Kumbi Vingachitika Kuti Ŵanthu a Mitundu Yosi Achitiyanengi Vinthu Mwakuyanana?—Kumbi Bayibolu Likambanji?

Ŵanthu anandi awona kuti vingachitika cha kuti ŵanthu a mitundu yosi achitiyanengi vinthu mwakuyanana.

• António Guterres yo ndi mlembi wa wupu wa United Nations wangukamba kuti: “Kusankhana mitundu kwe nge poyizoni ndipu kutimbanyizga mawupu, magulu nga ŵanthu kweniso vakuchita va ŵanthu va zuŵa ndi zuŵa. Kusankhana mitundu ndiku kuchitiska ŵanthu kuti achitiyanengi vinthu vambula urunji.”

Kumbi vingachitika kuti ŵanthu a mitundu yosi achitiyanengi vinthu mwakuyanana? Kumbi Bayibolu Likambanji?

Mo Chiuta wawone nkhani ya kusankhana mitundu

Bayibolu lititikambiya mo Chiuta wawone ŵanthu a mitundu yakupambanapambana.

• “Kutuliya mu munthu yumoza [Chiuta] wakupanga mitundu yosi ya ŵanthu wo aja pacharu chapasi.”​—Machitidu 17:26.

• “Chiuta walivi sankhu, kweni iyu walondere munthu wakutuliya mu mtundu wewosi yo watimuwopa ndi kuchita urunji.”​—Machitidu 10:34, 35.

Bayibolu likamba kuti ŵanthu akutuliya ku munthu yumoza ndipu Chiuta walondere ŵanthu a mitundu yosi.

Mo kusankhana mitundu kwazamumaliya

Ufumu waku Chiuta wo ndi boma lakuchanya wazamulisa kusankhana mitundu. Boma lenili lazamuwovya ŵanthu kuziŵa mo angachitiya anyawu vinthu mwakwenere. Ŵanthu azamusambira mo angamalisiya jalidu la kusankhana mitundu.

• “Akuja mucharu [azamusambira] urunji.”—Yesaya 26:9.

• “Urunji chayiwu wazamuchitiska kuti paje chimangu, ndipu chipasu cha urunji chayiwu chazamuja chimangu ndi kuvikilirika mpaka muyaya.”​—Yesaya 32:17.

Mazuŵa nganu ŵanthu mamiliyoni nganandi asambira kutuliya mu Bayibolu mo angachitiya vinthu mwaulemu ndi anyawu.

• Kuti muziŵi vinandi ŵerengani nkhani ya mutu wakuti “Kumbi Sankhu Limalengi Wuli?” mu magazini ya Jani Masu!

• Ŵerengani nkhani yakuti “Mmene Mungauzire Mwana Wanu za Kuipa Kosankhana Mitundu.”