Mazu Ngakwamba

BUKU ili likonkhoska nkhani zawuneneska. Nkhani izi zatuliya m’buku likulu ukongwa pacharu chosi chapasi, Bayibolo. Nkhani zaki zikonkhoska mbiri ya charu kutuliya po Chiuta wangwambiya kulenga vinthu mpaka nyengu yidu yinu. Kweniso zikonkhoska vo Chiuta wakulayizga kuti wazamuchita kunthazi.

Buku ili likuwovyeningi kuti muziŵi vo Bayibolo likamba. Likonkhoska za ŵanthu wo azumbulika m’Bayibolo ndi vo akuchita. Likonkhoska so za chilindizga chikulu cho Chiuta wakupaska ŵanthu chakuzija ndi umoyu wambura kumala m’paradayisu pacharu chapasi.

Buku ili le ndi nkhani zakukwana 116. Nkhani izi zagaŵika mu vigaŵa 8. Chigaŵa chechosi chitamba ndi nkhani yifupi yo yikonkhoska vo ve m’chigaŵa cho. Nkhani izi zagaŵika mu ndondomeku ya mo vinthu vikuchitikiya. Ivi vikuwovyeningi kuziŵa nyengu yo vinthu vikuchitikiya ndi kuvikozganiska ndi vakuchitika vinyaki vamwaka.

Nkhani izi zalembeka munthowa yipusu. Mwaŵana anandi mufiskengi kuŵerenga mwija nkhani izi. Mwapapi musaniyengi kuti ŵana winu ayanjengi kuti muŵaŵerengiyengi nkhani izi mwakuwelezaweleza. Musaniyengi so kuti Buku ili le ndi nkhani zinandi zakukondweska kwa ŵana ndi ŵalaŵala viyo.

Pakumaliya pankhani yeyosi paŵikika Malemba. Titikuchiskani kuti muŵerengengi malemba nga m’Bayibolo ngeningo patuliya nkhani izi. Asani mwamaliza kusambira nkhani yeyosi mutenere kuweliyamu mafumbu nga nkhani yo mwasambira ndi kuyesesa kukumbuka kwamuka kwaki. Mafumbu yanga ngatambiya kukumaliya kwa mutu 116.