LAYIBULARE YA PA INTANETI
Watchtower
LAYIBULARE YA PA INTANETI
Chitonga (Malawi)
  • BAYIBOLU
  • MABUKU
  • MAUNGANU
  • dg chigaŵa 9 pp. 19-22
  • Kumbi Tiziŵa Wuli Kuti te “m’Mazuŵa Ngakumaliya”?

Vidiyo yo mwasankha palivi.

Pepani, vidiyo iyi yikana kujula.

  • Kumbi Tiziŵa Wuli Kuti te “m’Mazuŵa Ngakumaliya”?
  • Kumbi Chiuta Watitiŵanaŵaniya Nadi?
  • Mitu yimanayimana
  • Nkhani Yakuyanana
  • Nkhondu za Charu Chosi
  • Maukaboni Nganyaki
  • Chinthu Chinyaki Cho Chichitiska Masuzgu
  • Muwusu wa Ŵanthu ndi Viŵanda Wepafupi Kumala
  • Mbayani wo Azamupozomoka Kweniso Kufwa?
  • Kumbi Tija ‘M’mazuŵa Ngakumaliya’?
    Kumbi Bayibolo Lisambizanji Weniukongwa?
  • Kumbi Charu che Pafupi Kumala?
    Kumbi Tingasambiranji m’Bayibolu?
  • Kumbi ndi Vinthu Wuli vo Vilongo Kuti Tija mu “Mazuŵa Ngakumaliya” Pamwenga ‘Nyengu za Umaliru’?
    Mafumbu ngo Bayibolu Limuka
  • Kumbi Ufumu Waku Chiuta Nchinthu Wuli?
    Kumbi Bayibolo Lisambizanji Weniukongwa?
Kumbi Chiuta Watitiŵanaŵaniya Nadi?
dg chigaŵa 9 pp. 19-22

Chigaŵa 9

Kumbi Tiziŵa Wuli Kuti te “m’Mazuŵa Ngakumaliya”?

1, 2. Kumbi tingaziŵa wuli kuti te m’mazuŵa ngakumaliya?

KUMBI tingasimikizga wuli kuti te mu nyengu yo Ufumu waku Chiuta utuzgengepu mgonezi wa ŵanthu wo uwusa? Kumbi tingaziŵa wuli kuti tepafupi ukongwa kufika mu nyengu yo Chiuta wazamutuzgiyapu uheni wewosi ndi masuzgu?

2 Ivi ndivu akusambira aku Yesu Khristu akhumbanga kuziŵa. Yiwu akhumbanga kuziŵa “chisimikizgu” cha kujapu kwaki pa nyengu yo wazamuwusiya mu Ufumu ndipuso “cha umari wa mgonezi wo.” (Mateyu 24:3) Yesu wangumuka mwakukhonkhoska vinthu vakofya vo vazamuchitika pacharu chapasi kweniso vakuchitika vo vazamulongo kuti mtundu wa ŵanthu wasere mu “nyengu ya umari,” ndipuso mu “mazuŵa ngakumariya” nga mgonezi wunu. (Danyele 11:40; 2 Timote 3:1) Kumbi tachiwona chisimikizgu cha vakuchitika vakupambanapambana mu nyengu yidu yinu? Hinya, tachiwona nadi!

Nkhondu za Charu Chosi

3, 4. Kumbi nkhondu zo zichitika mu vyaka vinu zikoliyana wuli ndi uchimi waku Yesu?

3 Yesu wangukambiya limu kuti “mtundu uyukiyengi pa mtundu, ndi ufumu pa ufumu.” (Mateyu 24:7) Mu 1914, pacharu chosi chapasi panguchitika nkhondu yo yinguchitisa mitundu ndi maufumu kuti ngayukiyani ndipu kwamba kali ivi venga vechendachitikepu. Akulemba mbiri wo ŵengapu pa nyengu iyi ŵati awona vakuchitika ivi, angukamba kuti yenga Nkhondu Yikulu. Nkhondu yangeti iyi yenga yechendachitikepu mu mbiri yosi ya ŵanthu, yenga nkhondu yakwamba ya charu chosi. Asilikali ndi ŵanthu anyaki waka akukwana 20,000,000 angubayika ndipu chiŵerengeru ichi chijumpha chiŵerengeru cha ŵanthu wo akubayika pa nkhondu zinyaki zosi zakuvuli.

