Ndondomeku ya Sabata ya April 27

Sumu 109 ndi Rombu

Sambiru la Bayibolo la Mpingu:

bm sambiru 14 (Mamin. 30)

Sukulu ya Uteŵeti Waku Chiuta:

Kuŵerenga Bayibolo: 1 Samuele 26-31 (Mamin. 8)

Kuweriyamu mu vo Tasambira mu Sukulu ya Uteŵeti Waku Chiuta (Mamin. 20)

Unganu wa Uteŵeti:

Mutu wa Mwezi Wunu: Muchitengi vinthu nge ŵanthu a zeru mwakugwiriskiya nchitu umampha “nyengu” yinu.​—Ŵaef. 5:15, 16.

Sumu 66

Mamin. 7: Mo Mungakambiskiyana ndi Munthu mu Uteŵeti. Nkhani yakukambiskana yakutuliya m’buku la Sukulu ya Utumiki, peji 251 mpaka peji 253 ndimi 1.

Mamin. 10: Nyumba ya Ufumu Yakutowa Yitumbika Yehova. Nkhani. Yikambiki ndi mura. Yehova ndi Chiuta mutuŵa, ndipu ŵanthu ŵaki nawu atenere kuja akutowa. (Chit. 30:17-21; 40:30-32) Yehova wangatumbikika ukongwa asani nyengu zosi tinozga ndipuso titowesa malu ngidu ngakusopiyapu. (1 Pet. 2:12) Konkhoskani chakuchitika cha m’chigaŵa chinu pamwenga cha m’mabuku ngidu chakulongo kuti anyaki anguzomera kuŵapharazgiya chifukwa cha kutowa kwa Nyumba ya Ufumu. Fumbani m’bali yo wawonere nchitu yakuphwere Nyumba ya Ufumu. Chiskani wosi kuti ajiperekengi pa nchitu yakuphwere Nyumba ya Ufumu.

Mamin. 13: “Wovyani Ŵanthu Kuti Aziŵi Nthazi ya Mazu Ngaku Chiuta.” Nkhani yakukambiskana. Pavuli paki, chitani vakuyeruzgiyapu viŵi. Chakwamba, mupharazgi wagaŵiya kabuku ka Uthenga Wamampha ndipu wakonkhoska ŵaka vo lemba la 2 Timote 3:16, 17 likamba kwambula kujula Bayibolo. Chachiŵi, mupharazgi wachiti so chakuyeruzgiyapu chenichi kweni sonu waŵerengi lemba ili m’Bayibolo. Pemphani akuvwisiya kuti akonkhoski kuti nchifukwa wuli chakuyeruzgiyapu chachiŵi chenga umampha.

Sumu 124 ndi Rombu