Mo Tingasazgiyaku Lusu Lidu mu Uteŵeti​—Mo Tingasambiziya Munthu Mwalusu ndi Buku la “Mujisungi mu Chanju Chaku Chiuta”

Ntchifukwa Wuli Nkhwakukhumbika?: Ŵanthu akhumbika kusambira ndipuso kuvwiya marangu ngaku Yehova kuti amusopengi munthowa yakwenere. (Yes. 2:3, 4) Buku la “Chanju Chaku Chiuta” lo so ndi buku lachiŵi lo tigwirisiya ntchitu pakusambira Bayibolu ndi ŵanthu, litiŵawovya kuwona mo marangu ngaku Yehova ngangaŵawovye pa umoyu wawu. (Ŵah. 5:14) Asani tisambiza ŵanthu mwakugwirisiya ntchitu buku ili, titenere kuyesesa kuŵafika pamtima kuti asinthiyi limu umoyu wawu.—Ŵar. 6:17.

MO TINGACHITIYA:

• Tikhumbika kunozgeke umampha. Ivi visazgapu kuziŵa vakusoŵa va munthu yo tisambira nayu. Nozgekiyani mafumbu ngo ngangachiwovya wakusambira kuti wakakambengi maŵanaŵanu ngaki pa nkhani yo mwamukambisana.—Nthanthi 20:5; be-CN 259

• Tigwirisiyengi ntchitu fundu za mutimabokosi ta m’buku ili kuti ziwovyi wakusambira kuziŵa kuti wakhumbika kugwirisiya ntchitu fundu za m’Bayibolu

• Titenere kumuwovya yo tisambira nayu Bayibolu kuti wagwirisiyengi ntchitu njuŵi yaki pakusankha vakuchita asani Bayibolu lilivi ulongozgi wewosi pa nkhani yo. Tingamusankhiyanga vakuchita cha.—Ŵag. 6:5

• Tikhumbika kuchita vinthu mwalusu kuti tiziŵi asani yo tisambira nayu wakhumbika kumuwovya kuti wagwirisiyengi ntchitu fundu za m’Bayibolu. Titenere kumuchiska mwachanju kuti wasinthi yija umoyu waki chifukwa chakuti watanja Yehova.—Nthanthi 27:11; Yoh. 14:31