Achinyamata Mukambiskanengi Mwakufwatuka ndi Apapi Ŵinu

Ntchifukwa wuli mukhumbika kukamba mwakufwatuka asani mukambiya apapi ŵinu maŵanaŵanu nginu? (Nth 23:26) Chifukwa chakuti Yehova waŵapaska udindu kuti akuphweriyeningi kweniso kukulongozgani. (Sl 127:3, 4) Mphakusuzga kuti apapi ŵinu akuwovyeni asani muleka kuŵakambiya vo mukhumba kweniso asani mutiŵabisa vo vitikusuzgani maŵanaŵanu. Kweniso mungasambira vinandi cha kutuliya pa vo akumanapu navu pa umoyu. Kumbi nkhunanga kubisaku vinthu vinyaki? Nyengu zosi cha, kweni mukhumbika kuphwere kuti muleki kupusika apapi ŵinu.—Nth 3:32.

Kumbi mungakambiskana wuli ndi apapi ŵinu? Saniyani nyengu yamampha kwaku yimwi ndi apapi ŵinu. Asani muwona kuti mphakusuzga kuchita viyo, mungaŵalembe kalata ndi kukonkhoska maŵanaŵanu nginu. Wuli asani akhumba kuti mukambiskani nkhani yo yimwi mukhumba cha kuti mukambiskani? Kumbukani kuti yiwu akhumbisiska kukuwovyani. Apapi ŵinu muŵawonengi nge abwezi ŵinu, nge arwani ŵinu cha. Asani muyesesa kukambiskana mwakufwatuka ndi apapi ŵinu muyanduwengi umoyu winu wosi ndipuso kunthazi mwazamusaniya umoyu wamuyaya!—Nth 4:10-12.

WONERIYANI VIDIYO YAKUTI UMOYU WANGU NGE WACHINYAMATA—KUMBI NDINGAKAMBISKANA NAWU WULI APAPI ŴANGU? NDIPU MUKANI MAFUMBU YANGA:

• 

  Kumbi Esther ndi Partik anguziŵa kuti ŵe ndi suzgu wuli?

• 

  Kumbi mungasambiranji kwaku Yesu?

• 

  Kumbi apapi ŵinu alongo wuli kuti atikuŵanaŵaniyani?

• 

  Kumbi ndi fundu za mu Bayibolu nizi zo zingakuwovyani kuti mukambiskanengi ndi apapi ŵinu?