Muwovyengi Wo Musambira Nawu Bayibolu Kuti Aje pa Ubwezi ndi Yehova

Yehova wakhumba kuti timuteŵetiyengi chifukwa chakuti titimuyanja. (Mt 22:37, 38) Asani ŵanthu wo musambira nawu atanja Yehova, angasintha nkharu yawu kweniso angakunthiyapu asani ayeseka. (1Yo 5:3) Kwanja Chiuta ndiku kungaŵawovya kuti abatiziki.

Muwovyengi wo musambira nawu kuti awonengi mo Chiuta watiŵayanjiya. Mungaŵafumba mafumbu nge yanga: “Kumbi fundu iyi yitikusambizaninji vakukwaskana ndi Yehova?” pamwenga “Kumbi fundu iyi yilongo wuli kuti Yehova watikuyanjani?” Muŵawovyengi kuti aziŵengi mo Yehova watiŵawovye pakuŵija. (2Mb 16:9) Muŵakambiyengi vakuyeruzgiyapu vo vilongo mo Yehova wamukiya mapempheru nginu, ndipu muŵachiskengi kuti nawu awonengi mo wamukiya mapempheru ngawu. Tikondwa ukongwa asani Yehova watiŵayanja ŵanthu wo tisambira nawu Bayibolu ndipuso kuti nawu atimuyanja ndipu akhumba kuja nayu pa ubwezi.

WONERIYANI VIDIYO YAKUTI MUWOVYENGI WO MUSAMBIRA NAWU BAYIBOLU KUTI AJE PA UBWEZI NDI YEHOVA, NDIPU MUKANI MAFUMBU YANGA:

• 

  Kumbi Jade wangukumana ndi suzgu wuli?

• 

  Kumbi Neeta wangumuwovya wuli Jade?

• 

  Ntchinthu wuli cho chinguwovya Jade kuti wamalani ndi suzgu lo wangukumana nalu?