ ndazakuŵaweze kwawu ndi kuŵachitiya chitima.’”+

34 Pa nyengu yo Nebukadinezara,* fumu ya ku Babiloni, asilikali ŵaki wosi, maufumu ngosi nga pacharu chapasi ngo wangalamuliyanga ndipuso ŵanthu wosi achitanga nkhondu ndi Yerusalemu kweniso matawuni ngaki ngosi, Yehova wangulongoro ndi Yeremiya ndipu wangukamba kuti:+

2 “Yehova Chiuta waku Isirayeli wakamba kuti, ‘Luta, ukalongoro ndi Zedekiya+ fumu ya ku Yuda ndipu ukamukambiyi kuti: “Yehova wakamba kuti, ‘Awona, ndipereka tawuni iyi mu manja mwa fumu ya ku Babiloni ndipu wayiwotchengi ndi motu.+ 3 Yiwi uthaŵengi cha mu manja mwaki, pakuti ukolekengi ndi kuperekeka kwaku iyu kwambula kutondeka.+ Wamuwona fumu ya ku Babiloni masu ndi masu, iyu wamulongoro nawi masu ndi masu ndipu ulutengi ku Babiloni.’+ 4 Kweni yiwi Zedekiya fumu ya ku Yuda, vwiya mazu ngaku Yehova, ‘Ivi ndivu Yehova wakamba vakukwaskana ndi yiwi: “Wazamubayika ndi lipanga cha. 5 Wazamukufwa mu chimangu+ ndipu azakukuwotche vakununkhira nge mo anguchitiya ndi apapi ŵaku akali, mafumu ngakali ngo ngengaku yiwi wechendaweku, ndipu azakukuliya kuti, ‘Kotu ama, fumu yidu!’ pakuti ‘ini ndini ndalongoro mazu ngenanga,’ Yehova ndiyu wakamba.”’”’”

6 Pavuli paki, mchimi Yeremiya wangukambiya Zedekiya fumu ya ku Yuda mazu ngosi ngenanga ku Yerusalemu, 7 pa nyengu yo asilikali a fumu ya ku Babiloni achitanga nkhondu ndi Yerusalemu kweniso matawuni ngosi nga ku Yuda ngo ngangujaku,+ Lakishi+ ndi Azeka,+ pakuti ndi matawuni ngenanga pe nga mipanda yakukho ngo ngangujaku pa matawuni ngosi nga ku Yuda.

8 Yehova wangulongoro ndi Yeremiya, Fumu Zedekiya yati yachita phanganu ndi ŵanthu wosi a ku Yerusalemu kuti apharazgi wanangwa,+ 9 kuti weyosi wafwatuwi akapolu ŵaki wo Mbaheberi, anthulumi ndi anthukazi, kuti paŵevi munthu weyosi yo wasunga Myuda munyaki nge kapolu waki. 10 Mwaviyo alongozgi wosi kweniso ŵanthu wosi anguvwiya. Yiwu anguzomereza phanganu lakuti munthu weyosi wafwatuwi akapolu ŵaki anthulumi kweniso anthukazi, ndipu wangaŵasunganga nge akapolu so cha. Yiwu anguvwiya ndipu anguŵafwatuwa. 11 Kweni pavuli paki, anguto so akapolu anthulumi ndi akapolu anthukazi wo anguŵafwatuwa ndipu anguŵaweze so pa ntchitu ya ukapolu. 12 Mwaviyo, mazu ngaku Yehova nganguza kwaku Yeremiya kutuliya kwaku Yehova kuti:

13 “Yehova Chiuta waku Isirayeli wakamba kuti, ‘Ndinguchita phanganu ndi apapi ŵinu akali+ pa zuŵa lo ndinguŵatuzga mucharu cha Ijipiti, munyumba ya ukapolu,+ kuti: 14 “Kukumaliya kwa vyaka 7, weyosi waku yimwi wafwatuwengi mubali waki Mheberi, yo wangugulisika kwaku yimwi, yo wakuteŵetiyani kwa vyaka 6; mumufwatuwengi.”+ Kweni apapi ŵinu akali angundivwiya cha pamwenga kukhazaku makutu ngawu kwaku ini. 15 Ndipu pambula kuswera yapa* mungusintha ndipu munguchita cho ntchamampha mu masu mwangu, mungupharazga wanangwa kwa abali ŵinu, ndipu munguchita phanganu pa masu pangu munyumba yo yidanika ndi zina langu. 16 Kweni pavuli paki, mungusintha so ndipu mungufipiska zina langu+ mwakuto so akapolu ŵinu anthulumi ndi akapolu ŵinu anthukazi wo munguŵafwatuwa mwakukoliyana ndi khumbu lawu, ndipu munguŵaweze so pa ntchitu ya ukapolu.’

17 “Mwaviyo, Yehova wakamba kuti: ‘Mwandivwiya cha ndati ndalamula kuti weyosi wapharazgi wanangwa ku mubali waki kweniso ku munyaki.+ Mwaviyo ndipharazgengi wanangwa kwaku yimwi,’ Yehova ndiyu wakamba, ‘mubayikengi ndi lipanga, mulili* kweniso nja,+ ndipu ndikusambuseningi chinthu chakuchitiska mantha ku maufumu ngosi nga pacharu chapasi.+ 18 Ndipu ivi ndivu vichitikiyengi ŵanthu wo anguswa phanganu langu mwakuleka kulondo mazu nga mu phanganu lo anguchita pa masu pangu, pa nyengu yo angudumuwa tholi* paŵi ndi kujumpha pakati paki,+ 19 kung’anamuwa alongozgi a ku Yuda, alongozgi a ku Yerusalemu, nduna, asembi kweniso ŵanthu wosi wo angujumpha pakati pa tholi lo lingudumulika: 20 Ndazakuŵapereka mu manja mwa arwani ŵawu ndipuso mu manja mwa ŵanthu wo akhumba kuŵabaya, ndipu mathupi ngawu ngazamuja chakurya cha viyuni vamude ndipuso vinyama va pacharu chapasi.+ 21 Ndipu ndazamupereka Zedekiya fumu yaku Yuda kweniso alongozgi ŵaki akuzirwa, mu manja mwa arwani ŵawu, mu manja mwa ŵanthu wo akhumba kuŵabaya, ndipuso mu manja mwa asilikali a fumu ya ku Babiloni,+ wo atuwaku kwaku yimwi.’+

22 “‘Awonani, ndazakuŵalamula,’ Yehova ndiyu wakamba, ‘ndipu ndazakuŵaweze kutawuni iyi, azamuchita nayu nkhondu, azakuyilonda ndi kuyiwotcha ndi motu,+ matawuni nga ku Yuda ndazakungasambusa mahami, ngambula wakujamu.’”+

35 Yehova wangulongoro ndi Yeremiya mu mazuŵa ngaku Yehoyakimu+ mwana waku Yosiya, fumu ya ku Yuda, ndipu wangukamba kuti: 2 “Luta kunyumba ya Arekabu + ndipu ukalongoro nawu, ukasere nawu munyumba yaku Yehova, muchipinda chakuryiyamu; ndipu ukaŵapaski vinyu kuti akamwi.”

3 Mwaviyo, ndinguto Yazaniya mwana waku Yeremiya, mwana waku Habaziniya, abali ŵaki, ŵana ŵaki wosi, ndipuso nyumba yosi ya Arekabu, 4 ndipu ndingusere nawu munyumba yaku Yehova. Ndinguluta nawu muchipinda chakuryiyamu cha ŵana aku Hanani, mwana waku Igidaliya, munthu waku Chiuta wauneneska, cho chenga pafupi ndi chipinda chakuryiyamu cha alongozgi cho chenga pachanya pa chipinda chakuryiyamu chaku Maseya mwana waku Shalumu, mulonda wa pakhomu. 5 Pavuli paki, ndinguto makapu ndi vakumwiyamu vinyaki vakuzaza vinyu, ndinguviŵika panthazi pa anthulumi a munyumba ya Arekabu ndipu ndinguŵakambiya kuti: “Mwani vinyu yo.”

6 Kweni yiwu angukamba kuti: “Timwengi cha vinyu, chifukwa Yehonadabu*+ mwana waku Rekabu, mpapi widu wakali wakutilamula kuti, ‘Yimwi ndi ŵana ŵinu mungamwanga vinyu cha. 7 Mungazenganga nyumba cha, mungamijanga mbewu cha, kweniso mungalimanga cha minda ya mphereska pamwenga kuja nayu. Mumalu mwaki, nyengu zosi mujengi mumahema kuti muje ndi umoyu utali mucharu cho muja nge alendu.’ 8 Mwaviyo, tivwiya mazu ngaku Yehonadabu mwana wa mpapi widu wakali Rekabu, pa vosi vo wakutilamula. Titumwa cha vinyu, isi, awolu ŵidu, ŵana ŵidu anthulumi kweniso ŵana ŵidu anthukazi. 9 Tizenga cha nyumba zakuti tijengemu kweniso tilivi minda ya mphereska, minda yinyaki pamwenga mbewu. 10 Tija mumahema ndipu tivwiya vosi vo Yehonadabu* mpapi widu wakali wakutilamula. 11 Kweni Nebukadinezara* fumu yaku Babiloni wati waza kuziyukiya charu ichi,+ tingukamba kuti, ‘Tiyeni tiluti ku Yerusalemu kuti tithaŵi asilikali a Akadiya ndipuso a ku Siriya,’ ndipu sonu tija mu Yerusalemu.”

12 Ndipu Yehova wangukambiya Yeremiya kuti: 13 “Yehova wa mizinda, Chiuta waku Isirayeli wakamba kuti, ‘Luta ku ŵanthu a ku Yuda ndipuso a ku Yerusalemu ndipu ukaŵakambiyi kuti: “Asi nyengu zosi ndakuchiskaningi kuti muvwiyengi mazu ngangu?”+ Yehova ndiyu wakamba. 14 “Yehonadabu mwana waku Rekabu wangulamula ŵana ŵaki kuti angamwanga vinyu cha, ndipu avwiya mazu ngaki mwakuleka kumwa vinyu mpaka msanawale. Yiwu avwiya dangu la mpapi wawu wakali.+ Kweni ini ndalongoro namwi mwakuwerezawereza* kweni mutindivwiya cha.+ 15 Ndakutumiyaningi ateŵeti ŵangu wosi achimi, ndaŵatumanga mwakuwerezawereza,*+ ndipu akukambiyaningi kuti, ‘Chondi, tuwaniku ku nthowa zinu ziheni,+ chitani cho ntchamampha! Mungalondonga achiuta anyaki cha ndi kuŵateŵete. Ndipu mulutirizgengi kuja mucharu cho ndikuchipereka kwaku yimwi kweniso kwa apapi ŵinu akali.’+ Kweni mungukhazaku cha gutu linu pamwenga kundivwiya. 16 Ŵana aku Yehonadabu mwana waku Rekabu avwiya dangu lo mpapi wawu wakali wakuŵapaska,+ kweni ŵanthu yaŵa atindivwiya cha.”’”

17 Mwaviyo, Yehova, Chiuta wa mizinda, Chiuta waku Isirayeli wakamba kuti: ‘Ŵanthu a ku Yuda kweniso a ku Yerusalemu ndiŵawisiyengi soka lo ndinguŵatcheŵeska kuti ndazakuŵawisiya,+ pakuti ndingulongoro nawu kweni anguvwiya cha, ndipuso ndaŵadananga kweni amukanga cha.’”+

18 Ndipu Yeremiya wangukambiya ŵanthu a munyumba ya Arekabu kuti: “Yehova wa mizinda, Chiuta waku Isirayeli wakamba kuti, ‘Chifukwa chakuti mwavwiya dangu la mpapi winu wakali Yehonadabu ndipuso mulutirizga kuvwiya marangu ngaki ngosi ndi kuchita vosi vo wakukulamulani, 19 Yehova wa mizinda, Chiuta waku Isirayeli wakamba kuti: “Vazamuchitikapu cha kuti mubanja laku Yehonadabu* mwana waku Rekabu muŵevi munthu wakuti wateŵetiyengi pa masu pangu.”’”

36 Mu chaka chachinayi cha ulamuliru waku Yehoyakimu+ mwana waku Yosiya, fumu ya ku Yuda, Yehova wangukambiya Yeremiya kuti: 2 “To mpukutu ndipu ulembemu mazu ngosi ngo ndakukambiya ngakukwaskana ndi Isirayeli, Yuda+ kweniso mitundu yosi ya ŵanthu,+ kutuliya pa zuŵa lakwamba lo ndingulongoro nawi mu mazuŵa ngaku Yosiya mpaka msanawale.+ 3 Panyaki asani ŵanthu a munyumba ya ku Yuda avwa masoka ngosi ngo ndikhumba kuŵawisiya, angatuwaku ku nthowa zawu ziheni, kuti ndiŵagowoke kunanga kwawu ndipuso ubudi wawu.”+

4 Pavuli paki, Yeremiya wangudana Baruki+ mwana waku Neriya, ndipu Yeremiya wangukamba mazu ngosi ngo Yehova wangumukambiya ndipu Baruki wangungalemba mumpukutu.+ 5 Sonu Yeremiya wangukambiya Baruki kuti: “Akundijaliya ndipu ndingasere cha munyumba yaku Yehova. 6 Mwaviyo, yiwi ndiwi uluti kuti ukaŵerengi mwakukweza mazu ngaku Yehova kutuliya mumpukutu wo ukulemba ndati ndakukambiya. Ukangaŵerengi pa masu pa ŵanthu panyumba yaku Yehova pa zuŵa la kufunga; ukaŵerenge ŵanthu wosi a ku Yuda wo ŵaza kutuliya mumatawuni ngawu. 7 Panyaki Yehova wangavwa pemphu lawu lakuti waŵachitiyi lisungu, ndipu weyosi waku yiwu wangatuwaku ku nthowa zaki ziheni, pakuti Yehova wakamba kuti walongongi ŵanthu yaŵa kukwiya kwaki kweniso ukali waki ukulu.”

