“Tayani Achiuta Wosi Achilendu”

Yakobe waziŵanga kuti wakhumbikanga kujipereka kwaku Yehova pe, chinanga kuti pa nyengu iyi ndipu Yehova wechendapereki dangu lakukanizga kusopa angoza. (Chitu. 20:3-5) Ndichu chifukwa chaki Yehova wati wamukambiya kuti wawere ku Beteli, Yakobe wangulamula kuti weyosi watayi achiuta aboza. Pavuli paki Yakobe wanguwundiya pasi achiuta wosi achilendu, kusazgapu ndeŵereŵi zo ŵanthu anyaki avwalanga nge vithumwa. (Chiya. 35:1-4) Tikayika cha kuti Yehova wangukondwa ukongwa ndi vo Yakobe wanguchita.

Nanga isi tingachita wuli kuti tijiperekengi kwaku Yehova pe? Tikhumbika cha kuchitaku chechosi chakukwaskana ndi mizimu kweniso kusopa angoza. Ivi visazgapu kutaya chinthu chechosi chakukwaskana ndi vamasenga kweniso titenere kuphwere ndi vakusangaluska vo titanja. Mwakuyeruzgiyapu, jifumbeni kuti: ‘Kumbi nditanja kuŵerenga mabuku kweniso kuwonere mavidiyo ngo ngalongo mizukwa kweniso vinthu vinyaki vamizimu? Kumbi masaza ngo nditanja ngalongo kuti kuchita vamasenga kweniso kuja ndi nyanga nkhwamampha?’ Tikhumbika cha kuchitaku chechosi cho Yehova watinkha.​—Sumu 97:10.

WONERIYANI VIDIYO YAKUTI “SUSKANI DYABOLI,” PAVULI PAKI MUKANI MAFUMBU YANGA:

• 

  Kumbi Palesa yo wasambiranga Bayibolu wangukumana ndi suzgu wuli?

• 

  Ntchifukwa wuli cho mutenere kupempha ŵara kuti akuwovyeni asani musuzgika ndi vamizimu?

• 

  Kumbi ŵanthu wo akhumba kuti Yehova waŵavikiliyengi akhumbika kutaya vinthu wuli?

• Kumbi Palesa wangulongo wuli kuti wanguchita vinthu mwazeru?

• Kumbi mungachita wuli kuti muleki kulandizgika ndi mizimu yiheni muchigaŵa cho muja?