Mazu Ngakwamba nga Chigaŵa 5

Pati pajumpha myezi yiŵi kutuliya po Ayisirayeli angumbukiya Nyanja Yiyera, angufika ku Phiri la Sinayi. Kwenuku, Yehova wanguchita phanganu ndi Ayisirayeli kuti ajengi ŵanthu ŵaki apade. Iyu waŵavikiliyanga ndipuso waŵapasanga chechosi. Mwakuyeruzgiyapu, wanguŵapaska mana kuti aryengi, vakuvwala vo vamalanga cha ndi malu ngamampha ngakujaku. Asani ndimwi mupapi, wovyani ŵana ŵinu kuziŵa chifukwa cho Yehova wangupasiya Ayisirayeli marangu, chihema ndi asembi. Akonkhosiyeni chifukwa cho tikhumbikiya kuchita vo talayizga, kulutiriza kuja akujiyuyuwa ndipuso akugomezgeka nyengu zosi.