8 Mwaviyo, Baruki mwana waku Neriya wanguchita vosi vo mchimi Yeremiya wangumulamula; iyu wanguŵerenga mwakukweza mazu ngaku Yehova nga mumpukutu wo, panyumba yaku Yehova.+

9 Sonu mu chaka chachinkhondi cha ulamuliru waku Yehoyakimu+ mwana waku Yosiya, fumu yaku Yuda, mu mwezi wa 9, ŵanthu wosi a mu Yerusalemu kweniso ŵanthu wosi wo anguza mu Yerusalemu kutuliya mumatawuni nga ku Yuda, anguŵakambiya kuti afungi pa masu paku Yehova.+ 10 Pavuli paki, Baruki wanguŵerenga mwakukweza mazu ngaku Yeremiya kutuliya mumpukutu panyumba yaku Yehova, muchipinda* chaku Gemariya+ mwana waku Shafani+ mlembi, mubalaza lakunena, pakhomu la geti lifya la nyumba yaku Yehova,+ pa masu pa ŵanthu wosi.

11 Mikaya mwana waku Gemariya, mwana waku Shafani, wati wavwa mazu ngosi ngaku Yehova kutuliya mumpukutu, 12 wangusikiya kunyumba ya fumu ndipu wangusere muchipinda cha mlembi. Alongozgi wosi anguja* pasi mwenimo. Mwenga Elishama+ mlembi, Delaya mwana waku Shemaya, Elinatani+ mwana waku Akibori,+ Gemariya mwana waku Shafani, Zedekiya mwana waku Hananiya ndipuso alongozgi anyaki wosi. 13 Mikaya wanguŵakambiya mazu ngosi ngo wanguvwa pa nyengu yo Baruki waŵerenganga mazu nga mumpukutu pa masu pa ŵanthu.

14 Pavuli paki, alongozgi wosi angutuma Yehudi mwana waku Netaniya, mwana waku Selemiya, mwana waku Kushayi kuti waluti kwaku Baruki kuti wakamukambiyi kuti: “Uzi kunu ndipu upingi mpukutu wo unguŵerenga pa masu pa ŵanthu wosi.” Baruki mwana waku Neriya wangupinga mpukutu kujanja laki ndipu wanguluta kwaku yiwu. 15 Yiwu angumukambiya kuti: “Ja pasi, ndipu utiŵerenge mwakukweza mazu ngo nge mumpukutu.” Mwaviyo, Baruki wanguŵawerenge mazu ngo.

16 Sonu ŵati avwa mazu ngosi, angulereskana mwamantha, ndipu angukambiya Baruki kuti: “Titenere kukambiya fumu mazu ngosi ngenanga kwambula kutondeka.” 17 Pavuli paki, angukambiya Baruki kuti: “Tikambiyi mo walembe mazu ngosi ngenanga. Kumbi Yeremiya ndiyu wakukambiya?” 18 Baruki wanguŵamuka kuti: “Iyu ndiyu wandikambiya mazu ngosi ngenanga ndipu ini ndangalemba ndi inki mumpukutu uwu.” 19 Alongozgi angukambiya Baruki kuti: “Yiwi ndi Yeremiya lutani kuti mukabisami ndipu munthu weyosi wangaziŵanga cha ko muli.”+

20 Pavuli paki, yiwu angusere munyumba ya fumu, mubalaza, ndipu anguŵika mpukutu muchipinda chaku Elishama mlembi. Yiwu angukambiya fumu vosi vo anguvwa.

21 Mwaviyo, fumu yingutuma Yehudi+ kuti wakato mpukutu, ndipu iyu wanguchiwuto muchipinda chaku Elishama mlembi. Yehudi wangwamba kuŵerenga mpukutu wo pa masu pa fumu kweniso alongozgi wosi wo anguma pafupi ndi fumu. 22 Mwenga mu mwezi wa 9,* ndipu fumu yinguja munyumba yaki yakujamu mu nyengu yakuzizira, panthazi paki penga mbawula ya motu. 23 Asani Yehudi waŵerenga vigaŵa vitatu pamwenga vinayi va mpukutu wo, fumu yadumuwanga vigaŵa vo ndi chimayi cha mlembi ndipu yaviponyanga pamotu wo wakolenga mumbawula, mpaka mpukutu wosi ungumaliya pamotu wo wenga mumbawula. 24 Yiwu anguchita mantha cha; ndipu fumu kweniso ateŵeti ŵaki wosi wo anguvwa mazu ngo, angukeruwa cha vakuvwala vawu. 25 Chinanga kuti Elinatani,+ Delaya+ ndi Gemariya+ anguŵeyere fumu kuti yileki kuwotcha mpukutu wo, kweni fumu yinguŵavwiya cha. 26 Kweniso, fumu yingulamula Yerameli mwana wa fumu, Seraya mwana waku Aziriyeli ndipuso Selemiya mwana waku Abideli kuti akako Baruki mlembi ndi mchimi Yeremiya, kweni Yehova wanguŵabisa.+

27 Fumu yati yawotcha mpukutu wo wenga ndi mazu ngo Baruki wangulemba ngakutuliya kwaku Yeremiya,+ Yehova wangukambiya so Yeremiya kuti: 28 “To mpukutu unyaki ndipu ulembemu mazu ngosi ngakuyanana ndi ngo ngenga mumpukutu wakwamba wo Yehoyakimu fumu ya ku Yuda yikuwotcha.+ 29 Ndipu ukakambiyi Yehoyakimu fumu ya ku Yuda kuti, ‘Yehova wakamba kuti: “Wawotcha mpukutu uwu ndi kukamba kuti, ‘Ntchifukwa wuli walembamu kuti: “Kwambula kutondeka, fumu ya ku Babiloni yizengi ndi kunanga charu ichi ndipu muŵengevi ŵanthu kweniso vinyama”?’+ 30 Mwaviyo, ivi ndivu Yehova wakamba vakukwaskana ndi Yehoyakimu fumu ya ku Yuda, ‘Pazamuŵavi munthu wa mubanja laki yo wazamuja pampandu waufumu waku Davidi,+ ndipu thupi laki lazamulekeka pa lumwi ndi msana kweniso pamalu ngakuzizira ndi usiku.+ 31 Iyu, ŵana ŵaki* ndi ateŵeti ŵaki ndazakuŵamba mulandu chifukwa cha kunanga kwawu, ndipu ndazamuwisiya paku yiwu, pa ŵanthu akuja mu Yerusalemu kweniso pa ŵanthu a ku Yuda masoka ngosi ngo ndinguŵakambiya kuti ngaŵawiyengi,+ kweni anguvwa cha.’”’”+

32 Pavuli paki, Yeremiya wanguto mpukutu unyaki, wanguwupereka kwaku Baruki mwana waku Neriya, mlembi,+ ndipu wangulembamu mazu ngosi ngo Yeremiya wangumukambiya, ngo ngenga mumpukutu wo Yehoyakimu fumu ya ku Yuda wanguwotcha pamotu.+ Ndipu wangusazgiyamu so mazu nganyaki nganandi ngakuyanana ndi ngo ngenga mumpukutu wakwamba.

37 Ndipu Fumu Zedekiya+ mwana waku Yosiya yingwamba kulamuliya mumalu mwaku Koniya*+ mwana waku Yehoyakimu, pakuti Nebukadinezara* fumu ya ku Babiloni wangumuŵika kuja fumu mucharu cha Yuda.+ 2 Kweni iyu, ateŵeti ŵaki ndipuso ŵanthu a mucharu cho anguvwiya cha mazu ngo Yehova wangukamba kuziya mwa mchimi Yeremiya.

3 Ndipu Fumu Zedekiya yingutuma Yehukali+ mwana waku Selemiya ndipuso Zefaniya+ mwana waku Maseya, wasembi, kuti waluti kwaku Yeremiya kuti wakamukambiyi kuti: “Chondi tipemphere kwaku Yehova Chiuta widu.” 4 Yeremiya wayendanga mwakufwatuka pakati pa ŵanthu chifukwa chakuti wenga wechendaŵikiki mujeri.+ 5 Sonu asilikali aku Farawo angunyamuka ku Ijipiti+ ndipu Akadiya wo anguzingiliza Yerusalemu anguvwa vakukwaskana ndi yiwu. Mwaviyo angutuwaku ku Yerusalemu.+ 6 Pavuli paki, Yehova wangukambiya mchimi Yeremiya kuti: 7 “Yehova Chiuta waku Isirayeli wakamba kuti, ‘Fumu ya ku Yuda yo yakutuma kuti uzifumbi kwaku ini, ukayikambiyi kuti: “Awona! Asilikali aku Farawo wo atuza kuzikuwovya azamuwere kucharu chawu, cha Ijipiti.+ 8 Akadiya azamukuza so ndipu azamuchita nkhondu ndi tawuni iyi, azakuyilonda ndi kuyiwotcha ndi motu.”+ 9 Yehova wakamba kuti, “Mungajipusikanga cha ndi kukamba kuti, ‘Akadiya azamutuliyaku limu kwaku isi,’ pakuti azamutuliyaku limu cha. 10 Chinanga mungabaya asilikali wosi a Akadiya wo achita namwi nkhondu ndi kujaku ŵaka anthulumi akupwetekeka, yiwu angayuka mbwenu kutuliya mumahema ngawu ndi kotcha tawuni iyi ndi motu.”’”+

11 Asilikali a Akadiya ŵati atuwaku ku Yerusalemu chifukwa cha asilikali aku Farawo,+ 12 Yeremiya wangusoka ku Yerusalemu kuti waluti kucharu cha Benjamini+ kuti wakalonde chigaŵa chaki pakati pa ŵanthu ŵaki. 13 Kweni wati wafika pa Geti Laku Benjamini, mura wa alonda zina laki Iriya, mwana waku Selemiya, mwana waku Hananiya wanguko Yeremiya ndi kumukambiya kuti: “Uthaŵiya kwa Akadiya!” 14 Yeremiya wangukamba kuti: “Awa ndi viyo cha! Ndithaŵiya kwa Akadiya cha.” Kweni Iriya wangumuvwiya cha. Mwaviyo Iriya wangumanga Yeremiya ndi kuluta nayu kwa alongozgi. 15 Alongozgi angumukwiyiya ukongwa Yeremiya+ ndipu angumukhwapa ndi kumuŵika mujeri*+ munyumba yaku Yehonatani, mlembi, yo anguyisambusa jeri. 16 Yeremiya angumuŵika mujeri,* muvipinda vapasi, ndipu wangujamu kwa mazuŵa nganandi.

17 Pavuli paki, Fumu Zedekiya yingudaniya Yeremiya munyumba yaki,* ndipu yingumufumba mafumbu mwachisisi.+ Fumu yo yingufumba kuti, “Pe mazu ngengosi ngo Yehova wakamba?” Yeremiya wangumuka kuti, “Hinya ngalipu!” ndipu wangulutirizga kukamba kuti, “Yimwi mwazamuperekeka mu manja mwa fumu ya ku Babiloni!”+

18 Yeremiya wangukambiya so Fumu Zedekiya kuti: “Kumbi ndakunangiyaninji, yimwi, ateŵeti ŵinu kweniso ŵanthu yaŵa, kuti mundiŵiki mujeri? 19 Sonu ŵe pani achimi ŵinu wo akukambiyaningi mauchimi, kuti, ‘Fumu ya ku Babiloni yizengi cha kuziyukiya yimwi kweniso charu ichi’?+ 20 Sonu avwani, yimwi ambuya fumu yangu. Chondi ndichitiyeni lisungu. Mungandiweziyanga kunyumba yaku Yehonatani+ mlembi cha, pakuti mbwenu ndamukufwa.”+ 21 Mwaviyo Fumu Zedekiya yingulamula kuti Yeremiya waŵikiki mujeri mu Balaza la Alonda,+ ndipu zuŵa lelosi amupaskanga chiŵandi chimoza chakuzunguliya kutuliya kumsewu wa akupanga viŵandi+ mpaka po viŵandi vosi vingumaliya mutawuni yo.+ Ndipu Yeremiya wangulutirizga kuja mu Balaza la Alonda.

38 Sonu Shefatiya mwana waku Matani, Gedaliya mwana waku Pasuri, Yukali+ mwana waku Selemiya, ndi Pasuri+ mwana waku Malikiya, anguvwa mazu ngo Yeremiya wakambiyanga ŵanthu wosi, ngakuti: 2 “Yehova wakamba kuti, ‘Munthu yo wajengi mutawuni iyi wafwengi ndi lipanga, nja kweniso mulili.*+ Kweni yo wajiperekengi* kwa Akadiya walutirizgengi kuja ndi umoyu. Walondiyengi umoyu waki nge vinthu vakuphangika ku nkhondu* ndipu wajengi ndi umoyu.’+ 3 Yehova wakamba kuti, ‘Tawuni iyi yiperekekengi kwa asilikali a fumu ya ku Babiloni ndipu fumu yo, yilondengi tawuni iyi.’”+

4 Alongozgi angukambiya fumu kuti: “Zomerezani kuti munthu uyu wabayiki,+ pakuti waderuwa nthazi asilikali wo ŵeche mutawuni iyi, kweniso ŵanthu wosi, chifukwa cha mazu ngo watiŵakambiya. Pakuti munthu uyu watiŵakhumbiya chimangu cha ŵanthu yaŵa, kweni soka.” 5 Fumu Zedekiya yingumuka kuti: “We mu manja mwinu, pakuti fumu yingakukanizani cha.”

