Mo Anyaki Atovye pa Nchitu ya Pacharu Chosi
Nge mo venge mu nyengu ya wakutumika Paulo, mazuŵa nganu napu ŵanthu ‘atijiŵikiya mbiku yawu pade’ pamwenga kuti kusankhiya limu ndalama zo angapereka ndipu atiziŵika mubokosi la ku Nyumba ya Ufumu lo lilembeka kuti, “Nchitu ya Pacharu Chosi.” (1 Ŵakor. 16:2) Mwezi wewosi, mipingu yitumiza ndalama zenizi ku ofesi ya nthambi ya m’charu chawu. Namwi so pakumwija, mungatumiza ndalama ku ofesi ya nthambi. Mungafumba ofesi ya nthambi ya m’charu chinu kuti muziŵi mo mungachitiya venivi. Adiresi ya ofesi ya nthambi yeyosi yisanirika pa jw.org. Mungapereka vawanangwa vinu m’nthowa izi:
KUPEREKA NDALAMA NDI VITHU
• Mungapereka ndalama, vibangili, ndeŵeleri pamwenga vinthu vinyaki vakudula.
• Pakupereka vinthu ivi mutenere kulemba kalata yakukonkhoska kuti vo mwapereka vawanangwa.
KUBWEREKESKA NDALAMA
• Izi ndi ndalama zo ziperekeka ndipu ziwezgeka pa nyengu yo mweneku wazikhumbiya.
• Pakupereka ndalama izi mutenere kulemba kalata yakukonkhoska kuti ndalama izi mwabwerekeska ŵaka.
NTHOWA ZINYAKI
Kusazgiya pa kupereka ndalama ndi vinthu vinyaki vakudula, pe nthowa zinyaki so zo mungapereke kuti muwovyi pa nchitu ya Ufumu yo yichitika pacharu chosi. Mwechendasankhi nthowa yeyosi mutenere kufumba dankha ku ofesi ya nthambi kuti muziŵi nthowa yakwenere. Mukhumbika so kufufuza msonkhu wo mungapereka pa nthowa yo mungasankha. Mungasankha kupereka m’nthowa izi:
Inshuwalansi: Munthu wangasankha kupereka ndalama zaki za inshuwalansi pamwenga za penshioni ku ofesi ya nthambi.
Maakaunti nga Kubanki: Mukhoza kupereka ndalama zo ze ku akaunti yinu ya kubanki pamwenga kusankha kuti ofesi ya nthambi ndiyu yizilonde ndalama zo ze ku ankaunti yinu asani mwafwa. Kweni pakuchita ivi mulondo marangu ngo mabanki ngatende.
Masheya: Munthu yo we ndi masheya ku kampani wangasankha kupereka ndalama za masheya ngaki ku ofesi ya nthambi pamwenga kusankha kuti ndalama izi ziziperekeki ku ofesi ya nthambi asani iyu wafwa.
Malu Pamwenga Nyumba: Mungasankha kupereka ku ofesi ya nthambi malu ngo ngangaguliskika pamwenga nyumba. Kweni asani ndi nyumba yakuti mweche kujamu, mukhoza kulutirizga kujamu kwa umoyu winu wosi.
Chuma cho Munthu Wakufwa Wasiya: Mungalemba wilu yakuzomerezgeka ndi boma kuti chuma chinu chiziperekeki ku ofesi ya nthambi asani mwafwa.
Kuti muziŵi vinandi vakukwaskana ndi mo mungapereke vawanangwa venivi, fumbani ku ofesi ya akaunti pa foni pamwenga lembani kalata ndi kutumiza pa adiresi iyi.
ACCOUNTING OFFICE
Association of Jehovah’s Witnesses of Malawi
P.O. Box 30749
Lilongwe 3
Malawi
Telefoni: 01 762 111