Mazu Ngakwamba nga Chigaŵa 11

Chigaŵa ichi chikonkhoska nkhani zo ze mu Malemba Ngachigiriki Ngachikhristu. Yesu wanguwiya mu banja likavu lo lajanga mutawuni yimana. Iyu wagwiranga ntchitu ya ukalipentala ndi awisi. Yesu watingi wazitaskengi ŵanthu. Yehova wangumusankha kuja Fumu ya Ufumu waki kuchanya. Asani ndimwi mpapi wovyani mwana winu kuziŵa kuti Yehova wangusankha banja lo lamuwopanga kuti ndilu lizileri Yesu. Ŵanaŵaniyani vo Yehova wanguchita kuti Herodi waleki kubaya Yesu ndipuso mo walongore kuti palivi chechosi cho chingamutondekesa kufiska khumbu laki. Musambirengi mo Yehova wangupaskiya Yohane ntchitu yakunoza nthowa yaku Yesu. Konkhoskani mo Yesu wangulongore kuti wayanjanga zeru zaku Yehova kutuliya pa unamana.