6 Mwaviyo, anguto Yeremiya ndipu angumuponya muchisimi chaku Malikiya mwana wa fumu, cho chenga mu Balaza la Alonda.+ Yiwu angusisiya Yeremiya muchisimi cho ndi vingwi. Muchisimi cho, mwengavi maji kweni mwenga ulambwi pe, ndipu Yeremiya wangwamba kutitimiya mu ulambwi.

7 Ebedi-meleki+ wa ku Ifiyopiya, munthu wakutheneka yo wajanga* munyumba ya fumu, wanguvwa kuti Yeremiya amuponya muchisimi. Pa nyengu iyi, fumu yenga pa Geti Laku Benjamini,+ 8 mwaviyo, Ebedi-meleki wangutuwa munyumba ya fumu ndipu wanguluta kuchilongoro ndi fumu. Iyu wangukamba kuti: 9 “Yimwi ambuya fumu yangu, vinthu vo ŵanthu yaŵa achitiya mchimi Yeremiya viheni ukongwa! Yiwu amuponya muchisimi, ndipu wafwiyengi mwenimo chifukwa cha nja, pakuti mulivi viŵandi mutawuni iyi.”+

10 Pavuli paki, fumu yingulamula Ebedi-meleki wa ku Ifiyopiya kuti: “Uto anthulumi 30 kwenikunu, ndipu mukamutuzgi muchisimi mchimi Yeremiya wechendafwi.” 11 Sonu Ebedi-meleki wanguto anthulumi wo ndipu wanguluta nawu munyumba ya fumu muchipinda cho chenga pasi pa chipinda chakusungamu chuma.+ Angutomu malizwazwa ndi salu zakumala, ndipu anguvisisiya muchisimi mo mwenga Yeremiya mwakugwiriskiya ntchitu vingwi. 12 Pavuli paki, Ebedi-meleki wa ku Ifiyopiya wangukambiya Yeremiya kuti: “Uto malizwazwa ndi salu zakumala zo, uviŵiki munkhwapa ndipu vingwi uviŵiki kusi kwa malizwazwa ndi salu zo.” Yeremiya wanguchita nadi viyo, 13 ndipu yiwu anguguza Yeremiya ndi vingwi ndi kumutuzgamu muchisimi cho. Yeremiya wangulutirizga kuja mu Balaza la Alonda.+

14 Fumu Zedekiya yingudanisa mchimi Yeremiya kuti wazi kwaku iyu pakhomu lachitatu, lo le munyumba yaku Yehova, ndipu fumu yingukambiya Yeremiya kuti: “Ndikhumba kukufumba vinthu vinyaki. Ungandibisanga chechosi cha.” 15 Pavuli paki, Yeremiya wangukambiya Zedekiya kuti: “Asani ndingakukambiyani, mundibayengi. Ndipu asani ndingakupaskani ulongozgi, mundivwiyengi cha.” 16 Sonu Fumu Zedekiya yingulapizga kwaku Yeremiya mwachisisi, kuti: “Ndilapizga mu zina laku Yehova Chiuta wamoyu, yo wakutipaska umoyu uwu, kuti ndikubayengi cha ndipuso ndikuperekengi cha mu manja mwa ŵanthu yaŵa wo akhumba kukubaya.”

17 Pavuli paki, Yeremiya wangukambiya Zedekiya kuti: “Yehova Chiuta wa mizinda, Chiuta waku Isirayeli wakamba kuti, ‘Asani mujiperekengi* kwa alongozgi akuzirwa a fumu ya ku Babiloni, mutaskengi umoyu winu ndipu tawuni iyi yiwotchekengi cha ndi motu, kweniso yimwi ndi a munyumba yinu mubayikengi cha.+ 18 Kweni asani mujiperekengi* cha kwa alongozgi akuzirwa a fumu yaku Babiloni, tawuni iyi yiperekekengi kwa Akadiya, ayiwotchengi ndi motu,+ ndipu yimwi muthaŵengi cha mu manja mwawu.’”+

Achitiska kuti malundi nginu ngabiri mu ulambwi.

Ndipu sonu atuwaku kwaku yimwi ndi kukulekani.’

23 Awolu ŵinu wosi ndipuso ŵana ŵinu atiŵatole kwa Akadiya ndipu yimwi muthaŵengi cha mu manja mwawu, kweni mukolekengi ndi fumu ya ku Babiloni,+ ndipu tawuni iyi yiwotchekengi ndi motu chifukwa chaku yimwi.”+

24 Zedekiya wangukambiya Yeremiya kuti: “Munthu weyosi wangayiziŵanga cha nkhani iyi, kuti uleki kufwa. 25 Ndipu asani alongozgi avwa kuti ndalongoro nawi ndipu aza kwaku yiwi ndi kukukambiya kuti, ‘Chondi tikambiyi vo wakambiya fumu. Ungatibisanga chechosi cha ndipu tikubayengi cha.+ Kumbi fumu yakukambiyanji?’ 26 ukaŵamuki kuti, ‘Ndapemphanga fumu kuti yingandiweziyanga kunyumba yaku Yehonatani cha kuti ndingachifwiya kweniko.’”+

27 Pati pajumpha nyengu, alongozgi wosi anguza kwaku Yeremiya ndipu angumufumba mafumbu. Iyu wanguŵakambiya vosi vo fumu yingumulamula kuti wakakambi. Mwaviyo, angumukambiya so chechosi cha, pakuti pengavi yo wanguziŵa vo angukambiskana. 28 Yeremiya wangulutirizga kuja mu Balaza la Alonda+ mpaka pa zuŵa lo Akadiya angulonde Yerusalemu; iyu wenga weche mwenimo Yerusalemu wachilondeka.+

39 Mu chaka cha 9 cha ulamuliru wa Fumu Zedekiya ya ku Yuda, mu mwezi wa 10, Fumu Nebukadinezara* ya ku Babiloni ndi asilikali ŵaki wosi, anguza ku Yerusalemu, ndipu anguzingiliza tawuni yo.+

2 Mu chaka cha 11 cha ulamuliru waku Zedekiya, mu mwezi wachinayi, pa zuŵa la 9 la mwezi wo, yiwu angutolo mpanda wa tawuni yo.+ 3 Ndipu alongozgi wosi akuzirwa a fumu ya ku Babiloni angusere mutawuni yo ndi kuja pasi pa Geti Lapakati,+ ndipu mazina ngawu ngenga yanga, Nega-sharezara yo wenga Samugari, Nebo-sarisekimu yo wenga Rabisarisi,* Nega-sharezara yo wenga Rabimagi,* kweniso alongozgi anyaki wosi a fumu ya ku Babiloni.

4 Fumu Zedekiya ya ku Yuda ndi asilikali wosi ŵati aŵawona, anguthaŵa,+ yiwu angutuwa mutawuni ndi usiku kuziya munthowa yakuluta kumunda wa fumu, angujumpha pa geti lo lenga pa mipanda yiŵi ndipu anguselere kunthowa ya ku Araba.+ 5 Kweni asilikali a Akadiya anguŵaskera ndipu Zedekiya angumusaniya muvidika va Yeriko.+ Angumuko ndi kuluta nayu kwaku Nebukadinezara* fumu ya ku Babiloni ku Ribila+ mucharu cha Hemati,+ ko wangumuyeruzgiya. 6 Fumu ya ku Babiloni yingubaya ŵana aku Zedekiya ku Ribila, iyu wachilereska, kweniso fumu yaku Babiloni yingubaya ŵanthu wosi akuzirwa a ku Yuda.+ 7 Pavuli paki, yingutolo masu ngaku Zedekiya ndipu yingumumanga ndi simbi zamkuŵa kuti aluti nayu ku Babiloni.+

8 Pavuli paki, Akadiya anguwotcha nyumba ya fumu kweniso nyumba za ŵanthu+ ndipuso anguwisiya pasi mpanda wa Yerusalemu.+ 9 Nebuzaradani+ yo wenga mura wa asilikali wo avikiliyanga fumu, wangutole ku ukapolu ku Babiloni, ŵanthu wosi wo angujaliya mutawuni yo, ŵanthu wo anguthaŵiya kwaku iyu kweniso munthu weyosi yo wangujaku.

10 Kweni Nebuzaradani yo wenga mura wa asilikali wo avikiliyanga fumu, wangusiyamu ŵanthu akavu ukongwa mucharu cha Yuda, wo ŵengavi chechosi. Pa zuŵa lenili wanguŵapaska so minda ya mphereska ndipuso minda yinyaki kuti alimengi.*+

11 Sonu Fumu Nebukadinezara ya ku Babiloni yingukambiya Nebuzaradani, yo wenga mura wa asilikali akuvikiliya fumu, vakukwaskana ndi Yeremiya kuti: 12 “Umuto ndipu umuphweriyengi, ungamuchitiyanga nkhaza cha ndipuso umupaskengi chechosi cho wakupempha.”+

13 Sonu Nebuzaradani yo wenga mura wa asilikali akuvikiliya fumu, Nubushazibani yo wenga Rabisarisi,* Nega-sharezara yo wenga Rabimagi* ndipuso ŵanthu wosi akuzirwa a ku Babiloni angutuma ŵanthu 14 kuti akato Yeremiya mu Balaza la Alonda+ ndi kumupereka kwaku Gedaliya+ mwana waku Ahikamu,+ mwana waku Shafani+ kuti aluti nayu kunyumba yaki. Mwaviyo, Yeremiya wajanga pakati pa ŵanthu.

15 Pa nyengu yo Yeremiya angumujaliya mu Balaza la Alonda,+ Yehova wangulongoro nayu ndipu wangumukambiya kuti: 16 “Luta kwaku Ebedi-meleki+ wa ku Ifiyopiya ndipu ukamukambiyi kuti, ‘Yehova wa mizinda, Chiuta waku Isirayeli wakamba kuti: “Awona! ndifiska vo ndingukamba vakukwaskana ndi tawuni iyi kuti ndiyiwisiyengi soka, vinthu vamampha cha, ndipu mu zuŵa lenilo, wazamuwona venivi vichichitika.”’

17 “‘Kweni mu zuŵa lenili, ndazakukutaska,’ Yehova ndiyu wakamba, ‘ndipu wazamuperekeka cha mu manja mwa ŵanthu wo utopa.’

18 “‘Pakuti ndazakukutaska kwambula kutondeka, ndipu wazamubayika cha ndi lipanga. Wazamulonde umoyu waku nge vinthu vakuphangika ku nkhondu,*+ chifukwa chakuti unguthemba ini,’+ Yehova ndiyu wakamba.”

40 Yehova wangulongoro ndi Yeremiya, Nebuzaradani+ mura wa asilikali akuvikiliya fumu wati wafwatuwa Yeremiya ku Rama.+ Nebuzaradani wangumutole kwenuku we mu simbi ndipu wenga limoza ndi ŵanthu a ku Yerusalemu ndi ku Yuda wo alutanga nawu ku Babiloni. 2 Pavuli paki, mura wa asilikali akuvikiliya fumu wanguto Yeremiya ndipu wangumukambiya kuti: “Yehova Chiuta waku wangukambiya limu kuti soka ili liwiyengi malu yanga, 3 ndipu Yehova wawisa nadi soka nge mo wangukambiya, chifukwa chakuti mwaŵanthu yimwi mungubudiya Yehova ndipu munguvwiya cha mazu ngaki. Ndichu chifukwa chaki ivi vakuchitikiyani.+ 4 Sonu nditikufwatuwa ku simbi zo zenga kumanja ngaku. Asani ukhumba kuluta nani ku Babiloni, mbwenu tiyeni, ndipu ndakukuphwere. Kweni asani ukhumba cha kuluta nani ku Babiloni mbwenu kuluta cha. Awona! Charu chosi ichi che pa masu paku. Luta kwekosi ko wakhumba.”+

5 Yeremiya wechendanyamuki, Nebuzaradani wangumukambiya kuti: “Were kwaku Gedaliya+ mwana waku Ahikamu,+ mwana waku Shafani,+ yo fumu ya ku Babiloni yamusankha kuti walamuliyengi matawuni nga ku Yuda ndipu ukajengi nayu pakati pa ŵanthu ŵaku; pamwenga luta kwekosi ko wakhumba.”

Mura wa asilikali akuvikiliya fumu wangumupaska chakurya kweniso mphasu ndipu wangumukambiya kuti wakengi. 6 Mwaviyo, Yeremiya wanguluta kwaku Gedaliya mwana waku Ahikamu ku Mizipa+ ndipu wanguja nayu kweniko pakati pa ŵanthu wo angujaliya mucharu cho.

