Kumbi Tingasambiranji kwa Akhristu wo Aziŵa Vinandi?

Mu mpingu widu mwe abali ndi azichi wo ateŵete Yehova mwakugomezgeka kwa vyaka vinandi. Tingasambira vinandi kwa abali ŵenaŵa pankhani yakuthemba Yehova. Tingaŵafumba mbiri ya gulu laku Yehova, masuzgu ngo akumanapu nangu kweniso mo Yehova waŵawovye kumalana ndi masuzgu ngenanga. Kweniso tingaŵadaniya kunyumba kwidu kuti tizichiti nawu limoza Kusopa Kwapabanja ndipu pa nyengu iyi angazitikonkhoske vo akumana navu pa umoyu wawu.

Asani mwateŵete Yehova kwa vyaka vinandi ndipu Akhristu wo ayamba waka sonu atikufumbani vo mwakumana navu pakuteŵete Yehova, muŵakonkhoskiyengi mwakufwatuka. Yakobe ndi Yosefe akambiyanga ŵana ŵawu vinthu vamampha vo Yehova wanguŵachitiya pa umoyu wawu. (Chiya. 48:21, 22; 50:24, 25) Pati pajumpha nyengu, Yehova wangukambiya mitu ya mabanja kuti yikonkhoskiyengi ŵana ŵawu ntchitu zanthazi zaku Yehova. (Mara. 4:9, 10; Sumu 78:4-7) Mazuŵa nganu, apapi kweniso abali ndi azichi mu mpingu, angakonkhoske achinyamata vinthu vakukondweska vo Yehova wachita kuziya mu gulu laki.

WONERIYANI VIDIYO YAKUTI LUTIRIZGANI KUJA MWAKUKOLIYANA ASANI BOMA LAKANIZA NTCHITU YIDU, PAVULI PAKI MUKANI MAFUMBU YANGA:

• Kumbi ofesi ya nthambi ya ku Austria yinguŵawovya wuli abali ŵidu, ntchitu yidu yati yakanizgika muvyaru vinyaki?

• Kumbi ntchinthu wuli cho chinguwovya abali ŵenaŵa kuti chivwanu chawu chilutirizgi kuja chakukho?

• Ntchifukwa wuli apharazgi a ku Romania anandi anguleka gulu laku Yehova, nanga ntchinthu wuli cho chinguŵawovya kuti awere so mugulu?

• Kumbi nkhani zenizi zitikuwovyani wuli kuja ndi chivwanu chakukho?