Ntchifukwa Wuli Ŵanthu Akuleka Kutumbika Ŵanthu a Mubanja Lawu?
NTCHIFUKWA WULI ŴANTHU AKHUMBIKA KUTUMBIKANA MUBANJA?
Mubanja muja chimangu asani wosi atumbikana.
Buku linyaki lingukamba kuti: “Asani ŵanthu akutolana atumbikana, munthu yo akutolana nayu atimuchitiya vinthu vikuluvikulu pe cha, kweni atimuchitiya so tinthu timanatimana kuti alongo kuti atimuyanja.” (The Seven Principles for Making Marriage Work)
Akufufuza akusaniya kuti ŵana wo asambira kutumbika ŵanthu atijikayikiya cha, aja paubwezi wamampha ndi apapi ŵawu ndipuso asuzgika maŵanaŵanu ukongwa cha.
KUMBI MUNGALONGO WULI KUTI MUTUMBIKA ŴANTHU A MUBANJA LINU?
Vo mungachita limoza ndi banja linu. Chakwamba, wovyani weyosi mubanja linu kuti waziŵi kuti “kutumbikana” kung’anamuwanji. Chachiŵi, lembani mijalidu yo weyosi wakhumbika kuja nayu ndipuso yo wakhumbika kuyikhwecha. Chachitatu, limoza ndi ŵana ŵinu kambiskanani vo mungachita kuti mutumbikanengi.
Mujengi chakuwoniyapu chamampha. Kumbi muchombola ŵanthu a mubanja linu asani anangisa vinthu? Kumbi mutiŵanyoza asani apereka maŵanaŵanu ngawu? Pamwenga muziŵaniza kweniso mutiŵadumuliza asani alongoro namwi?
Fundu Yakovya: Muyesesengi kutumbika yo mukutorana nayu ndipuso ŵana ŵinu, kwali muwona kuti ngwakwenere kumutumbika pamwenga cha.
Muŵatumbikengi mbwenu ŵanthu chinanga kuti mukoliyana nawu cha. Asani mukamba maŵanaŵanu nginu, mungakambanga cha mazu ngakuti “utanjadi” pamwenga kuti “uchita cha.” Mazu ngenanga ngangapweteka ndipuso kuguŵisa ŵanthu a mubanja linu, vo vingachitiska kuti mphindanu yimana yikuwi.
KUMBI AKABONI AKU YEHOVA ATOVYA WULI ŴANTHU KUTI ATUMBIKENGI ŴANTHU A MUBANJA LAWU?
Akaboni aku Yehova achiska ŵanthu kuti atumbikengi ŵanthu a mubanja lawu. Ulongozgi wo we mu mabuku, timabuku kweniso mavidiyo ngo Akaboni aku Yehova anozga, utovya ŵanthu kuti atumbikengi ŵanthu a mubanja lawu. Weyosi wangasaniya vinthu venivi kwawezi.
ŴANTHU AKUTOLANA: Nkhani yo ye pa chigaŵa chakuti Vo Vingawovya Mabanja yingawovya munthulumi ndi munthukazi kuti . . .
avwisiyengi
amalisi jalidu la kuleka kukambiskana asani ayambana
amalisi kupindana
(Fufuzani mutu wakuti “Vo Vingawovya Mabanja” pa jw.org)
APAPI: Nkhani zo zisanilika pa mutu wakuti Vo Vingawovya Mabanja zingawovya apapi kuti asambizi ŵana ŵawu kuti . . .
avwiyengi
aŵawovyengi kugwira ntchitu za panyumba
apemphengi “mwaulemu” ndipuso akambengi kuti “ndawonga”
(Fufuzani nkhani yakuti “Kulera Ŵana” ndipuso “Kulera Ŵana Achinyamata” pa jw.org)
Wonani so chigaŵa chakuti zakumapeto, “Mafunso Amene Makolo Amadzifunsa,” mu buku lakuti Mayankho a Zimene Achinyamata Amafunsa, Buku Loyamba. (Fufuzani mutu wakuti “Mafunso Amene Makolo Amadzifunsa” pa jw.org)
ACHINYAMATA: Chigaŵa chakuti Achinyamata cho che pa jw.org che ndi nkhani, mavidiyo ndipuso zoti achinyamata achite, vo vingawovya achinyamata kuti . . .
akoliyanengi ndi apapi ŵawu kweniso abali ŵawu
akambiskanengi mwaulemu ndi apapi ŵawu pa nkhani ya marangu
agomezgekengi kwa apapi ŵawu
(Fufuzani chigaŵa chakuti “Achinyamata” pa jw.org)
Mabuku ndi mavidiyo nga pa webusayiti ya jw.org ngawezi. Mukhumbika kuŵa membala cha kuti mulondiyengi mabuku pamwenga mavidiyo ngidu.