7 Pati pajumpha nyengu, ŵara ŵa asilikali wo ŵenga kuvigaŵa vakubwalu kwa tawuni limoza ndi ŵanthu ŵawu, anguvwa kuti fumu ya ku Babiloni yikusankha Gedaliya mwana waku Ahikamu kuti walamuliyengi charu cho ndipuso kuti yikumusankha kuti waje ndi mazaza pa anthulumi, anthukazi ndipuso ŵana a ŵanthu akavu a mucharu cho, wo anguleka kutoleke ku Babiloni.+ 8 Mwaviyo, yiwu anguluta kwaku Gedaliya ku Mizipa.+ Ŵanthu yaŵa ŵenga Ishimayeli+ mwana waku Netaniya, Yohanani+ ndi Yonatani, ŵana aku Kareya, Seraya mwana waku Tanihumeti, ŵana aku Efayi wa ku Netofa, ndipuso Yezaniya+ mwana wa munthu wa ku Mayakati. Yiwu ŵenga limoza ndi ŵanthu ŵawu. 9 Gedaliya mwana waku Ahikamu mwana waku Shafani wangulapizga kwaku yiwu kweniso ku ŵanthu ŵawu, ndipu wangukamba kuti: “Mungawopanga cha kuteŵete Akadiya. Jani mucharu chinu ndi kuteŵete fumu ya ku Babiloni, ndipu vinthu vikuyendiyeningi umampha.+ 10 Ini ndamuja ku Mizipa kuti nkhakumiyeni kwa* Akadiya wo atuza kwaku isi. Kweni yimwi muwunganisi vinyu, vipasu va mu chihanya kweniso mafuta ndipu muviŵiki muviyaŵi vakusungiyamu vinthu. Lutani mukajengi mumatawuni ngo mwalonda.”+

11 Ndipu Ayuda wosi wo ajanga ku Mowabu, ku Amoni, ku Edomu kweniso wo ajanga muvyaru vinyaki vosi, nawu so anguvwa kuti fumu ya ku Babiloni yazomereza kuti ŵanthu akujaku alutirizgi kuja mu Yuda ndipuso kuti yasankha Gedaliya mwana waku Ahikamu, mwana waku Shafani, kuti waŵalamuliyengi. 12 Mwaviyo, Ayuda wosi angwamba kuweku kumalu ngosi ngo angumbininikiya, ndipu anguza kucharu cha ku Yuda, kwaku Gedaliya ku Mizipa. Yiwu anguwunganisa vinyu munandi ukongwa ndipuso vipasu vinandi ukongwa va mu chihanya.

13 Yohanani mwana waku Kareya ndi ŵara wosi ŵa asilikali wo ŵenga kuvigaŵa vakubwalu kwa tawuni anguza kwaku Gedaliya ku Mizipa. 14 Yiwu angumufumba kuti: “Kumbi muziŵa kuti Balisi, fumu ya Aamoni,+ yatuma Ishimayeli mwana waku Netaniya kuti wazikubayeni?”+ Kweni Gedaliya mwana waku Ahikamu wanguŵagomezga cha.

15 Pavuli paki, Yohanani mwana waku Kareya wangukambiya Gedaliya mwachisisi ku Mizipa kuti: “Ndikhumba kuchibaya Ishimayeli mwana waku Netaniya ndipu palivi yo waziŵengi. Ntchifukwa wuli wakhumba kukubayani, kweniso ŵanthu wosi a ku Yuda wo awungana kwaku yimwi ambininikiyenji, ndipu ŵanthu akujaku wo ŵe ku Yuda amaliyenji?” 16 Kweni Gedaliya+ mwana waku Ahikamu wangukambiya Yohanani mwana waku Kareya kuti: “Ungachitanga cha venivo, chifukwa vo ukamba vakukwaskana ndi Ishimayeli vaboza.”

41 Mu mwezi wa 7, Ishimayeli+ mwana waku Netaniya, mwana waku Elishama wa mubanja la fumu,* ndipuso yumoza wa ŵanthu akuzirwa a fumu, wanguza ndi anthulumi 10 kwaku Gedaliya mwana waku Ahikamu ku Mizipa.+ Achiryiya limoza chakurya ku Mizipa, 2 Ishimayeli mwana waku Netaniya ndipuso anthulumi 10 wo wenga nawu, angusoka ndipu angubaya Gedaliya mwana waku Ahikamu, mwana waku Shafani ndi lipanga. Iyu wangubaya munthu yo fumu ya ku Babiloni yingumusankha kuti walamuliyengi charu cho. 3 Ishimayeli wangubaya so Ayuda wo ŵenga ndi Gedaliya ku Mizipa kweniso asilikali wosi a Akadiya wo ŵenga kweniko.

4 Pa zuŵa lachiŵi kutuliya po Gedaliya wangubayikiya, munthu weyosi wechendaziŵi, 5 kunguza anthulumi 80 kutuliya ku Sekemu,+ ku Shilo+ ndipuso ku Samariya.+ Yiwu angumeta mwembi wawu, angukeruwa vakuvwala vawu, angujichekacheka+ kweniso angupinga sembi za mbewu ndi libani+ mumanja mwawu kuti azipereki kunyumba yaku Yehova. 6 Sonu Ishimayeli mwana waku Netaniya wangutuwa ku Mizipa kuti wakakumani nawu, iyu waliyanga uku watenda. Wati wakumana nawu, wanguŵakambiya kuti: “Tiyeni kwaku Gedaliya mwana waku Ahikamu.” 7 Kweni ŵati afika mutawuni yo, Ishimayeli mwana waku Netaniya ndi ŵanthu ŵaki angubaya anthulumi wo ndi kuŵaponya muchisimi.

8 Kweni pakati pa anthulumi wo, penga anthulumi 10 wo angukambiya Ishimayeli kuti: “Kutibaya cha, pakuti tabisa tirigu, balire, mafuta ndi uchi kudondu.” Mwaviyo, wanguŵabaya cha limoza ndi abali ŵawu. 9 Sonu Ishimayeli wangutaya mathupi ngosi nga anthulumi wo wangubaya muchisimi chikulu cho fumu Asa yingukumba chifukwa chaku Basha fumu ya ku Isirayeli.+ Chisimi ichi ndichu Ishimayeli mwana waku Netaniya wanguzazamu mathupi nga ŵanthu wo wangubaya.

10 Ishimayeli wanguko ukapolu ŵanthu wosi wo ŵenga ku Mizipa,+ kusazgapu ŵana anthukazi a fumu kweniso ŵanthu wosi wo angujaku ku Mizipa, wo Nebuzaradani mura wa asilikali akuvikiliya fumu wanguŵaŵika mu manja mwaku Gedaliya+ mwana waku Ahikamu kuti waŵalamuliyengi. Ishimayeli mwana waku Netaniya wanguŵako ukapolu ndipu wangusoka nawu kuti wayambukiyi nawu kwa Aamoni.+

11 Yohanani+ mwana waku Kareya ndipuso ŵara wosi ŵa asilikali wo ŵenga nayu, ŵati ŵavwa vinthu viheni vo Ishimayeli mwana waku Netaniya wanguchita, 12 anguto anthulumi wosi ndipu angusoka kuti akachiti nkhondu ndi Ishimayeli mwana waku Netaniya. Yiwu angumusaniya pafupi ndi maji nganandi* ku Gibiyoni.

13 Ŵanthu wosi wo ŵenga ndi Ishimayeli angukondwa ŵati awona Yohanani mwana waku Kareya ndipuso ŵara wosi ŵa asilikali wo ŵenga nayu. 14 Pavuli paki, ŵanthu wosi wo Ishimayeli wanguŵako ukapolu ku Mizipa,+ angung’anamuka ndipu anguwelere ndi Yohanani mwana waku Kareya. 15 Kweni Ishimayeli mwana waku Netaniya kweniso anthulumi ŵaki 8 anguthaŵa Yohanani ndipu anguluta kwa Aamoni.

16 Yohanani mwana waku Kareya ndipuso ŵara ŵa asilikali wosi wo ŵenga nayu, anguto ŵanthu wosi wo angutuliya ku Mizipa, wo anguŵapozomoska mu manja mwaku Ishimayeli mwana waku Netaniya wati wabaya Gedaliya+ mwana waku Ahikamu. Yiwu anguto anthulumi, asilikali, anthukazi, ŵana, kweniso nduna kutuliya ku Gibiyoni. 17 Sonu angusoka ndipu anguchija kumalu ngakugonaku ngaku Chimuhamu pafupi ndi Betelehemu,+ yiwu akhumbanga kuluta ku Ijipiti+ 18 chifukwa cha Akadiya. Pakuti aŵawopanga, chifukwa chakuti Ishimayeli mwana waku Netaniya wangubaya Gedaliya mwana waku Ahikamu, yo fumu ya ku Babiloni yingumusankha kuti walamuliyengi charu cho.+

42 Sonu ŵara wosi ŵa asilikali, Yohanani+ mwana waku Kareya, Yezaniya mwana waku Hoshaya kweniso ŵanthu wosi, kwambiya mumana ukongwa mpaka mura ukongwa, anguza 2 ndipu angukambiya mchimi Yeremiya kuti: “Tichitiyi lisungu ndipu utipemphere kwaku Yehova Chiuta widu. Upemphere ŵanthu wosi akujaku yaŵa, pakuti tajaku amanavi ŵaka+ nge mo uwone. 3 Yehova Chiuta waku watikambiyi nthowa yo titenere kwendamu kweniso vo titenere kuchita.”

4 Mchimi Yeremiya wanguŵamuka kuti: “Ndavwa vo mwakamba, ndikupempheriyeningi kwaku Yehova Chiuta winu mwakukoliyana ndi pemphu linu, ndipu vosi vo Yehova wakumukeningi ndikukambiyeningi. Ndikubiseningi kanthu kekosi cha.”

5 Yiwu angumuka Yeremiya kuti: “Yehova waje kaboni wauneneska kweniso wakugomezgeka ndipu watilangi asani tilekengi kuchita mwakukoliyana ndi mo Yehova Chiuta widu watikambiyengi kuporote mwaku yiwi. 6 Kwali vo watikambiyengi vamampha pamwenga viheni, tivwiyengi mazu ngaku Yehova Chiuta widu, yo titikutumaku, kuti vinthu vitiyende umampha chifukwa chakuti tivwiya mazu ngaku Yehova Chiuta widu.”

7 Pati pajumpha mazuŵa 10, Yehova wangulongoro ndi Yeremiya. 8 Mwaviyo, Yeremiya wangudana Yohanani mwana waku Kareya, ŵara wosi ŵa asilikali wo ŵenga nayu, kweniso ŵanthu wosi, kwambiya mumana ukongwa mpaka mura ukongwa.+ 9 Iyu wanguŵakambiya kuti: “Yehova Chiuta waku Isirayeli, yo mungunditumaku kuti nkhapereki pemphu linu lakuti wakuchitiyeni lisungu, wakamba kuti: 10 ‘Asani mulutirizgengi kuja mucharu ichi, mbwenu ndikuzengeningi, ndikuwisiyeningi pasi cha, ndikupandeningi, ndikuchesuweningi cha, pakuti ndisinthengi maŵanaŵanu ngangu pa* soka lo ndakuwisiyani.+ 11 Mungawopanga cha chifukwa cha fumu ya ku Babiloni yo mutopa.’+

“‘Mungawopanga cha chifukwa chaku iyu,’ Yehova ndiyu wakamba, ‘pakuti nde namwi kuti ndikutaskeni kweniso kuti ndikupozomoskeni mu manja mwaki. 12 Ndikulongoningi lisungu+ ndipu iyu wakuchitiyeningi lisungu ndi kukuweziyani kucharu chinu.

13 “‘Kweni asani mukamba kuti, “Awa, tijengi mucharu ichi cha!” ndipu muvwiya cha mazu ngaku Yehova Chiuta winu 14 mwakukamba kuti, “Awa, mumalu mwaki tilutengi kucharu cha Ijipiti,+ ko tamuwona nkhondu cha pamwenga kuvwa chiwawa cha mbata, pamwenga kusoŵa chiŵandi; kweniko ndiku tamuja,” 15 mbwenu vwani mazu ngaku Yehova, yimwi ŵanthu akujaku a ku Yuda. Yehova wa mizinda, Chiuta waku Isirayeli wakamba kuti: “Asani mwasimikiza kuti muluta ku Ijipiti kuti mukaje kweniko,* 16 mbwenu lipanga lo mutopa, lakukusaniyani kweniko ku Ijipiti, nja yo mutopa yikulondoningi ku Ijipiti ndipu mwamufwiya kweniko.+ 17 Ndipu ŵanthu wosi wo asimikiza kuti aluta ku Ijipiti kuti akajengi kweniko, amukufwa ndi lipanga, nja kweniso mulili.* Palivi munthu yo wamupona pamwenga kuthaŵa soka lo ndakuŵawisiya.”’

18 “Pakuti Yehova wa mizinda, Chiuta waku Isirayeli wakamba kuti: ‘Nge mo ndingupunguliya ukali wangu kweniso kukwiya kwangu pa ŵanthu akuja mu Yerusalemu,+ ndimu so ndipunguliyengi ukali wangu paku yimwi asani mulutengi ku Ijipiti, ndipu mwamusambuka chinthu chakutembeka, chinthu chakuchitiska mantha, chinthu chakuyuyulika kweniso chinthu chakunyozeka,+ ndipu mwazakungawona so cha malu yanga.’

