AUGUST 5-11

CHUMA CHAKUTULIYA MU MAZU NGAKU CHIUTA

1. ‘Kambiyani Mugonezi wo Utuza’ Vakukwaskana ndi Nthazi Zaku Chiuta

(10 min.)

Davidi wanguwona mo Yehova wamuvikiliyanga pa unyamata waki (Sl 71:5; w99-CN 9/1 18 ¶17)

Davidi wawonanga kuti Yehova wamuwovyanga mbwenu wati wakota (Sl 71:9; g04-CN 10/8 17 ¶3)

Davidi wachiskanga achinyamata mwakuŵakambiya vo wangukumana navu (Sl 71:17, 18; w14 1/1 23 ¶4-5)

Banja ili ndilu so lenga mu nkhani ya sabata yamala yamutu wakuti “Fundu zo Zingawovya Pakusopa kwa Pabanja.” Banja lenili ladaniyapu banja lakukota pakusopa kwawu kwa pabanja ndipu akondwa po litiŵalongo vithuzi kweniso litiŵakonkhoske vo lakumana navu pa umoyu.

JIFUMBENI KUTI, ‘Kumbi ndi mubali pamwenga mzichi nuyu mu mpingu yo wateŵete Yehova kwa nyengu yitali yo ndingazimufumba mafumbu pa Kusopa kwa Pabanja?’

2. Fundu Zakuzirwa za mu Bayibolu

(10 min.)

Sl 72:8—Kumbi vinthu vo Yehova wangulayizga Abrahamu pa Genezesi 15:18 vingufiskika wuli mu nyengu ya Fumu Solomoni? (it-1 768)

Kwamuka
Kumbi ndi fundu nizi zakuzirwa zo mwasaniya pakuŵerenga Bayibolu sabata yinu?

Kwamuka

3. Kuŵerenga Bayibolu

(4 min.) Sl 71:1-24 (th sambiru 5)

KUSAZGIYAKU LUSU LIDU MU UTEŴETI

4. Mo Mungayambiya Kukambiskana ndi Ŵanthu

(3 min.) KUPHARAZGA KUNYUMBA NDI NYUMBA. Asani munthu yo mukambiskana nayu wayamba kususka, mulayireni mwaulemu. (lmd sambiru 4 fundu 5)

5. Muchitengi Maulendu Ngakuweriyaku

(4 min.) KUPHARAZGA MWAMWAŴI. Lutirizgani kukambiskana ndi mubali winu yo wachita vidazi kusambira Bayibolu. (lmd sambiru 8 fundu 4)

6. Kukonkhoska vo Mugomezga

(5 min.) Nkhani. ijwfq 49—Mutu: Ntchifukwa Wuli Akaboni Aku Yehova Asintha Visambizu Vinyaki vo Agomezganga? (th sambiru 17)

TICHITENGI VINTHU NGE AKHRISTU

7. Vo Mungachita pa Kusopa kwa Pabanja

(15 min.) Nkhani yakukambiskana.

Banja liwonere pulogilamu ya JW Broadcasting.

Mwana wawu yimoza wasoska janja kuti wamuki vo anyina afumba Pakusopa kwa Pabanja.

Pa Kusopa kwa Pabanja ndi nyengu yamampha ukongwa yo ŵana ‘angasambiriya kweniso kulunguchizgika vakukwaskana ndi Yehova.’ (Aef 6:4) Kusambira ndi ntchitu yikulu, kweni kungaŵa kwakukondwesa asani ŵana akhumbisiska kusambira uneneska wa mu Bayibolu. (Yoh 6:27; 1Pe 2:2) Wonani bokosi lakuti “ Vo Mungachita Pakusopa kwa Pabanja” lo lingawovya apapi kuti achitengi Kusopa kwa Pabanja kwakukondwesa kweniso kwakusambiza, ndipu kambiskanani mafumbu yanga:

Kumbi ndi sachizgu nili lo mupenja kuchiyesere?

Kwamuka
Kumbi mwasaniyapu chechosi cho chingachikuwovyani?

