SAMBIRU 13

Longoni Phindu la Nkhani Yinu

Nthanthi 3:21

FUNDU ZAKUDUMUWA: Wovyani akuvwisiya kuziŵa mo nkhani yinu yingaŵawovye kweniso longoni mo angachitiya ndi vo asambirapu.

Muŵanaŵaniyengi akuvwisiya. Ŵanaŵaniyani chifukwa cho akuvwisiya akhumbikiya kuvwa uthenga wo we mu nkhani yinu. Ŵanaŵaniyani so fundu zo zingaŵawovya.
Mu nkhani yinu yosi, wovyani akuvwisiya kuwona vo angachita. Kwamba waka pakwamba pa nkhani yinu, munthu weyosi wajivwengi kuti, ‘Nkhani iyi yalembeke ini.’ Asani mwafika pa fundu yikulu, longoni mo angayigwiriskiya ntchitu. Ndipu mukambengi vinthu vo vingaŵawovya.

Mukonkhoskengi mwachanju ndipuso mwalisungu mo angagwiriskiya ntchitu fundu za m’Bayibolu. M’malu mwakuchitiska kuti akuvwisiya ajimbengi mlandu, awovyeni kuti amuyanjengi ukongwa Yehova kweniso kuja ndi chivwanu chakukho. Ndipu mugomezgengi kuti achitengi vinthu vakwenere.