Kumbi Chiuta Wauneneska Ndiyani?

Kwe Chiuta yumoza pe wauneneska ndipu zina laki ndi Yehova. (Masalimo 83:18) Iyu ndi Mzimu, ndipu tingamuwona cha. Yehova watitiyanja ndipu wakhumba kuti nasi timuyanjengi. Wakhumba so kuti tiyanjengi anyidu. (Mateyu 22:35-40) Iyu Ngwapachanya Ukongwa ndipuso ndi Mulengi wa vinthu vosi.

Chiuta wangwamba kulenga munthu wanthazi ukongwa, yo wanguzidanika kuti Yesu Khristu. Pavuli paki wangulenga so angelu anyaki.

Yehova wakulenga vinthu vosi vakuchanya  . . . ndi va pacharu chapasi. Chivumbuzi 4:11

Yehova Chiuta wakulenga nyenyezi, charu chapasi ndi vosi vo ve mwenimo.—Genezesi 1:1.

Iyu wangupanga munthu wakwamba Adamu kutuliya ku fuvu.—Genezesi 2:7.