KUSAZGIYAKU LUSU LIDU MU UTEŴETI | SAZGIYANIKU LIKONDWA LINU MU UTEŴETI
Musambizengi wo Musambira Nawu Bayibolu mo Angasambiriya Bayibolu Pakuŵija
Ŵanthu wo tisambira nawu Bayibolu kuti aziŵi Yehova kweniso kuti akuwi mwauzimu, akhumbika kusambira pakuŵija kusazgiyapu pa kusambira nawu. (Mt 5:3; Ah 5:12–6:2) Kweniso akhumbika kuziŵa mo angasambiriya pakuŵija.
Asani mwayamba ŵaka kusambira Bayibolu ndi munthu, mumuwovyengi kuziŵa mo wanganozgeke sambiru ndipu mumuchiskengi kuti wachitengi viyo nyengu zosi. (mwb18.03 6) Muŵachiskengi kuti nyengu zosi apempherengi dankha wechendayambi kusambira pakuŵija. Muŵawovyengi kuziŵa mo angasaniriya vidya vakusambiriya pa webusayiti yidu kweniso mo angapangiya dawunilodi. Muŵasambizengi so mo angagwiriskiya ntchitu vidya venivi pakusambira. Muŵakonkhoskiyengi mo angasaniriya vinthu vasonu vo vaŵikika pa jw.org ndi JW Broadcasting®. Kamana ndi kamana muŵasambizengi kuti asambirengi Bayibolu zuŵa lelosi, anozgekiyengi maunganu nga mpingu, ndipuso afufuzengi kwamuka kwa mafumbu ngo angaŵa nangu. Muŵawovyengi kuti aŵanaŵaniyengepu pa vinthu vo asambira.
WONERIYANI VIDIYO YAKUTI MUWOVYENGI WO MUSAMBIRA NAWU BAYIBOLU KUTI AZIŴI MO ANGASAMBIRIYA BAYIBOLU PAKUŴIJA, NDIPU MUKANI MAFUMBU YANGA:
Kumbi Neeta wangumuwovya wuli Jade kuti waziŵi kuti kusambira nkhuziŵa waka kwamuka cha?
Kumbi ntchinthu wuli cho chinguwovya Jade kuti wavwisisi kuti Yehova wachita umampha kukaniza ureŵi?
Musambizengi wo musambira nawu kuti asambirengi ndi kugwiriskiya ntchitu vo asambira
Kumbi Jade wanguvwisanji pa nkhani ya kuŵanaŵaniyapu pa vo wasambira?