TICHITENGI VINTHU NGE AKHRISTU

Saniyani Nkhani zo Zingakuwovyani pa Umoyu Winu pa JW.ORG

Mazu ngaku Chiuta ngatitiwovya ukongwa kuti timalani ndi masuzgu ngo tikumana nangu mazuŵa nganu ngakumaliya. (2Ti 3:1, 16, 17) Kweni nyengu zinyaki tingakhumba kuti anyidu atiwovyeku kusaniya fundu za mu Bayibolu zo zingatiwovya pa suzgu lo takumana nalu. Mwakuyeruzgiyapu, kumbi ndimwi mupapi ndipu mupenja ulongozgi wa mo mungalere ŵana ŵinu? Kumbi ndimwi wachinyamata ndipu chivwanu chinu chiyeseka? Kumbi mwe ndi chitima chifukwa cha nyifwa ya mulumu winu pamwenga muwolu winu? Pa jw.org musaniyengi nkhani zo zikuwovyeningi kuti musaniyi fundu za mu Bayibolu zo mupenja kweniso zinyaki zinandi.—Nth 2:3-6.

Webusayiti ya jw.org yiwoneka pa tabuleti. Kachithuzi ko kalongo chigaŵa cha VO BAYIBOLU LISAMBIZA.

Pa peji lakwamba la jw.org, bofoni po palembeka kuti VO BAYIBOLU LISAMBIZA. (Wonani chithuzi 1.) Sankhani nkhani yo mupenja. Pamwenga bofoni po palembeka kuti LAYIBULARE > NKHANI ZAKUPAMBANAPAMBANA ndipu sankhani nkhani yo mupenja. (Wonani chithuzi 2.) Nkhani zenizi mungazisaniya so pa JW Library^®.a Musaniyengi nkhani zinandi pa malu ngenanga. Nthowa yinyaki mungagwiriskiya ntchitu kabokosi kakufufuziya kuti musaniyi nkhani chayiyu yo mupenja pa jw.org.

Webusayiti ya jw.org yiwoneka pa tabuleti. Kachithuzi ko kalongo LAYIBULARE ndi NKHANI ZAKUPAMBANAPAMBANA.

Fufuzani mitu yo ye mumphata umu mu bokosi lakufufuziya, ndipu wonani nkhani zo mukhumba kuŵerenga.

Kulera ŵana
Vo vichitiska achinyamata kuti asuzgikengi maŵanaŵanu
Nyifwa ya munthu yo mukutolana nayu

a Pa vigaŵa vinyaki, nkhani zosi zisanirika pa jw.org pe.