4 Mazuŵa ngakumaliya ngangwambiya pa nyengu ya Nkhondu Yakwamba ya Charu Chosi. Yesu wangukamba kuti nkhondu iyi kweniso vakuchitika vinyaki vazamuja ‘chiyambi cha maurwirwi.’ (Mateyu 24:8) Ivi vinguzisimikizgika pa nyengu ya Nkhondu Yachiŵi ya Charu chosi, po pangubayika ŵanthu anandi ukongwa, mwakuti asilikali ndi ŵanthu anyaki waka akukwana 50,000,000 angubayika. Mu nyengu yidu yinu, ŵanthu akujumpha 100,000,000 abayika pa nkhondu, ndipu chiŵerengeru ichi chasazgikiyaku kanayi kujumpha cha ŵanthu wo akubayika vyaka vakujumpha 400 kuvuli uku. Ivi vilongole limu kuti muwusu wa ŵanthu ngwabwekabweka!

Maukaboni Nganyaki

5-7. Kumbi ndi maukaboni nganyaki nanga ngo ngalongo kuti te m’mazuŵa ngakumaliya?

5 Yesu wangukamba vinthu vinyaki so vo vazamuchitika mu mazuŵa ngakumaliya, iyu wangukamba kuti: “Viŵengepu viyeuyeu vikuru, ndi mu malu ndi malu vilala ndi videru [miliri ya matenda].” (Luka 21:11) Mazu yanga ngakoliyana ukongwa ndi vakuchitika vo vingwamba mu 1914, chifukwa kwachitika masuzgu nganandi ukongwa kwambiya pa nyengu yeniyi.

6 Vidiririsi vikuluvikulu vichitika pafupipafupi ndipu vibaya ŵanthu anandi. Ndipuso, pavuli pa Nkhondu Yakwamba ya charu Chosi, nthenda ya fuluweza ya ku Spain yingubaya ŵanthu pafufupi 20 miliyoni ndipu anyaki asachizga kuti angujumpha 30 miliyoni. Ezi nayu yabaya ŵanthu masauzandi nganandi ukongwa ndipu yiwoneka so kuti yibayengi ŵanthu mamiliyoni nganandi ukongwa pambula kuswera yapa. Chaka chechosi ŵanthu atufwa ndi matenda nga mtima, kansa ndipuso matenda nganyaki. Ŵanthu mamiliyoni so nganandi atufwa ndi nja. Viwoneke limu kuti ‘ŵanthu wo akwera pa akavalu kuzisakaza charu’ ndi nkhondu, nja, miliri ya matenda, aja achibaya ŵanthu anandi ukongwa kwambiya mu 1914.—Chivumbuzi 6:3-8.

7 Yesu wangukambiya limu kuti ŵanthu anandi azamuvwiya marangu cha mu vyaru vosi. Iyu wangukamba kuti: “Wandaniskikengi uchikana marangu, chizizirengi chanju cha ŵanandi.”—Mateyu 24:12.

8. Kumbi uchimi wa pa 2 Timote chaputala 3 uyanana wuli ndi vakuchitika va mnyengu yidu?

8 Kweniso, uchimi wa m’Bayibolo ungukambiya limu kuti mijalidu yamampha yazamumala ndipu ivi ndivu vichitika pacharu chosi mazuŵa nganu, uchimi uwu utiti: “Mu mazuŵa ngakumariya zikabukanga nyengu zizitu. Chifukwa paŵengepu ŵanthu ŵakujanja, ŵakwanja ndrama, ŵakujiŵikamu, ŵakujikuzga, ŵakutondowo, ŵakutafuliya ŵapapi ŵawu, ŵambura kuwonga, ŵambura ukhovu, ŵazira chanju chakawi, ŵambura matunizgika, ŵapharamulu, ŵambula kujitintha, ŵakari, ŵazira kwanja umampha, zimphachi, ŵakujivwiya, ŵakututumuka, ŵakwaja kadara kwakuruska kumwanja Chiuta; ŵakuŵa ndi chikozgu cha uwopa Chiuta kweni ŵakukana nthazi yaki . . . Kweni ŵanthu ŵaheni ndi ŵafuzi ŵakarutiriyanga ku uheni.” (2 Timote 3:1-13) Vosi ivi taviwona ndi masu ngidu.

