Kumbi nde Wakunozgeka?
Kumbi nde Wakunozgeka Kupharazga ndi Mpingu?
Mungazomerezeka kuja mupharazgi wambula kubatizika asani . . .
Musambira Bayibolu nyengu zosi, mupemphera kweniso asani musanirika pa maunganu nga mpingu.
Mutanja kweniso mugomezga vo musambira ndipu mukhumbisiska kukambiyaku anyinu.
Mutanja Yehova kweniso musankha ŵanthu wo atanja Yehova kuti aje mabwezi nginu.
Mukutuwa mu wupu pamwenga chipani chechosi chandali pamwenga mu chisopa chechosi chaboza.
Mulondo fundu zaku Yehova za mijalidu yamampha ndipuso asani mukhumbisiska nadi kuja Kaboni waku Yehova.
Asani muwona kuti mwe akunozgeka kwamba kupharazga ndi mpingu, yo watikusambizani Bayibolu wanozgengi kuti mukumani ndi ŵara wo akambiskanengi namwi kuti awoni asani mwe akwenere nadi.
Kumbi nde Wakunozgeka Kubatizika?
Mungazomerezeka kubatizika asani . . .
Ndimwi mupharazgi wambula kubatizika.
Muyesesa kupharazga nyengu zosi.
Muzomereza kweniso mulondo ulongozgi wo “kapolu wakugomezgeka ndi wazeru” wapereka.—Mateyu 24:45-47.
Mukujipereka kwaku Yehova ndipu mukhumbisiska kumuteŵete mpaka muyaya.
Asani muwona kuti mwe akunozgeka kubatizika, yo watikusambizani Bayibolu wanozgengi kuti mukumani ndi ŵara wo akambiskanengi namwi kuti awoni asani mwe akwenere nadi.