Chanju Chauneneska

Yehova ndiyu wakwambisa nthengwa ndipu wakhumba kuti munthulumi ndi munthukazi angalekananga cha umoyu wawu wosi. (Chiya. 2:22-24) Nthengwa yingamala pijapija asani munyaki wachita ureŵi. (Mala. 2:16; Mate. 19:9) Chifukwa chakuti Yehova wakhumba kuti ŵanthu akutolana ajengi mwakukondwa, wakupereka ulongozgi wo ungawovya Akhristu kuti asankhengi mwazeru yo angatolana nayu kuti azijengi mwakukondwa munthengwa yawu.—Waku. 5:4-6.

WONERIYANI LIMU KUNYUMBA VIDIYO YAKUTI CHANJU CHAUNENESKA, PAVULI PAKI MUKANI MAFUMBU YANGA:

• 

  Ntchifukwa wuli ulongozgi wo Frank ndi Bonnie angupasa mwana wawu Liz wenga wazeru ndipuso wachanju?

• Ntchifukwa wuli nkhuŵavi zeru kuŵanaŵana kuti mungamusintha munthu yo mwenayu pa chibwezi?

• Kumbi ndi ulongozgi nuwu wazeru wo Paul ndi Priscilla angupasa Liz?

• 

  Kumbi masuzgu ngangwamba wuli mubanja laku Zach ndi Megan?

• 

  Kumbi John ndi Liz ayanananga wuli pa nkhani ya vinthu vauzimu?

• Ntchifukwa wuli tikhumbika kuziŵa dankha “munthu wakubisika wa mumtima” wa munthu techendapangi nayu malayizgu nga nthengwa? (1 Petu. 3:4)

• Kumbi chanju chauneneska ntchinthu wuli? (1 Akori. 13:4-8)