Saniyani Fundu Zakuzirwa za mu Bayibolu zo Mungazigwiriskiya Ntchitu

Pakuŵerenga Bayibolu tingasaniya fundu zakuzirwa asani tifufuza. Kweni kumbi tingachita wuli kuti tiyanduwengi ukongwa?

Musambirengi mwakuphwere nkhani za mu Bayibolu. Mwakuyeruzgiyapu, ziŵani yo wakulemba nkhani yo, wo walembiyanga kweniso nyengu yo yingulembeke. Kumbi vinthu venga wuli pa nyengu yo, ndi vinthu wuli vo vinguchitika nkhani yo yechendachitiki kweniso pavuli pakuti yachitika?

Ziŵani vo mungasambirapu mwakusaniya kumuka kwa mafumbu nge: ‘Kumbi ŵanthu wo angukwaskika anguvwa wuli? Kumbi angulongo mijalidu wuli? Ntchifukwa wuli ndikhumbika kuyezga mijalidu yawu pamwenga cha?’

Mugwiriskiyengi ntchitu vo mwasambirapu asani mwe mu uteŵeti pamwenga pakuchita vinthu ndi ŵanthu anyaki. Asani mwachita viyo, muŵengi ndi zeru mwakukoliyana ndi mo Bayibolu likambiya kuti: “Weyosi yo we ndi zeru wasungengi venivi.”—Salimo 107:43.

• Fundu Yakovya: Wonani mo nkhani yo yisanirika mu unganu wa mkati mwa sabata pa chigaŵa chakuti Chuma Chakutuliya Mu Mazu Ngaku Chiuta, yingatiwovye kuziŵa mo tingagwiriskiya ntchitu vo tasambira. Kanandi chigaŵa chenichi chija ndi mafumbu ngo tingajifumba, fundu zo tingaŵanaŵaniyapu kweniso vithuzi.