Nthengwa Mbubwezi wa Umoyu Wosi

Akutolana wo vinthu vitenda umampha mubanja lawu, atumbika Yehova ndipu nawu akondwa. (Mrk 10:9) Kuti Akhristu aje ndi banja lalikondwa, akhumbika kugwiriskiya ntchitu fundu za mu Bayibolu pakusankha munthu wakutolana nayu.

Musaniyengi munthu wakutolana nayu asani ‘mwajumpha pa unamana.’ Nyengu yeniyi khumbu lakugonana lituŵa likulu ukongwa ndipu lingachitiska kuti muleki kusankha mwakwenere. (1Ak 7:36) Mwechendato pamwenga kuyirwa, gwiriskiyani ntchitu mwazeru nyengu yinu kuti muje pa ubwezi wakukho ndi Yehova kweniso kuti muje ndi mijalidu yachikhristu. Venivi vingawovya kuti banja linu liziyendengi umampha.

Mwechendazomeri munthu, muziŵengi dankha “munthu wakubisika wa mumtima” waki. (1Pe 3:4) Asani mwawona kuti we ndi mijalidu yinyaki yo mutiyikayikiya, kambiskanani nayu mwechendatolani. Nge mo viŵiya ndi maubwezi nganyaki ngosi, mu nthengwa mukhumbika kuja ndi mtima wakuŵanaŵaniya vo munyinu wakukhumba, vinu pe cha. (Afi 2:3, 4) Asani mugwiriskiya ntchitu fundu za mu Bayibolu mwechendatolani, vazakukuwovyani kuti muzije ndi banja lalikondwa.

WONERIYANI VIDIYO YAKUTI KUNOZGEKE NTHENGWA​—CHIGAŴA 3: “MUŴERENGESIYENGI MTENGU WAKI,” NDIPU MUKANI MAFUMBU YANGA:

• Kumbi chibwezi cha mzichi wa mu vidiyo iyi ndi Shane chayendanga wuli?

• Kumbi mzichi uyu wanguwona kuti Shane wenga ndi mijalidu wuli wati wamuziŵa umampha?

• Kumbi apapi a mzichi uyu angumuwovya wuli, ndipu iyu wangusankhanji?