Kumbi Nyengu Zosi Muwonapu pa Bolodi la Chiziŵisku?

Kanandi ŵara, ateŵeti akovya kweniso anyaki wo atanja kupaskika maudindu nganyaki, ndiwu awona pa bolodi la chiziŵisku kuti awoni zuŵa lo apaskika vakuchita. Kweni pa bolodi ili paja uthenga wakovya, wo weyosi watenere kuwuŵerenga. Kumbi muziŵa zuŵa lo kagulu kinu kanozge Nyumba ya Ufumu? Kumbi mpingu winu walonde kalata yakutuwa kwa wakuwonere dera pamwenga ku ofesi ya nthambi? Kumbi mutu wa nkhani yachisanisani yo yazamukambika pa Sabata mutiwuziŵa kuti mudaniyi wo musambira nawu Bayibolo ku maunganu? Kumbi pe kusintha kwekosi pa ndondomeku ya maunganu pamwenga ya kagulu kinu ka uteŵeti? Fundu zosi izi zikuleka kupharazgika pa maunganu ndipu ŵara a mpingu angafiska cha kukambiya mupharazgi weyosi pakuyija. Mwaviyo, weyosi watenere kuwonanga pa bolodi la chiziŵisku nyengu zosi. Asani nyengu zosi tiwona pa bolodi ili, vinthu vosi ‘vichitikengi kwaulemu ndi kwaurusu.’—1 Ŵakor. 14:40.