Chinthu Chinyaki Cho Chichitiska Masuzgu

9. Kumbi ndi vinthu wuli vo vinguchitika kuchanya vo vingukoliyana ndi kwamba kwa mazuŵa ngakumaliya pacharu chapasi?

9 Pe chinthu chinyaki so cho chichitiska kuti masuzgu ngaje nganandi mu nyengu yidu yinu. Pe chinthu chinyaki cho chinguchitika mu 1914 cho chachitiska kuti umoyu wa ŵanthu uje pa ngozi yikulu. Nge mo uchimi wa buku lakumaliya la m’Bayibolo ukambiya, pa nyengu iyi: “Yengaku nkhondu kuchanya: Mikaele [Khristu mu unkhunkhu waki kuchanya] ndi ŵangelu ŵaki ŵangurwana ndi nchalinda yo [Satana]; ndipu wangurwa nchalinda ndi ŵangelu ŵaki [viŵanda]. Kweni wangupundika; ndipu kuti ngangusanirika so cha malu ngawu kuchanya. Ndipu wanguponyeka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyu ndi ŵangelu ŵaki pamoza nayu.”—Chivumbuzi 12:7-9.

10, 11. Kumbi mtundu wa ŵanthu ukukwaskika wuli chifukwa chakuti Satana ndi viŵanda akuponyeka pacharu chapasi?

10 Kumbi ndi vinthu wuli vo vinguchitikiya mtundu wa ŵanthu? Uchimi uwu ulutirizga kuti: “Kweni owe, charu ndi nyanja; pakuti Diabolo yo wasikiya kwaku imwi, wakuŵa ndi kandundu kakuru pakuziŵa kuti nyengu yaki njimanavi!” Satana waziŵa kuti mgonezi waki wepafupi kumala, ndipu watesesa kuchitiska ŵanthu kuti agurukiyi Chiuta, iyu ndi charu chaki ŵechendatuzgikepu. (Chivumbuzi 12:12; 20:1-3) Vakulengeka vauzimu ivi vingunanga ukongwa chifukwa chakuti vingugwiriskiya nchitu wanangwa wawu mwambula kwenere. Ndipuso kwambiya mu 1914, vinthu vaheneka ukongwa pacharu chapasi chifukwa cha fuzi yawu.

11 Ndichu chifukwa chaki Yesu wangukambiya limu vakukwaskana ndi nyengu yidu yinu kuti: “Panupasi mtundu yosi yikaŵanga yakuzizikika, ndi yakopa . . . Ŵanthu ŵamkufwa chipoyu ndi ofi, mu chilereze chaku vo vituza pa charu.”—Luka 21:25, 26.

Muwusu wa Ŵanthu ndi Viŵanda Wepafupi Kumala

12. Kumbi umoza mwa mauchimi ngakumaliya ngo ngakhumbika kufiskika mgonezi uwu wechendamali ndi nuwu?

12 Kumbi ndi mauchimi nga m’Bayibolo ngalinga ngo ngakhumbika kufiskika Chiuta wechendatuzgepu mgonezi uwu? Ngajaku ngamanavi ukongwa! Umoza wa mauchimi ngakumaliya usanirika pa 1 Ŵatesalonika 5:3 wo ukamba kuti: “Po ŵatiti, ‘chimangu ndi wanangwa,’ penipo ndipu phasulu lituŵawiya.” Ivi vilongo kuti mgonezi uwu umalengi ‘pa nyengu yo aŵereŵete.’ Umari wa mgonezi uwu wazakuŵafikiya mwamabuchibuchi pa nyengu yo aleka kuziŵa ndipuso pa nyengu yo ŵanthu azamukhaza kuti pacharu chosi paje chimangu ndi wanangwa.

13, 14. Kumbi nyengu yakusuzga yo Yesu wangukambiya limu ndi niyi ndipu yazamumala wuli?

13 Kwaja kanyengu kamanavi kuti charu chakuwusika ndi Satana chituwepu. Charu ichi chimalengi pambula kuswera yapa mu nyengu yo Yesu wangukamba kuti: “Chiŵengeku penipo chisuzgu chikuru, chakuti chengavi kuŵapu chaviyo kutuwa ku mtendeku wa charu mpaka kunu ku le, chingana nkhuti chikaŵangapu so cha.”—Mateyu 24:21.

14 Nkhondu yaku Chiuta ya Aramagedoni yazamuchitika kukumaliya kwa “chisuzgu chikuru.” Nyengu iyi njeniyo mchimi Danyele wangukamba kuti Chiuta ‘wazamubwanganduwa maufumu ngosi yanga kungamala.’ Maufumu ngosi nga ŵanthu ambula kuvwiya Chiuta ngazamuliya penapa. Ufumu waki wakuchanya ndiwu wazamuja ndi nthazi pa vakuchita vosi va ŵanthu. Danyele wangukambiya limu kuti mazaza ngakuwusiya ngazamuperekeka so ku ‘mtundu wa ŵanthu cha.’—Danyele 2:44; Chivumbuzi 16:14-16.

