Vo Ampupuka Afumba—Kumbi Ndichitengenji pa Umoyu Wangu?—(Chigaŵa 2)

Chifukwa cha masuzgu ngo ampupuka achikhristu akumana nangu mazuŵa nganu, gwiriskiyani nchitu mafumbu yanga pakukambiskana fundu zinyaki zo zingaŵawovya kuti ateŵetiyengi Yehova pa umoyu wawu. Kweniso pakukambiskana mafumbu yanga, konkhoskani mo tingagwiriskiya nchitu fundu zo tingukambiskana sabata yamala mu buku la Mayankho a Zimene Achinyamata Amafunsa, Buku Lachiwiri, peji 311-317.

Kujipereka ku Vinthu Vaŵakaŵaka Pamwenga Kwaku Chiuta: (1) Kumbi ampupuka achichizgika kuti aje ndi vilatu nivi? (2) Kumbi lemba la 1 Yohane 2:17 lingawovya wuli ampupuka kuziŵa kuti sukulu atenere kufika nayu pani? (3) Nchifukwa wuli tikhumbika cha kopa kubatizika? (4) Kumbi ndi vinthu wuli vo tingachita kuti tibatiziki? Kuziŵa mo Mungakondwe ndi Uteŵeti: (5) Kumbi nchifukwa wuli ŵanthu anyaki akondwa cha ndi uteŵeti? (6) Kumbi vinthu vinyaki vo vingatiwovya ndi nivi? (7) Kumbi ndi vinthu wuli vo ŵanthu anyaki atopa ukongwa kuphara kukambiskana ndi munthu wambula kumuziŵa ndipu nchifukwa wuli? (8) Kumbi tingamaliska wuli mantha ndi kuja ndi chiganga pakukambiskana ndi ŵanthu? (9) Nchifukwa wuli titenere kusazgiyaku malusu ngidu mu uteŵeti? Khomu la Uteŵeti Ndakujulika: (10) Kumbi uteŵeti wa upayiniya utovya wuli kuti munthu waluti panthazi mwauzimu? (Ŵaf. 3:16) (11) Nchifukwa wuli anyaki atopa kwamba upayiniya? (12) Kumbi ndi fundu za m’Malemba nizi zo zingatiwovya kuti tileki kufipa mtima ndi nkhani ya mo tingasaniriya ndalama? (13) Kumbi ndi vinthu wuli vo ŵanthu anyaki achita kuti asaniyengi ndalama zakujiwovye pa nyengu yo achita upayiniya? (14) Kumbi munthu wangachita wuli asani wangafiska cha kuchita uteŵeti wanyengu zosi?

Kuzirwa Kwakusambira Bayibolo Pakutija: (15) Nchifukwa wuli titenere kwanja kusambira Bayibolo pakutija? Upharazgi Wapakweru: (16) Kumbi kuchita mitundu yakupambanapambana ya uteŵeti kungawovya wuli munthu kuja walikondwa? Uteŵeti wa pa Beteli: (17) Konkhoskani vitumbiku vinyaki vo munthu wangasaniya chifukwa chakuteŵete pa Beteli. Sukulu ya Bayibolo ya Abali Ambula Kuto: (18) Kumbi ŵanthu wo akusere sukulu yeniyi ayanduwa wuli?