Kwamuka

VO MUNGACHITA PA KUSOPA KWA PABANJA

BAYIBOLU:

Gwiriskiyani ntchitu Bayibolu lakuvwisiya pakuŵerenga machaputala ngo mwamusambira pa maunganu nga sabata ndi sabata, pamwenga ŵerengani mwakukweza mwakusinthanasinthana. Munthu weyosi wangapasika chigaŵa cha munthu yo wazumbulika mu Bayibolu
Nozgekiyani mafumbu mwakukoliyana ndi machaputala ngo mwamusambira. Munthu weyosi wangasankha fumbu limoza ndi kulifufuza. Ndipu mungakambiskana vo musambirapu
Fumbani fumbu pamwenga konkhoskani chakuchitika chinyaki. Pavuli paki fufuzani fundu za mu Bayibolu mubuku lakuti Malemba ngo Ngangatiwovya pa Umoyu Widu
Chitani chakuyeruzgiyapu cha nkhani ya m’Bayibolu yo muŵerenga
Pangani makadi ndipu mulembengepu mavesi nga mu Bayibolu sabata yeyosi, nge fundu zakukumaliya A mu kabuku kakuti Muyanjengi Ŵanthu Kuti Aje Akusambira, ndipu yesani kuloŵeza mavesi ngo. Weriyanimu vo mungusambira masabata ngo ngajumpha
Sambirani kachigaŵa ka buku la Kondwani ndi Umoyu Kwamuyaya!
Kambiyani ŵanthu a mubanja linu kuti akonkhoski yimoza mwa nkhani zo zisanirika pa chigaŵa chakuti “Mafumbu ngo Bayibolu Limuka” pamwenga “Kukonkhoska Mavesi nga mu Bayibolu,” ngo ngasanirika pa chigaŵa cha VO BAYIBOLU LISAMBIZA pa jw.org

MAUNGANU:

Nozgekiyani kachigaŵa ka vo mwamusambira ku maunganu
Nozgekiyani kweniso yeseriyani vo mwamumuka. Muwonesesi kuti mungaryanga nyengu cha
Yeseriyani kumba sumu za Ufumu
Kambiskanani kweniso yeseriyani vo mungachikamba kuti mukachiski munyinu unganu wechendayambi kweniso asani wamala
Yeseriyani chakuyeruzgiyapu cho yumoza wa mubanja linu wamuchita ku maunganu

UTEŴETI:

Nozgekiyani upharazgi wa ku nyumba ndi nyumba
Nozgekiyani maulendu ngakuweriyaku
Yeruzgiyani kuti mupharazga mwamwaŵi, ndipu yeseriyani mo mungayambiya kukambiskana ndi munthu mwaubwezi
Kambiskanani vo mungazichita kuti muzisazgiyeku uteŵeti winu pa nyengu ya Chikumbusu pamwenga pa holidi

VO BANJA LINGACHITA:

Yeseriyani mo mungamaliyana ndi suzgu lo labuka pamwenga lo muŵanaŵana kuti lingabuka, nge kuleka kuseleriyapu mu vandali, asani anyinu atikusuzgani, chibwezi pamwenga kukondwere maholidi
Apapi asinthani vakuchita ndi ŵana. Ŵana afufuzi nkhani ndipu akambiskani ndi apapi ŵawu

MASACHIZU NGANYAKI:

Woneriyani kweniso kambiskanani pulogilamu ya JW Broadcasting^®
Ŵerengani nkhani kweniso woneriyani mavidiyo nga pa jw.org, ndipu kambiskanani
Kambiskanani nkhani yeyosi yo ye pa chigaŵa cha “Achinyamata” pamwenga “Ŵana” pa mutu wakuti VO BAYIBOLU LISAMBIZA pa jw.org
Weriyanimu manosi ngo mungulemba pa unganu wachigaŵa pamwenga wadera
Wonesesani pamwenga fufuzani chinthu chechosi cho Yehova wakulenga, ndipu kambiskanani vo chititisambiza vakukwaskana ndi Yehova
Nyengu zinyaki mudanengi munthu kuti muzichitiyengi nayu limoza Kusopa kwa Pabanja, ndipu mungamufumba mafumbu
Jiŵikiyeni vilatu vauzimu, ndipu kambiskanani mo mungavifiskiya
Mungachitiya limoza vinthu nge, kupanga chingalaŵa chaku Nowa, pamwenga kusambira matchati ndi mapu ngo nge mu Bayibolu la Charu Chifya kweniso mabuku ngidu

Wonesani VIDIYO yakuti Yesesani Kuti Kusopa Kwinu kwa Pabanja Kujengi Kwakukondwesa. Ndipu fumbani akuvwisiya fumbu ili:

Kumbi munthulumi wangachita wuli kuti muwolu waki wakondwengi ndi kusopa kwa pabanja asani alivi ŵana?

Kwamuka

8. Sambiru la Bayibolu la Mpingu

(30 min.) bt mutu 13 ¶17-24