19 “Yehova wakususkani, yimwi ŵanthu akujaku a ku Yuda. Mungalutanga cha ku Ijipiti. Ziŵani kuti ndakutcheŵeskani msanawale 20 kuti kunanga kwinu kukubayiseningi. Pakuti mungundituma kwaku Yehova Chiuta winu kuti, ‘Ukatipemphere kwaku Yehova Chiuta widu, uzitikambiyi vosi vo Yehova Chiuta widu wakamba ndipu tazakuvichita.’+ 21 Msanawale ndakukambiyani vo Chiuta wakamba, kweni muvwiyengi cha mazu ngaku Yehova Chiuta winu pamwenga kuchita vo wandituma kuti ndikukambiyeni.+ 22 Mwaviyo, ziŵani kuti mwamukufwa nadi ndi lipanga, nja kweniso mulili, kumalu ko mukhumba kuluta kuti mukajengi.”+

43 Yeremiya wati wamaliza kukambiya ŵanthu wosi mazu ngosi ngenanga ngakutuliya kwaku Yehova Chiuta wawu, mazu ngosi ngo Yehova Chiuta wawu wangumutuma kuti wakaŵakambiyi, 2 Azariya mwana waku Hoshaya, Yohanani+ mwana waku Kareya ndipuso anthulumi wosi akujikuzga angukambiya Yeremiya kuti: “Vo ukamba vaboza! Yehova Chiuta widu wakutumapu cha kuti utikambiyi kuti, ‘Mungalutanga cha ku Ijipiti kuti mukaje kweniko.’ 3 Kweni Baruki+ mwana waku Neriya ndiyu wakuchitiska kuti ukambi venivi ndi chilatu chakuti tiperekeki mu manja mwa Akadiya, tibayiki pamwenga titoleke ku ukapolu ku Babiloni.”+

4 Mwaviyo, Yohanani mwana waku Kareya, ŵara wosi ŵa asilikali kweniso ŵanthu wosi anguvwiya cha mazu ngaku Yehova ngakuti aje mucharu cha Yuda. 5 Mumalu mwaki, Yohanani mwana waku Kareya kweniso ŵara wosi ŵa asilikali, anguto akujaku wosi a ku Yuda wo anguwere mucharu cha Yuda kuti ajengi mwenimo, kutuliya muvyaru vosi vo angumbininiskikiyaku.+ 6 Yiwu anguto anthulumi, anthukazi, ŵana, ŵana anthukazi a fumu ndipuso ŵanthu wosi wo Nebuzaradani+ mura wa asilikali akuvikiliya fumu wanguŵaŵika mu manja mwaku Gedaliya+ mwana waku Ahikamu,+ mwana waku Shafani,+ kweniso mchimi Yeremiya ndi Baruki mwana waku Neriya. 7 Yiwu anguluta ku Ijipiti, chifukwa chakuti anguvwiya cha mazu ngaku Yehova ndipu anguchifika mpaka ku Tapanesi.+

8 Pavuli paki, Yehova wangulongoro ndi Yeremiya ku Tapanesi ndipu wangukamba kuti: 9 “Uto mya yikuluyikulu mumanja mwaku, ndipu ukayibisi mukanthowa kanjerwa ko ke pakhomu la nyumba yaku Farawo ku Tapanesi ndi kujalapu ndi dongu lakukasa. Ukachiti venivi anthulumi a ku Yuda achilereska. 10 Pavuli paki, ukaŵakambiyi kuti, ‘Yehova wa mizinda, Chiuta waku Isirayeli wakamba kuti, “Ndidana Nebukadinezara* fumu yaku Babiloni, mteŵeti wangu,+ ndiŵikengi mpandu waki waufumu pachanya pa mya iyi yo ndabisa, ndipu iyu watandawuwengi hema laki lachifumu pachanya pa mya yo.+ 11 Iyu wazengi ndi kuziyukiya charu cha Ijipiti.+ Weyosi yo watenere kufwa ndi mulili wakubaya, wazamukufwa ndi mulili wakubaya, weyosi yo watenere kutoleke ku ukapolu, wazamutoleke ku ukapolu, ndipu weyosi yo watenere kufwa ndi lipanga, wazamukufwa ndi lipanga.+ 12 Ndazamubuska nyumba* za achiuta a ku Ijipiti,+ ndipu Nebukadinezara wazamuwotcha achiuta wo ndi kuluta nawu ku ukapolu. Wazakujivwalika charu cha Ijipiti nge mo mliska wavwaliya chakuvwala chaki ndipu wazamutuwamu mucharu cho mwachimangu.* 13 Wazamuvikita vipilala va ku Beti-shemeshi* mucharu cha Ijipiti, ndipuso wazamuwotcha ndi motu nyumba* za achiuta a ku Ijipiti.”’”

44 Chiuta wangukambiya Yeremiya kuti wakakambiyi Ayuda wosi wo ajanga mucharu cha Ijipiti,+ wo ajanga ku Migidoli,+ ku Tapanesi,+ ku Nofi*+ ndipuso ku Patirosi,+ kuti: 2 “Yehova wa mizinda, Chiuta waku Isirayeli wakamba kuti, ‘Mwawona masoka ngosi ngo ndawisiya Yerusalemu+ kweniso matawuni ngosi nga ku Yuda, ndipu msanawale matawuni ngo ndi mahami, ngambula ŵanthu.+ 3 Ndinguchita viyo chifukwa cha vinthu viheni vo achitanga kuti andikwiyisi. Yiwu alutanga kuchipereka sembi+ kweniso kuchiteŵete achiuta anyaki wo yiwu, yimwi kweniso apapi ŵinu akali, mukuŵaziŵapu cha.+ 4 Ndakutumiyaningi ateŵeti ŵangu wosi achimi, ndaŵatumanga mwakuwerezawereza* ndipu akukambiyaningi kuti: “Chondi mungachitanga cha vinthu vakuseruska ivi vo nditinkha.”+ 5 Kweni anguvwiya cha pamwenga kukhazaku gutu lawu kuti atuweku ku vinthu viheni vo achitanga mwakuleka kupereka sembi kwa achiuta anyaki.+ 6 Mwaviyo, ndingupunguwa ukali wangu kweniso kukwiya kwangu ndipu vingukole mumatawuni nga ku Yuda ndipuso mumisewu ya mu Yerusalemu, ndipu matawuni ndi misewu yo vikusambuka mahami kweniso vikunangika nge mo viliri msanawale.’+

7 “Sonu Yehova, Chiuta wa mizinda, Chiuta waku Isirayeli wakamba kuti, ‘Ntchifukwa wuli mwajidaniya soka likulu, kuti anthulumi, anthukazi, ŵana ndi malitema amali mu Yuda kwambula munthu wakujaku? 8 Ntchifukwa wuli mutindikwiyisa ndi ntchitu za manja nginu mwakupereka sembi kwa achiuta anyaki mucharu cha Ijipiti ko mwaza kuti muzijengi? Mumalengi ndipu musambukengi chinthu chakutembeka kweniso chinthu chakunyozeka pakati pa mitundu yosi ya ŵanthu pacharu chapasi.+ 9 Kumbi mwaviluwa vinthu viheni vo apapi ŵinu akali anguchita, vinthu viheni vo mafumu nga ku Yuda nganguchita+ ndipuso vinthu viheni vo awolu ŵawu anguchita,+ vinthu viheni vo yimwi munguchita kweniso vinthu viheni vo awolu ŵinu anguchita,+ vo vinguchitikiya mucharu cha Yuda kweniso mumisewu ya mu Yerusalemu? 10 Yiwu ajiyuyuwa cha* mpaka msanawale, alongo kuti alivi mantha,+ ndipuso ayenda cha mu dangu langu kweniso mu marangu ngangu ngo ndinguŵika pa masu pinu kweniso pa masu pa apapi ŵinu akali.’+

11 “Mwaviyo, Yehova wa mizinda, Chiuta waku Isirayeli wakamba kuti, ‘Ndasimikiza kuti ndikuwisiyeningi soka, kuti ndinangi Yuda yosi. 12 Ndipu ndikongi ŵanthu akujaku a ku Yuda wo angusimikiza kuluta ku Ijipiti kuti akajengi kweniko, ndipu wosi amaliyengi mucharu cha Ijipiti.+ Abayikengi ndi lipanga ndipuso amalengi ndi nja; kwambiya mumana ukongwa mpaka mura ukongwa, yiwu afwengi ndi lipanga kweniso nja. Ndipu azamusambuka chinthu chakutembeka, chinthu chakuchitiska mantha, chinthu chakuyuyulika kweniso chinthu chakunyozeka.+ 13 Ndilangengi ŵanthu wo aja mu Ijipiti nge mo ndingulangiya Yerusalemu, ndiŵalangengi ndi lipanga, nja kweniso mulili.*+ 14 Ndipu ŵanthu akujaku a ku Yuda wo aza mucharu cha Ijipiti kuti ajengi mwenimo, azamuthaŵa cha pamwenga kupona kuti aziwere kucharu cha Yuda. Azamukhumbira kuweriyaku ndipuso kuja kweniko, kweni azamuweriyaku cha, kupatuwaku ŵanthu amanavi wo azamuthaŵa.’”

15 Anthulumi wosi wo anguziŵa kuti awolu ŵawu aperekanga sembi kwa achiuta anyaki ndi awolu ŵawu wosi wo anguma penipo, wo angupanga gulu likulu, kweniso ŵanthu wosi wo ajanga mucharu cha Ijipiti,+ ku Patirosi,+ angumuka Yeremiya kuti: 16 “Tivwiyengi cha mazu ngo watikambiya mu zina laku Yehova. 17 Mumalu mwaki, tichitengi vosi vo takamba, kuti tiperekengi sembi ku Fumukazi ya Kuchanya* ndi kuyipunguliya sembi za chakumwa,+ nge mo isi, apapi ŵidu akali, mafumu ngidu ndi alongozgi ŵidu akuzirwa anguchitiya mumatawuni nga ku Yuda ndi mumisewu ya mu Yerusalemu, pa nyengu yo tagutanga chiŵandi ndi kuja ndi umoyu wamampha, pa nyengu yo tawonanga soka lelosi cha. 18 Kwambiya pa nyengu yo tinguleke kupereka sembi ku Fumukazi ya Kuchanya* ndipuso kuyipunguliya sembi za chakumwa, tilivi chechosi ndipu tamala chifukwa cha lipanga kweniso nja.”

19 Anthukazi nawu angukamba kuti: “Ndipu tichipereka sembi ku Fumukazi ya Kuchanya* ndi kuyipunguliya sembi za chakumwa, asi alumu ŵidu angutizomereza kuti tipangi viŵandi mu chikozgu chaki, vakuti tipereki sembi kwaku iyu ndi kuyipunguliya sembi za chakumwa?”

20 Pavuli paki, Yeremiya wangukambiya ŵanthu wosi, anthulumi ndi awolu ŵawu kweniso ŵanthu wosi wo alongoronga nayu, kuti: 21 “Sembi zo yimwi, apapi ŵinu akali, mafumu nginu, alongozgi ŵinu akuzirwa kweniso ŵanthu wosi a mucharu cho aperekanga mumatawuni nga ku Yuda ndipuso mumisewu ya mu Yerusalemu,+ Yehova wanguzikumbuka ndipu zinguza mumtima mwaki! 22 Pakumaliya paki, Yehova wangutondeka kuzizipizga vinthu viheni kweniso vakuseruska vo mwachitanga, ndipu charu chinu chingunangika, chingusambuka chinthu chakuchitiska mantha kweniso chakutembeka, chinguja chambula ŵanthu nge mo viliri msanawale.+ 23 Soka ili lakuwiyani nge mo viliri msanawale, chifukwa chakuti mwaperekanga sembi zenizi ndipuso chifukwa chakuti mwabudiyanga Yehova mwakuleka kuvwiya mazu ngaku Yehova, kulondo marangu ngaki ndipuso vikumbusu vaki.”+

24 Yeremiya wangulutirizga kukambiya ŵanthu wosi kweniso anthukazi wosi kuti: “Vwani mazu ngaku Yehova yimwi mosi ŵanthu a ku Yuda wo aja ku Ijipiti. 25 Yehova wa mizinda, Chiuta waku Isirayeli wakamba kuti, ‘Vo yimwi ndi awolu ŵinu mwakamba ndi milomu yinu, mwavifiska ndi manja nginu, pakuti mwakamba kuti: “Tifiskengi vo tingulapizga kuti tiperekengi sembi ku Fumukazi ya Kuchanya* ndi kuyipunguliya sembi za chakumwa.”+ Anthukazi yimwi mufiskengi nadi vo mwalapizga kweniso muchitengi vo mwalapizga.’

26 “Mwaviyo, vwani mazu ngaku Yehova yimwi mosi ŵanthu a ku Yuda wo aja mucharu cha Ijipiti: ‘“Ndilapizga mu zina langu likulu,” Yehova ndiyu wakamba, “kuti palivi munthu wa ku Yuda mweniyo walapizgengi mu zina langu+ mucharu chosi cha Ijipiti, mwakukamba kuti, ‘Ndilapizga mu zina laku Yehova, Ambuya Fumu Yikulu, Chiuta wamoyu!’+ 27 Sonu ndikhumba kuŵawisiya soka,* vinthu vamampha cha;+ ŵanthu wosi a ku Yuda wo ŵe mucharu cha Ijipiti abayikengi ndi lipanga kweniso nja mpaka po amaliya limu.+ 28 Mbanthu amanavi ŵaka wo athaŵengi lipanga mucharu cha Ijipiti ndi kuwere mucharu cha Yuda.+ Pavuli paki, ŵanthu wosi akujaku a ku Yuda wo akuza ku Ijipiti kuti ajengi kweniko, azamuziŵa kuti ndi mazu ngaku yani ngo ngafiskika, ngangu pamwenga ngawu!”’”

