Uneneska Wakukwaskana ndi Ufumu Waku Chiuta
Yesu wangusambiza akusambira ŵaki kuti apempherengi kuti: “Awusefwi akuchanya, zina linu lipaturiki. Ufumu winu uzi. Khumbu linu lichitiki panu pasi, nge kuchanya.” (Mateyu 6:9, 10) Kumbi Ufumu waku Chiuta ntchinthu wuli? Kumbi ndi vinthu wuli vo uchita? Nanga ntchifukwa wuli tikhumbika kuwupemphere?
Yesu ndi Fumu ya Ufumu Waku Chiuta.
Luka 1:31-33: “Ndipu uzimupaski zina lakuti Yesu. Iyu wazamuja wakuzirwa ndipu wazamudanika kuti Mwana wa Wapachanya Limu. Yehova Chiuta wazakumupaska mpandu waufumu wa awisi a Davidi. Iyu wazamuwusa nge Fumu kwamuyaya panyumba yaku Yakobe, ndipu Ufumu waki wazamumala cha.”
Ufumu waku Chiuta ndiyu nkhani yikulu yo Yesu wapharazganga
Mateyu 9:35: “Yesu wangwamba kwenda mumatawuni ngosi ndi mumizi yosi, kusambiza mumasinagogi ngawu ndi kupharazga uthenga wamampha wa Ufumu, kuchizga matenda ngamtundu wewosi ndi masuzgu ngamtundu wewosi.”
Yesu wanguŵapaska chisimikizu akusambira ŵaki chakuŵawovya kuziŵa kuti Ufumu waku Chiuta we pafupi.
Mateyu 24:7: “Pakuti mtundu wazamuyukiyana ndi mtundu unyaki, ufumu ndi ufumu unyaki, ndipu kwazamuja nja ndi vidilirisi mumalu ngakupambanapambana.”
Mazuŵa nganu akusambira aku Yesu apharazga va Ufumu waku Chiuta pacharu chosi chapasi.
Mateyu 24:14: “Ndipu uthenga wamampha uwu wa Ufumu, wazamupharazgika pacharu chosi chapasi kuti uje ukaboni ku ŵanthu amitundu yosi, ndipu pavuli paki umaliru uzengi.”