Kusintha kwa Nyengu ya Sambiru la Bayibolo la Mpingu ndi Unganu wa Uteŵeti
Kwambiya mu Sabata ya September 3, Sambiru la Bayibolo la Mpingu lichitikengi kwa maminiti 30 m’malu mwa maminiti 25. Kwa miniti yimoza wakuchitiska wazamuyambanga ndi kukonkhoska vo tingusambira ulendu wajumpha. Nyengu ya Unganu wa Uteŵeti nayu yisinthengi, kutuwa pa maminiti 35 kufika pa maminiti 30. Kwazamuŵavi nyengu yapade ya vipharazgu. M’malu mwaki, vipharazgu vazamukambikiyanga pamoza ndi nkhani yakwamba. Asani mphakukhumbika kuzikamba vipharazgu, vizijengi vimanavi ŵaka, ndipu palivi chifukwa chakupharazgiya nkhani zo zikambikengi. Vipharazgu vakukwaskana ndi uteŵeti wakumunda, kunozga mu Nyumba ya Ufumu, pamwenga moni wakutuliya ku mipingu yinyaki vitenere cha kukambika. (km-CN 10/08 peji 1, ndimi 4) Asani paŵengi chipharazgu chitali, wo akambengi nkhani mu unganu wa uteŵeti atenere kuziŵiya limu kuti adumuwi nkhani zawu.