29 “Yehova wakamba kuti: ‘Ndikupaskeningi chisimikizu chakulongo kuti ndikulangeningi mumalu yanga, kuti muziŵi kuti mazu ngangu ngakukwaskana ndi soka lo ndikhumba kukuwisiyani, ngazamufiskika nadi. 30 Yehova wakamba kuti: “Ndipereka Farawo Hofura fumu ya ku Ijipiti, mu manja mwa arwani ŵaki ndipuso mu manja mwa ŵanthu wo akhumba kumubaya nge mo ndikupereke Zedekiya fumu ya ku Yuda mu manja mwaku Nebukadinezara* fumu ya ku Babiloni, yo wenga murwani waki ndipuso yo wakhumbanga kumubaya.”’”+

45 Mu chaka chachinayi cha ulamuliru waku Yehoyakimu+ mwana waku Yosiya, fumu ya ku Yuda, mchimi Yeremiya+ wangulongoro ndi Baruki+ mwana waku Neriya, pa nyengu yo Baruki walembanga mubuku mazu ngo mchimi Yeremiya wangumukambiya. Yeremiya wangukambiya Baruki kuti:

2 “Ivi ndivu Yehova, Chiuta waku Isirayeli wakamba vakukwaskana ndi yiwi, Baruki, 3 ‘Yiwi wakamba kuti: “Soka kwaku ini, pakuti Yehova wasazgiyaku chitima ku urwirwi wangu! Ndavuka ndi kutamantha, ndipu nditingasaniya cha malu ngakupumuliyapu.”’

4 “Umukambiyi kuti, ‘Ivi ndivu Yehova wakamba: “Awona! Ndiwisiyengi pasi vo ndikuzenga, ndipu ndichesuwengi vo ndikupanda. Ndichitengi venivi mucharu chosi.+ 5 Kweni yiwi utijipenje* vinthu vikulu. Leka kupenja vinthu venivi.”’

“‘Pakuti nde pafupi kuwisiya soka ŵanthu wosi,’+ Yehova ndiyu wakamba, ‘ndipu kwekosi ko ulutengi, ndazakukupaska umoyu waku nge vinthu vakuphangika ku nkhondu.’”*+

46 Yehova wangukambiya Yeremiya uthenga wakukwaskana ndi mitundu ya ŵanthu:+ 2 Uthenga wakuluta ku Ijipiti+ wakukwaskana ndi asilikali aku Farawo Neko,+ fumu ya ku Ijipiti, yo wanguthereskeka ndi Nebukadinezara* fumu ya ku Babiloni pa Karichemishi, mumphepeti mwa Msinji wa Yufureti, mu chaka chachinayi cha ulamuliru waku Yehoyakimu+ mwana waku Yosiya, fumu ya ku Yuda, wenga wakuti:

 4 Mangani mahachi ndi kukwerapu, yimwi ŵanthu akukwera pamahachi.

Jani mumalu nginu ndipu vwalani visoti vinu.

Puputani mikondu ndi kuvwala vakuvwala vinu vamamba ngavisulu.

 5 ‘Ntchifukwa wuli nditiŵawona kuti mbamantha?

Yiwu awelere, asilikali ŵawu athereskeka.

Yiwu atimbanyizgika ndipu athaŵa, asilikali ŵawu alereska kuvuli cha.

Mantha nge peposi,’ Yehova ndiyu wakamba.

 6 ‘Ŵanthu ajuŵani angathaŵa cha, ndipu asilikali angathaŵa cha.

Ndinangengi tawuni ndipuso ŵanthu wo aja mwenimo.’

 9 Lutani, yimwi mahachi!

Tchimbiyani ukongwa, yimwi magaleta!

10 “Zuŵa lo ndaku Yehova wa mizinda, Ambuya Fumu Yikulu, ndi zuŵa lakuweze nduzga, kuti waweze arwani ŵaki. Ndipu lipanga lazamumeza arwani ndi kuguta ndipuso lazamukumwa ndopa zawu ndi kuguta, pakuti Yehova wa mizinda, Ambuya Fumu Yikulu wapereka sembi mucharu cha kunkhondi* mumphepeti mwa Msinji wa Yufureti.+

13 Yehova wangukambiya mchimi Yeremiya vakukwaskana ndi kuza kwaku Nebukadinezara* fumu ya ku Babiloni kuti wayukiyi charu cha Ijipiti, ndipu wangukamba kuti:+

14 “Pharazga venivi mu Ijipiti, memeza venivi ku Migidoli.+

Memeza venivi ku Nofi* kweniso ku Tapanesi.+

15 Ntchifukwa wuli ŵanthu ŵinu anthazi akukurwa?

16 Ŵanthu anandi ukongwa aguŵa ndi kuwa.

Yiwu akambiskana kuti:

23 Yiwu adumuliyengi pasi vimiti vamulisuwa laki,’ Yehova ndiyu wakamba, ‘chinanga kuti lisuwa lo liwoneka nge kuti munthu wangajumphamu cha.

Pakuti mbanandi ukongwa kuluska azombi, angaŵerengeka cha.

24 Mwana munthukazi wa ku Ijipiti wazamulengeseka.

Iyu wazamuperekeka mu manja mwa ŵanthu a kunkhondi.’*+

25 “Yehova wa mizinda, Chiuta waku Isirayeli wakamba kuti: ‘Sonu ndilangengi Amoni+ wa ku No,*+ Farawo, Ijipiti, achiuta ŵaki+ ndipuso mafumu ngaki. Ndilangengi Farawo ndi ŵanthu wosi wo atimuthemba.’+

26 “‘Ndipu ndazakuŵapereka mu manja mwa ŵanthu wo akhumba kuŵabaya, kwaku Nebukadinezara* fumu ya ku Babiloni+ kweniso kwa ateŵeti ŵaki. Kweni pavuli paki, mucharu cha Ijipiti mwazamuja ŵanthu nge mo venge kali,’ Yehova ndiyu wakamba.+

28 Mwaviyo, ungawopanga cha, yiwi mteŵeti wangu Yakobe,’ Yehova ndiyu wakamba, ‘pakuti nde nawi.

47 Farawo wechendathereski Gaza, Yehova wangukambiya mchimi Yeremiya uthenga wakukwaskana ndi Afilisiti.+ 2 Yehova wakamba kuti:

“Awonani! Maji ngatuza kutuliya kunkhondi.*

Ngazamusambuka msinji wakusapaliya.

 5 Gaza wazamumeta phala.*

Ashikeloni wachetamisika.+

 6 Yiwi lipanga laku Yehova!+

Kumbi ujengi cheti cha mpaka zuŵanji?

Were muchakuŵikamu chaku.

Pumuwa ndipuso ja cheti.

48 Yehova wa mizinda, Chiuta waku Isirayeli wakamba uthenga wakukwaskana ndi Mowabu+ kuti:

“Soka kwaku Nebo,+ pakuti wabwangandulika!

Kiriyatayimu+ walengeseka kweniso watoleka.

Malu ngakuthaŵiyaku ngakuvikilirika* ngalengeseka kweniso ngasweka.+

 2 Yiwu aleka kuthamika Mowabu.

Ku Heshiboni+ amunozge chiŵembu kuti wawi, yiwu akamba kuti:

‘Zani, tiyeni timumali kuti waleki kuja mtundu.’

 4 Mowabu wabwangandulika.

Ŵana ŵaki aliya.

 5 Yiwu alutirizga kuliya achikwera pamalu ngapachanya nga Luhiti.

Ndipu achisika kutuliya ku Horoneyamu, atuvwa kuliya chifukwa cha soka.+

 6 Thaŵani, taskani umoyu winu!

Jani nge chimiti cha junipa muchipululu.

10 Ngwakutembeka munthu yo wagwira ndi mtima wosi cha ntchitu yaku Yehova!

Ngwakutembeka munthu yo waweza lipanga laki kuti waleki kudira ndopa!

12 “‘Mwaviyo awonani! mazuŵa ngatuza,’ Yehova ndiyu wakamba, ‘po ndazamutuma ŵanthu kuti aŵagadabuwi. Yiwu azakuŵagadabuwa ndi kudira vinthu vo ve muviyaŵi vawu ndipu azamukuswa misuku yawu yikuluyikulu. 13 Amowabu azamuchita soni chifukwa chaku Kemoshi, nge mo a munyumba yaku Isirayeli achitiya soni chifukwa chaku Beteli, yo athembanga.+

14 Mukamba wuli kuti: “Te vinkhara, tanozgeka kuchita nkhondu”?’+

Fumu ndiyu yakamba, yo zina laki ndi Yehova wa mizinda.+

Akambiyeni kuti: ‘Hati mo nthonga yanthazi yafyoke, nthonga yakutowa!’

19 Umi mumphepeti mwa msewu ndi kuwona, yiwi wakuja mu Aroweri.+

Fumba munthulumi kweniso munthukazi yo wathaŵa, kuti, ‘Kwawanji?’

20 Mowabu walengeseka ndipuso wachita mantha.

Tenjeni ndi kuliya.

Pharazgani mu Arinoni+ kuti Mowabu wabwangandulika.

21 Chiuta wayeruzga malu ngachinyeti,*+ wayeruzga Holoni, Yahazi+ ndi Mefayati;+ 22 wayeruzga Diboni,+ Nebo + ndi Beti-dibilatayimu; 23 wayeruzga Kiriyatayimu,+ Beti-gamuli ndi Beti-meyoni;+ 24 wayeruzga Keriyoti+ ndi Bozira; kweniso wayeruzga matawuni ngosi nga mucharu cha Mowabu, ngakutali ndipuso ngapafupi.

26 ‘Muloŵereseni,+ pakuti wajikweza kuti walimbani ndi Yehova.+

27 Kumbi Isirayeli wenga chinthu chakunyozeka cha kwaku yiwi?+

Yiwu achitengi kanthu cha.

Mphukira zaku zakubiriŵira zayambuka nyanja.

Zafika kunyanja, ku Yazeri.

Ndachitiska kuti vinyu waleki kutuwa mumalu ngakukandiyapu mphereska.

Palivi yo wazamukanda mphereska ndi likondwa.

Kwazamukuŵa kudaniriza kweni kwa likondwa cha.’”+

34 “‘Kuliya kutuliya ku Heshiboni,+ kuvwika mpaka ku Eleyale.+

Chinanga ndi maji nga ku Nimurimu ngazamukamuka.+

Pakuti chuma cho wasaniya chazamumala.

39 ‘Iyu wachita mantha! Liyani!

Mowabu wawelere mwasoni!

40 “Pakuti Yehova wakamba kuti:

‘Pakuti ndichitiskengi kuti chaka cha chilangu, chizi pa ŵanthu a ku Mowabu,’ Yehova ndiyu wakamba.

45 ‘Ŵanthu wo athaŵiya ku Heshiboni kuti avikiliriki, azamuwovyeka cha.

46 ‘Soka kwaku yiwi, yiwi Mowabu!

Ŵanthu aku Kemoshi+ amala.

47 Kweni mu mazuŵa ngakumaliya, ndazamuwunganisa ŵanthu a ku Mowabu wo angutoleke ku ukapolu,’ Yehova ndiyu wakamba.

‘Uthenga wa cheruzgu wakukwaskana ndi Mowabu wamaliya penapa.’”+

49 Yehova wakamba uthenga wakukwaskana ndi Aamoni+ kuti:

“Kumbi Isirayeli walivi ŵana anthulumi?

Kumbi walivi wakuhara?

Ntchifukwa wuli Malikamu+ walonda malu ngaku Gadi?+

Ndipu ntchifukwa wuli ŵanthu ŵaki aja mumatawuni ngaku Isirayeli?”

‘Ndipu Isirayeli wazamuto so malu ngo angumuphanga,’+ Yehova ndiyu wakamba.

 3 ‘Tenje, yiwi Heshiboni, pakuti Ai wabwangandulika!

Liyani, yimwi matawuni ngamanangamana nga ku Raba.

Vwalani vigudulu.

 6 “‘Kweni pavuli paki, ndazamuwunganisa Aamoni wo angutoleke ku ukapolu,’ Yehova ndiyu wakamba.”

7 Yehova wa mizinda wakamba uthenga wakukwaskana ndi Edomu, kuti:

“Kumbi zeru zikumala mu Temani?+

Kumbi ulongozgi wamampha wamala ku ŵanthu akuvwisa vinthu?

Kumbi zeru zawu zavunda?

