KUSAZGIYAKU LUSU LIDU MU UTEŴETI | SAZGIYANIKU LIKONDWA LINU MU UTEŴETI
Muwovyengi wo Musambira Nawu Bayibolu Kuti Awunganengi
Maunganu ntchigaŵa chakukhumbika ukongwa pa kusopa kwa uneneska. (Sl 22:22) Wosi wo awungana kuti asopi Yehova asaniya likondwa kweniso vitumbiku. (Sl 65:4) Wo asambira Bayibolu angaluta panthazi mwaliŵi asani awungana nyengu zosi.
Kumbi mungaŵawovya wuli wo musambira nawu Bayibolu kuti awunganengi? Muŵadaniyengi ku maunganu. Muŵawonesi vidiyo yakuti Kumbi ndi Vinthu Wuli vo Vichitika pa Nyumba ya Ufumu? Muŵakonkhoskiyengi kukhumbika kwa maunganu. (lff sambiru 10) Muŵakambiyengi vo mwasambira ku maunganu pamwenga vo mwazamusambira sabata yamawa. Muŵapaskengi mabuku ngo mwamugwiriskiya ntchitu pakusambira. Muŵawovyengi asani akhumbika chovyu. Asani mwe ndi galimotu mungaŵapingaku pakuluta ku maunganu. Mwazamuwona kuti vosi vo mwachitanga vakuzirwa ukongwa asani munthu yo musambira nayu Bayibolu waza ku maunganu kakwamba.—1Ak 14:24, 25.
WONERIYANI VIDIYO YAKUTI MUWOVYENGI WO MUSAMBIRA NAWU BAYIBOLU KUTI AWUNGANENGI, NDIPU MUKANI MAFUMBU YANGA:
Kumbi ndi mwaŵi wuli wo Neeta wangugwiriskiya ntchitu kuti wadaniyi Jade ku maunganu?
Ntchifukwa wuli tikondwa asani munthu yo tisambira nayu waungana?
““Chiuta we pakati pinu nadi”
Kumbi Jade wanguwonanji wati waluta ku maunganu kakwamba?