Vo Mungachita Kuti Muyanduwengi Asani Musambira Bayibolu Pakumwija

KUMBI VENIVI VAKUKHUMBIKA WULI?: Kusambira Mazu Ngaku Chiuta pakutija kutitiwovya kuti ‘tivwisi umampha ukongwa usani, utali, kukwera ndi kusere’ kwa uneneska. (Aefe. 3:18) Kutitiwovya so kuti tije ambula kalema ndipuso ambula donthu mucharu chiheni ichi ndi kulutirizga “kukoleska mwanthazi mazu ngaumoyu.” (Afi. 2:15, 16) Kusambira Bayibolu pakutija kutitiwovya so kuti tisankhengi umampha vinthu vo tikhumba. Kumbi tingachita wuli kuti tiyanduwengi ukongwa asani tiŵerenga ndi kusambira Bayibolu?

KUMBI MUNGACHITA WULI VENIVI?:

• Mungacheda mavesi pamwenga kulemba fundu zo mwasaniya mu Bayibolu lo mugwiriskiya ntchitu pakusambira, kwali nda pafoni, patabuleti pamwenga lakupulinta

• Asani muŵerenga Mazu Ngaku Chiuta, mujifumbengi mafumbu yanga: ‘Akamba vaku yani? Ang’anamuwanji? Vinguchitika zukwanji? Vinguchitikiya pani? Ntchifukwa wuli? Vinguchitika wuli?’

• Saniyani ukaboni wakukwana. Mungagwiriskiya ntchitu vidya vakufufuziya kuti mufufuzi nkhani pamwenga vesi lo mupenja

• Muŵanaŵaniyengepu ukongwa pa nkhani yo muŵerenga kuti muziŵi mo mungayigwiriskiya ntchitu

• Nyengu zosi muchitengi vo musambira pa umoyu winu.—Luka 6:47, 48

WONERIYANI VIDIYO YAKUTI LUTIRIZGANI “KUKOLESKA MWANTHAZI MAZU NGAUMOYU” ASANI MUSAMBIRA PAKUMWIJA, PAVULI PAKI MUKANI MAFUMBU YANGA:

• Kumbi ŵanthu anyaki akambanji pa nkhani yakusambira Bayibolu pakuŵija?

• Ntchifukwa wuli nyengu zosi tikhumbika kupemphera techendayambi kusambira Bayibolu pakutija?

• Ntchinthu wuli cho chingatiwovya kuti tivwisi umampha nkhani yo tiŵerenga mu Bayibolu?

• Kumbi ndi mitundu niyi yo tingacheda mu Bayibolu lo tigwiriskiya ntchitu pakusambira?

• Ntchifukwa wuli kuŵanaŵaniyapu nkhwakukhumbika asani tisambira Mazu Ngaku Chiuta?

• Kumbi tikhumbika kuchitanji ndi vo tisambira?