 8 Thaŵani, weleriyani!

Lutani kumalu ngakusika ndipu mukajengi kweniko, yimwi ŵanthu a ku Dedani!+

10 Kweni ndizuwengi Esawu kuti waje nkhuli.

12 Pakuti Yehova wakamba kuti: “Awonani! Asani ŵanthu wo akuyeruzgika kuti angamwanga cha kapu ndiwu atenere kumwa kapu, kumbi yiwi utenere kulekeka ŵaka kwambula kulangika? Ulekekengi ŵaka cha kwambula kulangika, pakuti utenere kumwa kapu yo.”+

13 “Pakuti ndalapizga mu zina langu,” Yehova ndiyu wakamba, “kuti Bozira wasambukengi chinthu chakuchitiska mantha,+ chinthu chakunyozeka, chinthu chakunangika ndipuso chinthu chakutembeka; ndipu matawuni ngaki ngosi ngazamusambuka mahami ngamuyaya.”+

17 “Ndipu Edomu wasambukengi chinthu chakuchitiska mantha.+ Weyosi yo wazamujumpha pafupi ndi iyu wazakumulereseska mwamantha ndi kumumbiya khwelu chifukwa cha milili yaki yosi. 18 Nge mo Sodomu ndi Gomora kweniso matawuni ngawu ngapafupi ngangubwangandulikiya,”+ Yehova ndiyu wakamba, “palivi munthu yo wazamuja mwenimo, ndipuso palivi munthu yo wazamujalikiskika mwenimo.+

19 “Awonani! Munthu munyaki wazamukuza nge nkharamu+ kutuliya muvivwati vakukho vamumphepeti mwa msinji wa Yorodani, kuti wayukiyi malu ngakuliskaku viŵetu ngakuvikilirika, kweni mu kanyengu kamanavi, ndazamuchitiska kuti yiwu* athaŵi mucharu chawu. Ndipu ndazamuŵika wakusankhika kuti walamuliyengi charu cho. Pakuti ndiyani yo wayanana ndi ini ndipuso ndiyani yo wangasuskana nani? Ndi mliska nuyu yo wangalimbana nani?+ 20 Mwaviyo, yimwi mwaŵanthu vwani vo Yehova waŵanaŵana kuchitiya Edomu ndipuso vo waŵanaŵana kuchitiya ŵanthu wo aja mu Temani:+

Kwambula kutondeka, ŵana a mbereri azamuguguzikiya kutali.

Iyu wazamusambusa malu ngawu ngakujamu kuja mahami chifukwa chaku yiwu.+

21 Charu chasukunyika chifukwa cha chiwawa cha kuwa kwawu.

Kuvwika kuliya!

Chiwawa chavwika mpaka ku Nyanja Yiyera.+

23 Uthenga wakukwaskana ndi Damasiko+ ngwakuti:

Yiwu asongonoka chifukwa cha mantha.

Nyanja yayuka ndipu palivi yo wangachitiska kuti yigoni.

24 Damasiko wamala nthazi.

Iyu wang’anamuka kuti wathaŵi, kweni watimbanyizgika.

28 Vakukwaskana ndi Kedara+ ndipuso maufumu nga ku Hazori ngo Nebukadinezara* fumu ya ku Babiloni yingubwanganduwa, Yehova wakamba kuti:

30 “Thaŵani, lutani kutali!

Lutani kumalu ngakusika ndipu mukajengi kweniko, yimwi ŵanthu a ku Hazori,” Yehova ndiyu wakamba.

“Ulivi visasa pamwenga akabali; yiwu aja kwakuŵija.

34 Kukwamba kwa ulamuliru waku Zedekiya,+ fumu ya ku Yuda, Yehova wangukambiya mchimi Yeremiya vakukwaskana ndi Elamu+ kuti: 35 “Yehova wa mizinda wakamba kuti, ‘Ndifyo uta wa ku Elamu,+ po patuwa* nthazi zawu. 36 Ku Elamu ndazamuputisiyaku mphepu zinayi kutuliya kuvigoti vinayi va kuchanya, ndipu ndazakuŵambininiskiya ku mphepu zosi zenizi. Palivi mtundu wo ndilekengi kumbininiskiyaku ŵanthu akuja mu Elamu.’”

37 “Ndazamuvikita Aelamu pa masu pa arwani ŵawu ndipuso pa masu pa ŵanthu wo akhumba kuŵabaya; ndipu ndazakuŵawisiya soka, ukali wangu wakukole,” Yehova ndiyu wakamba. “Ndazakuŵatumiya lipanga mpaka po ndaŵamaliya limu.”

38 “Ndazamuŵika mpandu wangu waufumu mu Elamu,+ ndipu ndazamubaya fumu ndi alongozgi akuzirwa a kweniko,” Yehova ndiyu wakamba.

39 “Kweni mu mazuŵa ngakumaliya ndazamuwunganisa ŵanthu a ku Elamu wo angutoleke ku ukapolu,” Yehova ndiyu wakamba.

50 Yehova wangukamba vakukwaskana ndi Babiloni,+ charu cha Akadiya, kuporote mwa mchimi Yeremiya kuti:

 2 “Pharazgani ndi kumemeza pakati pa mitundu ya ŵanthu.

Soskani chiziŵisu* ndipu pharazgani.

Mungabisanga kanthu kekosi cha!

Kambani kuti, ‘Babiloni wathereskeka.+

Belo walengeseka.+

Merodaki wachita mantha.

Vikozgu vaki valengeseka.

Angoza ŵaki akuseruska* achita mantha.’

 3 Pakuti mtundu waza kutuliya kunkhondi* kuti uzichiti nayu nkhondu.+

4 Yehova wakamba kuti: “Mu mazuŵa ngo ndipuso pa nyengu yo, ŵanthu a ku Isirayeli kweniso ŵanthu a ku Yuda azamukuza pamoza.+ Yiwu azamuliyanga achiyenda,+ ndipu wosi pamoza azamupenja Yehova Chiuta wawu.+ 5 Yiwu azamufumba nthowa ya ku Ziyoni, visku vawu vichilereska kweniko,+ ndipu azamukamba kuti, ‘Zani, tiyeni tijibatiki kwaku Yehova mu phanganu lamuyaya lo lazamuluwika cha.’+ 6 Ŵanthu ŵangu asambuka mskambu wa mbereri zakusoŵa.+ Aliska ŵawu aŵalandizga.+ Aŵalongozge mumapiri, ayingayinga mumapiri ndipuso mumitunthu. Yiwu aluwa malu ngawu ngakupumuliyapu. 7 Wosi wo aŵasaniyanga aŵamezanga+ ndipu arwani ŵawu akambanga kuti, ‘Tilivi mulandu chifukwa chakuti yiwu angubudiya Yehova, angubudiya malu ngakujamu ngaurunji kweniso chilindizga cha apapi ŵawu akali, Yehova.’”

10 Kadiya wazamuphangika vinthu.+

Ŵanthu wosi wo azakumuphanga vinthu azamukhorwa,”+ Yehova ndiyu wakamba.

12 Anyoku alengeseka.+

Munthukazi yo wakukubala waguŵiskika.

15 Mudaniriziyeni chiwawa cha nkhondu muvigaŵa vosi.

Iyu wathera yija.*

Muweziyeni nduzga.

Muchitiyeni nge mo iyu wakuchitiya.+

17 “Ŵanthu a ku Isirayeli ndi mbereri zakumbininika.+ Nkharamu zaŵambininiska.+ Pakwamba, fumu ya ku Asiriya yinguŵameza;+ pavuli paki, Fumu Nebukadinezara* ya ku Babiloni yingukukuta viwanga vawu.+ 18 Mwaviyo, Yehova wa mizinda, Chiuta waku Isirayeli wakamba kuti: ‘Ndimalanengi ndi fumu ya ku Babiloni kweniso charu chaki, nge mo ndinguchitiya ndi fumu ya ku Asiriya.+ 19 Isirayeli ndazakumuweze kumalu ngaki ngakuryiyaku,+ ndipu wazamukurya uteka pa Karimeli kweniso pa Bashani.+ Iyu wazamuguta pamapiri nga ku Efurayemu+ ndipuso nga ku Giliyadi.’”+

21 “Kwera ndi kuchichita nkhondu ndi charu cha Meratayimu kweniso ŵanthu wo aja ku Pekodi.+

Ukaŵabayi ndi kuŵanangiya limu,” Yehova ndiyu wakamba.

“Chita vosi vo ndakulamula.

23 Nyundu yakusuliya yo yiphwanya mitundu ya ŵanthu pacharu chosi chapasi yafyoleka ndipuso yaphwanyika!+

Babiloni wasambuka chinthu chakuchitiska mantha pakati pa mitundu ya ŵanthu!+

26 Zani kutuliya kumalu ngakutali kuti mumuyukiyi.+

Julani nkhokwi zaki.+

Muwunjikeni nge ndundu za tirigu.

Munangiyeni limu.+

Waŵevi munthu wakujaku.

Jinthani mahema mwakumuzunguliya; ndipu mungazomerezanga cha kuti munthu weyosi wathaŵi.

Muweziyeni mwakukoliyana ndi ntchitu yaki.+

Muchitiyeni nge mo iyu wakuchitiya.+

33 Yehova wa mizinda wakamba kuti:

Yiwu akana kuŵaleka kuti alutengi.+

34 Kweni Wakuwombo wawu ngwanthazi.+

Zina laki ndi Yehova wa mizinda.+

36 Lipanga lazamunanga ŵanthu wo akamba vinthu vambula fundu,* ndipu azamuchita vinthu mwambula zeru.

Lipanga lazamunanga asilikali ŵaki, ndipu azamuchita mantha.+

Lipanga lazamunanga chuma chaki ndipu azamuphangika chuma cho.+

38 Maji ngaki ngazamunangika ndi kukamuka.+

40 “Nge mo Chiuta wangubwanganduliya Sodomu ndi Gomora+ kweniso matawuni ngawu ngapafupi,”+ Yehova ndiyu wakamba, “palivi munthu yo wazamuja mwenimo, ndipuso palivi munthu yo wazamujalikiskika mwenimo.+

42 Yiwu aponya uta ndipuso mkondu.+

Mbankhaza kweniso alivi lisungu.+

Nge munthu yumoza, andanda pamzeri kuti achiti nawi nkhondu, yiwi mwana munthukazi wa ku Babiloni.+

44 “Awonani! Munthu munyaki wazamukuza nge nkharamu kutuliya muvivwati vakukho vamumphepeti mwa msinji wa Yorodani, kuti wayukiyi malu ngakuliskaku viŵetu ngakuvikilirika, kweni mu kanyengu kamanavi, ndazamuchitiska kuti yiwu* athaŵi mucharu chawu. Ndipu ndazamuŵika wakusankhika kuti walamuliyengi charu cho.+ Pakuti ndiyani yo wayanana ndi ini ndipuso ndiyani yo wangasuskana nani? Ndi mliska nuyu yo wangalimbana nani?+ 45 Mwaviyo, yimwi mwaŵanthu vwani vo Yehova waŵanaŵana kuchitiya Babiloni+ ndipuso vo waŵanaŵana kuchitiya charu cha Akadiya.

Kwambula kutondeka, ŵana a mbereri azamuguguzikiya kutali.

Iyu wazamusambusa malu ngawu ngakujamu kuja mahami chifukwa chaku yiwu.+

51 Yehova wakamba kuti:

 3 Wakuponya muvu waleki kukunga* uta waki.

Ndipu munthu weyosi wangamanga cha wavwala chakuvwala cha mamba ngavisulu.

Anyamata ŵaki mungaŵalongonga lisungu cha.+

Asilikali ŵaki wosi abayiki.

 5 Pakuti Isirayeli ndi Yuda ndi vyoko cha kwaku Chiuta wawu, kwaku Yehova wa mizinda.+

Kweni pa masu pa Mtuŵa waku Isirayeli, charu chawu* chazaza ndi mulandu.

Mungafwanga cha chifukwa cha kunanga kwaki.

Pakuti ndi nyengu yakuti Yehova waweze nduzga.

Iyu watimuweze chifukwa cha vo wachita.+

 8 Babiloni wawa ndi kufyoka mwamabuchibuchi.+

Muliyeni!+

Mutoliyeni mafuta nga basamu kuti urwirwi waki umali; kuti panyaki wangachizgika.”

 9 “Tinguyesa kuchizga Babiloni, kweni wanguchizgika cha.

Mulekeni, tiyeni tikengi, weyosi kucharu chaki.+

10 Yehova waza ndi urunji kwaku isi.+

Zani, tiyeni ku Ziyoni kuti tikakambi ntchitu zaku Yehova Chiuta widu.”+

11 “Norani mivi;+ nyamuwani vishangu vakuzunguliya.*

Pakuti Yehova waweze nduzga, waweze nduzga chifukwa cha nyumba yaki yakusopiyamu.

Vikiliyani ukongwa malu, ŵikani alonda.

Nozgekeresani akukhaza.

17 Munthu weyosi wachita vinthu mwambula zeru kweniso wakulongo kuti waziŵa vinthu cha.

18 Yivu vaŵaka,+ ndi ntchitu yakwenere kunyozeka.

Asani zuŵa lawu la chilangu laza, vazamumala.

Zina laki ndi Yehova wa mizinda.”+

Mwakugwiriskiya ntchitu yiwi, ndazamubwanganduwa maufumu.

21 Mwakugwiriskiya ntchitu yiwi, ndazamukuswa hachi ndi wakukwerapu waki.

Mwakugwiriskiya ntchitu yiwi, ndazamukuswa galeta la nkhondu ndi wakukweramu waki.

22 Mwakugwiriskiya ntchitu yiwi, ndazamukuswa munthulumi ndi munthukazi.

Mwakugwiriskiya ntchitu yiwi, ndazamukuswa munthulumi wakukota kweniso kamnyamata.

Mwakugwiriskiya ntchitu yiwi, ndazamukuswa mnyamata kweniso msungwana.

23 Mwakugwiriskiya ntchitu yiwi, ndazamukuswa mliska kweniso mskambu waki.

Mwakugwiriskiya ntchitu yiwi, ndazamukuswa mlimi kweniso gulu laki la viŵetu.

Mwakugwiriskiya ntchitu yiwi, ndazamukuswa nduna kweniso achiŵi kwa alongozgi.

27 “Soskani chiziŵisu* mucharu.+

Mbani mbata* pakati pa mitundu ya ŵanthu.

