“Tumbika Awusu ndi Anyoku”

Po Yesu wenga pacharu, wangulikambapu so dangu lakuti: “Tumbika awusu ndi anyoku.” (Chitu. 20:12; Mate. 15:4) Yesu wenga ndi wanangwa wakukamba mazu yanga chifukwa chakuti ‘waŵavwiyanga’ apapi ŵaki. (Luka 2:51, mazu ngam’mphata.) Wati wakuwa, Yesu wangunozge limu kuti munthu munyaki waziphweriyengi anyina asani iyu wafwa.—Yoha. 19:26, 27.

Mazuŵa nganu napu, Akhristu achinyamata atumbika apapi ŵawu mwakuŵavwiya ndipuso kukambiskana nawu mwaulemu. Kukamba uneneska, dangu lakuti titumbikengi apapi ŵidu lilivi pakulekeze. Chinanga kuti apapi ŵidu angakota, tikhumbika kulutirizga mbwenu kuŵatumbika mwa kupinduwa ndi zeru zawu. (Nthanthi 23:22) Titumbika so apapi ŵidu akutota asani titiŵaphwere mwakuliŵavu kweniso asani titiŵapaska ndalama kuti ziŵawovyi. (1 Timo. 5:8) Kaya ndisi arara pamwenga ŵana, tingalongo kuti titumbika apapi ŵidu asani tikambiskana nawu umampha.

WONERIYANI VIDIYO YA MAKATUNI YAKUTI KUMBI NDINGACHITA WULI KUTI NDIKAMBISKANENGI UMAMPHA NDI APAPI ŴANGU?, PAVULI PAKI MUKANI MAFUMBU YANGA:

• Ntchifukwa wuli nyengu zinyaki muwona kuti nkhwakusuzga kukambiskana umampha ndi apapi ŵinu?

• Kumbi mungalongo wuli kuti mutumbika apapi ŵinu asani mukambiskana nawu?

  

• Ntchifukwa wuli mukhumbika kuyesesa kuti mukambiskanengi umampha ndi apapi ŵinu? (Nthanthi 15:22)