15. Kumbi nchinthu wuli cho chichitikiyengi fuzi yaku Satana ndi viŵanda vaki?

15 Fuzi yosi yaku Satana ndi viŵanda yazamumala pa nyengu iyi. Angelu akugaruka yaŵa azamumangika kuti aleki “kurandizga so mitundu.” (Chivumbuzi 12:9; 20:1-3) Akupaskika cheruzgu cha nyifwa ndipu alindiza kuzibayika. Ŵanthu azamuja pa wanangwa ukulu chifukwa azamufwatuka ku fuzi yiheni.

Mbayani wo Azamupozomoka Kweniso Kufwa?

16-18. Kumbi mbayani wo azamutaskika pa umari wa mgonezi wunu, nanga mbayani wo azamubayika?

16 Kumbi mbayani wo azamupozomoka pa nyengu yo Chiuta wazamuyeruzgiya charu? Nanga mbayani wo azamukufwa? Bayibolo lilongo kuti wo akhumba muwusu waku Chiuta azamuvikilirika ndipu azamupozomoka. Kweni wo aleka kukhumba muwusu waku Chiuta azumuvikilirika cha ndipu azamunangikiya limoza ndi charu chaku Satana.

17 Lemba la Nthanthi 2:21, 22 likamba kuti: “Pakuti ŵakunyoroka [wo avwiya muwusu waku Chiuta] ŵakajanga mu charu, ndipu ŵanthu ŵakujisunga umampha ŵakajaliriyanga mwaku cho; kweni ŵaheni [wo aleka kuvwiya muwusu waku Chiuta] ŵakadumulikangaku ku charu cho, ndipu ŵakunyenga ŵakazuwikangamu.”

18 Lemba la Sumu 37:10, 11 likamba so kuti: “Kwaja kanyengu kamanavi, muheni kuti wakaŵangapu so cha . . . Kweni ŵakuzika ndiwu ŵakaharanga charu, ŵakondwengi mu chimangu chikuru.” Vesi 29 likamba so kuti “Ŵakurunjika ŵaharengi charu, ndipu ŵakajanga paku cho muyaya.”

19. Kumbi titenere kukumbuka ulongozgi nuwu nyengu zosi?

19 Titenere so kukumbuka ulongozgi wo we pa Sumu 37:34, wo ukamba kuti: “Lindizga Ambuya, yendanga mu nthowa yawu, ndipu akutumphuskengi kuhara charu; ukawonanga ŵachidumulika ŵaheni.” Mavesi 37 ndi 38 ngakamba kuti: “Thoŵani [wonani] munthu wambura kalema, ndi lereskani wakunyoroka, pakuti ku munthu wa chimangu yiŵengeku mphapu yakuvuli. Kweni wakwananga wakaparanyikiyanga limu; mphapu ya ŵaheni yikadumulikanga.”

20. Kumbi nchifukwa wuli tingakamba kuti nyengu iyi yazamuja yakukondweska ukongwa kuzijamu?

20 Kuziŵa kuti Chiuta watitiŵanaŵaniya ndipuso kuti pambula kuswera yapa wazamutuzgapu vinthu viheni vosi ndi masuzgu, nkhwakupembuzga ukongwa. Ndi vinthu vakukondweska so ukongwa kuziŵa kuti mauchimi yanga ngaja kamanavi kufiskika!

[Chithuzi papeji 20]

Bayibolo likukambiya limu vakuchitika vo vazamupanga “chisimikizgu” cha mazuŵa ngakumaliya

[Chithuzi papeji 22]

Kwaja kanyengu kamanavi, ndipu wosi wo aleka kuvwiya muwusu waku Chiuta azamubayika pa Aramagedoni. Wo avwiya azamusere mu charu chifya cha urunji

    Mabuku nga Chitonga (1996-2025)
    Tuwanipu
    Sereni
    • Chitonga (Malawi)
    • Tumizani
    • Vo Mukhumba
    • Copyright © 2025 Watch Tower Bible and Tract Society of Pennsylvania
    • Fundu zo Mutenere Kulondo
    • Nkhani Yakusunga Chisisi
    • Kusintha Vinthu Vachisisi
    • JW.ORG
    • Sereni
    Tumizani