Sankhani* mitundu ya ŵanthu kuti yimuyukiyi.

Mudaniyeni maufumu nga ku Ararati,+ Mini kweniso Ashikenazi.+

Mudaniyeni munthu wakulemba ntchitu asilikali.

Tumani mahachi kuti ngazi nge azombi acheya.

30 Asilikali a ku Babiloni aleka kuchita nkhondu.

Yiwu aja mumalu ngawu ngakuvikilirika.

Nthazi zawu zamala.+

Yiwu aja nge anthukazi.+

Nyumba zaki zabuskika ndi motu.

Akabali ŵaki afyoleka.+

33 Pakuti Yehova wa mizinda, Chiuta waku Isirayeli wakamba kuti:

“Mwana munthukazi wa ku Babiloni we nge malu ngakukhwemiyapu mbewu.

Iyi ndi nyengu yakumukandiyakandiya.

Pambula kuswera nyengu yakuvuniya yimuziyengi.”

Wandiŵika pasi nge chiyaŵi chamwazi.

Iyu wandisukuluza.

35 Munthu yo waja mu Ziyoni wakamba kuti, ‘Nkhaza zo andichitiya kweniso zo achitiya liŵavu langu, zizi paku Babiloni!’+

Ndipu Yerusalemu wakamba kuti, ‘Ndopa zangu zizi pa Akadiya.’”

36 Mwaviyo, Yehova wakamba kuti:

Ndiphwisengi nyanja yaki kweniso ndikamusengi visimi vaki.+

38 Wosi azamubangula nge nkharamu zimanazimana.*

Azamuwuluma nge ŵana a nkharamu.”

Babiloni wasambuka chinthu chakuchitiska mantha pakati pa mitundu ya ŵanthu!

42 Nyanja yabizga Babiloni.

Mayiŵa nganandi nga nyanja yo, ngamubenekere.

43 Matawuni ngaki ngasambuka chinthu chakuchitiska mantha, charu chambula maji kweniso chipalamba.

Charu cho mwazamujanga munthu weyosi cha kweniso cho mwazamujumphanga munthu weyosi cha.+

45 Tuwanipu pakati paki, mwaŵanthu ŵangu!+

Thaŵani kuti mutaski umoyu winu+ ku ukali wakukole waku Yehova!+

46 Mungachitanga mantha cha pamwenga kopa chifukwa cha uthenga wo uvwikengi mucharu cho.

50 Yimwi muthaŵa lipanga, lutirizgani kwenda, mungamanga ŵaka cha!+

51 “Talengeseka, pakuti tavwa mazu ngakunyoza.

Chiwawa chawu chazamuvwika.

Iyu wazamuweze nadi.+

58 Yehova wa mizinda wakamba kuti:

59 Yanga ndi mazu ngo mchimi Yeremiya wangukambiya Seraya mwana waku Neriya,+ mwana waku Mahaseya, pa nyengu yo wanguluta ku Babiloni ndi Zedekiya fumu ya ku Yuda, mu chaka chachinayi cha ulamuliru waki; Seraya wagwiranga ntchitu yakuwonere vinthu va fumu. 60 Yeremiya wangulemba mubuku limoza masoka ngosi ngo ngawiyengi Babiloni, mazu ngosi ngo ngangulembeka ngakukwaskana ndi Babiloni. 61 Kweniso Yeremiya wangukambiya Seraya kuti: “Asani wachifika mucharu cha Babiloni ndipu wachiwona, ukaŵerengi mwakukweza mazu ngosi yanga. 62 Pavuli paki, ukakambi kuti, ‘A Yehova, mwakamba vinthu vo vichitikiyengi malu yanga, kuti ngabwangandulikengi ndipu mwazamuja kanthu cha, munthu pamwenga nyama, kweniso kuti ngajengi mahami mpaka muyaya.’+ 63 Ndipuso asani wachimaliza kuŵerenga buku ili, ukamangiriyeku mwa ndipu ukalitayi pakati pa Msinji wa Yufureti. 64 Pavuli paki, ukakambi kuti, ‘Umu ndimu Babiloni wazamubiliya ndipu wazamuyuka so cha+ chifukwa cha soka lo nditimuwisiya; ndipu ŵanthu ŵaki azamuvuka.’”+

Mazu ngaku Yeremiya ngamaliya penapa.

52 Zedekiya+ wenga ndi vyaka 21 pa nyengu yo wangujaliya fumu, ndipu wangulamuliya kwa vyaka 11 ku Yerusalemu. Zina la anyina lenga Hamutali+ mwana munthukazi waku Yeremiya wa ku Libina. 2 Iyu wangulutirizga kuchita vinthu viheni pa masu paku Yehova, mwakukoliyana ndi vinthu vosi vo Yehoyakimu wanguchita.+ 3 Venivi vachitikanga ku Yerusalemu ndipuso ku Yuda chifukwa cha ukali waku Yehova, mpaka po wanguŵadikisiya pa masu paki.+ Ndipu Zedekiya wangugarukiya fumu ya ku Babiloni.+ 4 Mu chaka cha 9 cha ulamuliru waku Zedekiya, mu mwezi wa 10, pa zuŵa la 10 la mwezi wo, Nebukadinezara* fumu ya ku Babiloni wanguza limoza ndi asilikali ŵaki wosi kuzichita nkhondu ndi Yerusalemu. Yiwu angujintha msasa kweniso anguzenga mpanda wankhondu kuzunguliya tawuni yo.+ 5 Ndipu tawuni yo, yinguzingilizika mpaka mu chaka cha 11 cha ulamuliru wa Fumu Zedekiya.

6 Mu mwezi wachinayi, pa zuŵa la 9 la mwezi wo,+ nja yingukuwa ukongwa mutawuni yo, ndipu mwengavi chakurya chakuti ŵanthu a mucharu cho aryi.+ 7 Pakumaliya, mpanda wa tawuni ungutoloreka, ndipu asilikali wosi anguthaŵa mutawuni yo ndi usiku kuziya pageti lo lenga pa mipanda yiŵi, pafupi ndi munda wa fumu, yiwu anguselere kunthowa ya ku Araba. Pa nyengu iyi, Akadiya ndipu azingiliza tawuni yo.+ 8 Kweni asilikali ŵa Akadiya angutchimbiza Fumu Zedekiya+ ndipu anguchiyisaniya muvidika* va ku Yeriko. Magulu ngosi nga asilikali ŵaki nganguyithaŵa fumu. 9 Pavuli paki, yiwu anguko Zedekiya ndipu anguza nayu kwa fumu ya ku Babiloni ku Ribila mucharu cha Hemati, ndipu fumu ya ku Babiloni yingumuyeruzga. 10 Ndipu fumu ya ku Babiloni yingubaya ŵana anthulumi aku Zedekiya mweneku wachiwona, ndipu yingubaya so alongozgi wosi a ku Yuda kwenuku ku Ribila. 11 Pavuli paki, fumu ya ku Babiloni yingutolo masu ngaku Zedekiya,+ yingumumanga ndi simbi zamkuŵa ndi kuluta nayu ku Babiloni, ndipu yingumujaliya mujeri mpaka pa zuŵa lo wangufwiya.

12 Mu mwezi wachinkhondi, pa zuŵa la 10 mu mwezi wenuwu, kung’anamuwa mu chaka cha 19 cha ulamuliru waku Nebukadinezara fumu ya ku Babiloni, Nebuzaradani yo wenga mura wa asilikali wo avikiliyanga fumu, kweniso yo wenga mteŵeti wa fumu ya ku Babiloni, wanguza ku Yerusalemu.+ 13 Nebuzaradani wanguwotcha nyumba yaku Yehova,+ nyumba ya fumu kweniso nyumba zosi za mu Yerusalemu. Iyu wanguwotcha so nyumba yeyosi yikulu. 14 Pavuli paki, gulu losi la asilikali ŵa Akadiya lo lenga ndi mura wa asilikali wo avikiliyanga fumu, linguwisiya pasi mpanda wosi wa Yerusalemu.+

15 Nebuzaradani yo wenga mura wa asilikali wo avikiliyanga fumu, wangutole ku ukapolu anyaki mwa ŵanthu akusika ndipuso ŵanthu wosi wo angujaku mutawuni yo. Iyu wanguto so ŵanthu wo anguthaŵiya ko kwenga fumu ya ku Babiloni ndipuso ŵanthu wosi alusu.+ 16 Kweni Nebuzaradani, mura wa asilikali wo avikiliyanga fumu, wangusiyaku ŵanthu wo ŵenga akavu ukongwa mucharu cho, kuti aphweriyengi minda ya mphereska kweniso kuti agwirengi ntchitu ya ukapolu.+

17 Akadiya anguphwanya vipilala vamkuŵa+ va nyumba yaku Yehova, anguphwanya so vakupingapu+ kweniso Nyanja yamkuŵa+ vo venga munyumba yaku Yehova, ndipu mkuŵa wa vinthu venivi anguluta nawu ku Babiloni.+ 18 Anguto so vakuyole vyotu, mafosholu, vakuzimwiya nyali, mbali zabakuli,+ makapu+ kweniso viyaŵi vosi vamkuŵa vo avigwiriskiyanga ntchitu pakuteŵete munyumba yakusopiyamu. 19 Mura wa asilikali wo avikiliyanga fumu, wanguto mabeseni,+ vakupaliya motu, mbali zabakuli, vakuyole vyotu, vakuŵikapu nyali,+ makapu ndipuso mbali zabakuli zo zenga zagolidi chayiyu ndipuso siliva chayiyu.+ 20 Kweni uzitu wa mkuŵa wa vipilala viŵi, Nyanja, ng’ombi 12 zamkuŵa+ zo zenga pasi pa Nyanja, ndipuso vakupingapu vo Fumu Solomoni yingupanga pa nyumba yaku Yehova, wenga ukulu ukongwa wakuti ungapimika cha.

21 Chipilala chechosi chenga chitali mamita pafufupi 8,* asani achizunguliza ndi chingwi chakupimiya, chakwananga mamita pafufupi ngankhondi;*+ ukhomi wa mkuŵa waki wenga masentimita pafufupi 7* ndipu chenga ndi zenji mukati. 22 Ndipu pachanya paki penga mutu wamkuŵa. Mutu wenuwu wenga utali mamita pafufupi ngaŵi,*+ ndipu vilepa kweniso vipasu va pomegiraneti* vo vinguzunguliya mutu wenuwu venga vamkuŵa. Chipilala chachiŵi chayanananga ndi chakwamba, ndipu nachu chenga ndi vipasu va pomegiraneti. 23 Mumphepeti mwa mutu wa chipilala chechosi mwenga vipasu 96 va pomegiraneti; ndipu vipasu vosi va pomegiraneti vo venga pavilepa vo, vengapu 100.+

24 Mura wa asilikali wo avikiliyanga fumu wanguto so Seraya+ wasembi mura, Zefaniya+ yo wenga wasembi wachiŵi, kweniso alonda atatu a pakhomu.+ 25 Mu tawuni yo, wangutomu so nduna yimoza yo yawoneriyanga asilikali, abwezi a fumu akukwana 7 wo wanguŵasaniya mutawuni, mlembi wa mura wa asilikali yo wawunganisanga pamoza ŵanthu mucharu cho, kweniso anthulumi 60, kutuliya pa ŵanthu bweka wo ŵenga ŵeche mutawuni yo. 26 Nebuzaradani yo wenga mura wa asilikali wo avikiliyanga fumu, wanguto ŵanthu ŵenaŵa ndipu wanguluta nawu kwa fumu ya ku Babiloni ku Ribila. 27 Fumu ya ku Babiloni yingukhata ŵanthu ŵenaŵa ndipu yinguŵabayiya ku Ribila+ mucharu cha Hemati. Mwaviyo, Yuda wangutuwa mucharu chaki ndi kuluta ku ukapolu.+

28 Yaŵa mbanthu wo Nebukadinezara wanguŵatole ku ukapolu: mu chaka cha 7, Ayuda 3,023.+

29 Mu chaka cha 18 cha ulamuliru waku Nebukadinezara,+ ŵanthu 832 angutoleka ku Yerusalemu.

30 Mu chaka cha 23 cha ulamuliru waku Nebukadinezara, Nebuzaradani yo wenga mura wa asilikali wo avikiliyanga fumu, wangutole Ayuda ku ukapolu, wanguto ŵanthu 745.+

Ŵanthu wo angutoleke ku ukapolu angukwana 4,600 wosi pamoza.

31 Mu chaka cho Fumu Evili-merodaki ya ku Babiloni yingujaliya fumu, yingufwatuwa* Yehoyakini+ fumu ya ku Yuda ndipu yingumutuzga mujeri. Ivi vinguchitika mu chaka cha 37 cha ukapolu waku Yehoyakini fumu ya ku Yuda, mu mwezi wa 12, pa zuŵa la 25 la mwezi wo.+ 32 Evili-merodaki walongoronga nayu umampha Yehoyakini, ndipu mpandu waki waufumu wanguwukweza pachanya pa mipandu ya mafumu nganyaki ngosi ngo ngenga ndi iyu ku Babiloni. 33 Sonu Yehoyakini wanguzuwa vakuvwala vaki vamujeri, ndipu mu mazuŵa ngosi nga umoyu waki waryanga pa masu pa fumu. 34 Mu mazuŵa ngosi nga umoyu waki, Yehoyakini wapaskikanga chakurya kutuliya kwa fumu zuŵa lelosi, mpaka pa zuŵa lo wangufwiya.