SAMBIRU 1

Mazu Ngakwamba Ngakuchitiska Linweka

Machitidu 17:22

FUNDU ZAKUDUMUWA: Mazu nginu ngakwamba ngatenere kuchitiska munthu kuti waje ndi mtima wakukhumba kuvwisiya, ngalongongi mutu wa nkhani yinu kweniso ngawovyengi akuvwisiya kuwona kukhumbika kwa nkhani yinu.

MO MUNGACHITIYA:

Chitiskani munthu kuti waje ndi mtima wakukhumba kuvwisiya. Sankhani fumbu, nkhani yo mwavwa, vinthu vo vikuchitikiyapu ŵanthu anyaki pamwenga nkhani yinyaki yeyosi yo yingachitiska akuvwisiya kuti aje ndi mtima wakukhumba kuvwa vinandi.

Muchinozgeke, ŵanaŵaniyani mwakuphwere vinthu vo vingakondwesa akuvwisiya ndipuso vinthu vo vitiŵafipisa mtima, ndipu mungachikamba venivi mu mazu nginu ngakwamba.
Longoni mutu wa nkhani yinu. Wonesesani kuti mazu nginu ngakwamba ngalongo umampha mutu wa nkhani yinu ndipuso chilatu chaki.
Longoni kukhumbika kwa nkhani yinu. Kambani vinthu vo vingakondwesa ŵanthu wo atikuvwisiyani. Awovyeni kuti avwisi umampha mo nkhani yinu yingawovye munthu weyosi pakuyija.

Asani munozgeke nkhani jifumbeni kuti, ‘Kumbi ndi vinthu wuli vo abali ndi azichi mumpingu widu akumana navu?’ Pavuli paki, nozgani mazu nginu ngakwamba kuti ngakoliyani ndi vo yiwu akumana navu.