Apapi Yesesani Kuwovya Ŵana Ŵinu Kuti Ayanjengi Yehova ndi Mtima Wosi

Apapi wo atopa Chiuta akhumbisiska kuti ŵana ŵawu ateŵetiyengi Yehova mwakugomezgeka. Yiwu angawovya ŵana ŵawu mwakukhomereza Mazu Ngaku Chiuta mumitima yawu ŵeche malitema. (Mara. 6:7; Nthanthi 22:6) Kumbi apapi akhumbika kuchitanji kuti afiski venivi? Akhumbika kujipereka. Asani angachita viyo atumbikikengi ukongwa!—3 Yoha. 4.

Apapi angasambira vinandi kwaku Yosefi ndi Mariya. Yiwu “anguziŵiliya kuluta ku Yerusalemu chaka chechosi kuchichita phwandu la Pasika” chinanga kuti yenga ntchitu yikulu kunozgeke ulendu wenuwu, kweniso pakhumbikanga ndalama zinandi. (Luka 2:41) Venivi vilongole limu kuti banja laku Yosefi ndi Mariya lawonanga kuti ubwezi wawu ndi Yehova ndiwu ngwakukhumbika ukongwa. Mwakuyanana waka, apapi mazuŵa nganu atenere kusambiza ŵana ŵawu kuti ayanjengi Yehova. Yiwu angaŵasambiza kuziya mu vakuchita kweniso vakukamba.—Sumu 127:3-5.

WONERIYANI VIDIYO YAKUTI AYESESANGA KUSANIYA MPATA KUTI AWOVYI ŴANA ŴAWU, PAVULI PAKI MUKANI MAFUMBU YANGA:

• Kumbi Jon ndi Sharon Schiller anguchita wuli kuti ateŵetiyengi Yehova ndi mtima wosi chinanga kuti ŵenga ndi ŵana?

• Ntchifuwa wuli apapi atenere kusambiza ndi kulanga mwana weyosi pakuyija malinga ndi mo waliri?

• Kumbi apapi angaŵawovya wuli ŵana ŵawu kuti anozgeke vinthu vo vingayesa chivwanu chawu?

• Kumbi ndi vidya nivi vo gulu laku Yehova lipereka vo mwagwiriskiyapu ntchitu kuti muwovyi ŵana ŵinu kuti aje pa ubwezi ndi Yehova?