Vo Bayibolo Limuka

Kumbi Chiuta zina laki ndiyani?

Abali ŵidu wosi we ndi mazina. Chinanga ndi viŵetu navu ativipaska mazina. Kumbi chingaŵa chazeru cha kuti Chiuta nayu waje ndi zina? M’Bayibolo mwe mazina ngaku Chiuta nganandi ngaulemu nge, Chiuta Wanthazi Zosi, Ambuya Mura ndipuso Mulengi. Kweni Chiuta we ndi zina.—Ŵerengani Yesaya 42:8, NW.

M’Mabayibolo nganandi pa Sumu 83:18, akugwiriskiya nchitu zina laku Chiuta. Mwakuyeruzgiyapu, Bayibolo la New World Translation of the Holy Scriptures, likamba kuti: “Imwi yo zina linu ndimwi Yehova, ndimwi pe mwija mwe Wapachanya Limu pacharu chosi chapasi.”

Nchifukwa wuli titenere kugwiriskiya nchitu zina laku Chiuta?

Chiuta wakhumba kuti tigwiriskiyengi nchitu zina laki chayilu. Tigwiriskiya nchitu zina la munthu yo titimuyanja asani tikambiskana nayu, ukongwa asani watikambiya kuti tigwiriskiyengi nchitu zina laki. Kumbi tingatondeka kuchita so viyo asani tikambiskana ndi Chiuta? Yesu Khristu nayu, wanguchiska ŵanthu kuti agwiriskiyengi nchitu zina laku Chiuta.—Ŵerengani Mateyu 6:9; Yohane 17:26.

Chinanga kuti ve viyo, kuti tije bwezi laku Chiuta, tikhumbika kuziŵa vinandi vaku iyu m’malu mwakuziŵa ŵaka zina laki. Mwakuyeruzgiyapu, kumbi Chiuta we ndi jalidu wuli? Kumbi vingachitika kuti tije nayu paubwezi? Mukhoza kusaniya kwamuka kwa mafumbu yanga m’Bayibolo.