12

Yesu wasambizanga ŵanthu za Ufumu wakuchanya, kweniso kuti apempherengi kuti zina laku Chiuta lipaturiki, Ufumu waki uzi ndipuso kuti khumbu laki lichitiki pa charu chapasi. Asani ndimwi mpapi, konkhoskiyani mwana winu cho pempheru ili ling’anamuwa kwaku isi. Yesu wanguzomereza cha kuti Satana wamutondekesi kuja wakugomezgeka. Iyu wangusankha akutumika ŵaki ndipu yiwu ŵenga akwamba pa ŵanthu wo wamulamuliya nawu limoza. Wonani phamphu lo Yesu wenga nalu pakusopa kwauneneska. Ndipu chifukwa chakuti wakhumbanga kovya ŵanthu, Yesu wachizganga akutama, waryisanga wo ŵenga ndi nja ndipuso wayuskanga akufwa. Wachitanga vosi ivi kuti walongo vo Ufumu waku Chiuta wazamuchitiya ŵanthu.